2 Korinit 5:19 - Tataroha Diana

¹⁹ Oto melu ko tarohaꞌinie uri a Kraes e asu mola nana a God hunie ahutana iinoni aana walumalau kire ke aaliꞌu mei takoie hunie kire ke uure ruru peꞌie a God. Na aena aana a Kraes mone, a God e kaꞌa loꞌongaꞌinie ike loꞌu mo oorahaꞌaanga ikire. Na e niie mei tataroha diana ngeena nameelu hunie melu ke tarohaꞌinie hunie mwala ke saie tala hunie ikire noꞌone kire ke sai uure ruru peꞌie a God.

2 Korinit 5:19 ပူးပေါင်းရင်းမြစ်များ

Matiu 1:23

Nga keni raoriꞌi kei hiꞌe-hiꞌe aani mwela, na kei haꞌahutaa kele mwela mwane, na kire kei saie aana Imaniuel, Aesaea 7:14 ere-oolisilana uuri, “God peꞌikie.”

Tataroha Diana I Sulie A Jisas Kraes Nge A Jon E Uusue 14:20

Aana hai dinge ngeena, omu ke si saie uri ineu i lalo aana a Mamaꞌa, na iꞌomu i lalo aaku, na ineu i lalo aamiu.

Tataroha Diana I Sulie A Jisas Kraes Nge A Jon E Uusue 17:23

Iꞌoe o iiꞌo i lalo aaku, na ineu ne ke iiꞌo i lalo aada, uri hunie kire ke tohungei neꞌie oto taꞌa-taꞌa iinoni. Oto walumalau ke si lio saie uri iꞌoe ni taane o uusungeꞌinieu mei, na uri o manata diana hunire oto mala o manata diana hunieu.

Uusu-uusu A Pol Hurula'aa Hunie Mo Rom 11:15

Oto aana mo Jiu kire iiꞌo poꞌoi sinaha mala ie, nge e niie maholo oto hunie ahutana mwala loꞌu aana walumalau hunie kire ke uure ruru peꞌie a God. ?Haꞌalaa nga taa nge kei reu mala uri mo Jiu kire kei lae loꞌu mei i saana a God? !Ngeena kei urihana uri kire mauri eelihoꞌi loꞌu mwaanie maenga!

1 Korinit 13:5

Manata-diananga e kaꞌa ola ike huni haꞌamasaa ngaeta iinoni, wa huni loꞌongaꞌinie maraana, wa huni loohaꞌi roroꞌanga, wa huni saewasu oto mola lau-leu.

Kolosi 2:9

Na kie saie uri a Kraes e diana liutaa aana taꞌena nga ola ni welumalau, aana ahutana mau-meuringe a God e iiꞌo i lalo aana a Kraes maholo e lae mai neꞌi iinoni mala ikie.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

1 Jon 4:10

Tohungana manata-diananga ni otona. Manata-diananga ikie hunie a God e kaꞌa tohungei diana ike urine, taꞌe ingeie ni e tohungei manata diana hunikie toꞌohuu aana e uusungeꞌinie mai a Kalena uri hunie ke neꞌi uunu-olanga huni tapa oolisie mo oorahaꞌaanga ikie.