2 Korinit 6:14 - Tataroha Diana

¹⁴ Iꞌomu, omu aaopa oto mwaanie mo puꞌo, oto omu ke suꞌuri hata-hata loꞌu peꞌire. ?Aana oodotaꞌinge na tataꞌalanga kei hata uri taa? ?Wa raa-raa na rodohono kei iiꞌo tararuru uri taa?

2 Korinit 6:14 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 7:7

Mwala aana walumalau ie kire saꞌa maalelediꞌomu ike, taꞌe ineu ni kire ko maaleledieu, aena aana no ko lae peꞌi unu haataꞌinie uri nga taa kire ko esuie e aaela.

Palonga 4:23

Oto maholo kire toliꞌaasie a Pita na Jon hunie kire ke iiꞌo luhetaꞌi, kirerue si lae i saana pulitaa kira hiiwalaimoli na kire ko haꞌarongora oto aana mo ola nge mo naꞌohai pris na mo rato ni mwane kire unu-unuꞌi hunirerue.

1 Korinit 10:21

Omu saꞌa inu ike aana kao-kao a Aalaha na omu saꞌa inu ike noꞌone aana kao-kao mo liꞌoa aaela. Omu saꞌa ngau ike noꞌone peꞌie a Aalaha na omu saꞌa ngau ike noꞌone peꞌie mo liꞌoa aaela.

1 Korinit 15:33

Maeni eesiku, mwaanie mwala urine e eero-eeroꞌomu. Aamasitoꞌo kaꞌu aana mei neꞌisaenga uuri, “Hikusilana mo iinoni aaela e sai waelie tolaha diana iꞌomu.”

1 Korinit 5:9

Maeni eesiku, nou kaꞌa ere aaopa ike mwaanie nga taa nou unue oto wau i naꞌo. I laona uusu-uusu nge nou uusue kaꞌu weu huniꞌomu, nou unue oto uri omu ke suꞌuri hikusie mwala kire sai mesi.

1 Korinit 6:6

!E lio oto urine mwae! Na aena urine kaꞌu omu ko toolea mo eesimiu i lalo aana a Kraes hunie mo puꞌo ke haꞌa-oodohie mo ola huniꞌomu.

1 Korinit 7:39

Na loꞌu, huꞌe nge e toꞌo poro ke iiꞌo ruru taraꞌasi oto peꞌie poro ingeie. Taꞌe mala uri poro ingeie ko mae, nge e sai toꞌo aana loꞌu mola taꞌena nga mwane ko saetoꞌo aana, mala uri a mwane ngeena noꞌone ko lulu i sulie a Kraes.

Pilipae 2:15

Na hunie omu ke iiꞌo oodotaꞌi, na tolahamiu ke diana aana omu neꞌi mwela maaꞌi a God oto, maꞌalana omu ko oꞌoꞌo ue i matolana mo iinoni ni oorahaꞌaa na tolahada e popoliꞌiliꞌi. Ikire, kire iiꞌo i laona rodohono, na iꞌomu oto raa-raa hunire,

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.