2 Korinit 4:4 - Tataroha Diana

⁴ Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

2 Korinit 4:4 ပူးပေါင်းရင်းမြစ်များ

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Tataroha Diana I Sulie A Jisas Kraes Nge A Jon E Uusue 1:18

Nga taꞌa-taꞌa iini e kaꞌa leesie ike ue a God. Taꞌe taꞌa-taꞌa mwela mouteꞌi ingeie ko oꞌoꞌo peꞌie Aamana, na aana ingeie tohungei God noꞌone, ingeie oto e haataꞌi diana aana a God hunikie.

Tataroha Diana I Sulie A Jisas Kraes Nge A Jon E Uusue 12:31

Maholo e hule oto ie hunie a God kei leie walumalau, na ke oohe aasie a Satan, iini ko aalaha haahie walumalau.

Tataroha Diana I Sulie A Jisas Kraes Nge A Jon E Uusue 12:35

Oto a Jisas ko si teꞌuri hunire, “Raa-raa kei iiꞌo haꞌawali mola ue peꞌiꞌomu huni haꞌasinelie saemiu. Oto omu ke norutoꞌo mola aana, na omu ke lae-lae maholo raa-raa e iiꞌo ue i matolamiu, mwaanie e rodo honosiꞌomu i sulie tala. Aana iini ko lae-lae i laona rodohono, e kaꞌa saie ike uri ko lae i tei.

Tataroha Diana I Sulie A Jisas Kraes Nge A Jon E Uusue 12:40

Nou haꞌa-ulue maada, na nou honoa manatada mwaanie uri kire lio sai ola aana maada, na mwaanie uri kire loꞌongaꞌi saie nga mei ola aana manatada. Oto kire kei eeliꞌu mei seeku hunie uri ne ke haꞌa-uurire. Aesaea 6:10

Tataroha Diana I Sulie A Jisas Kraes Nge A Jon E Uusue 12:45

A tei ko leesieu, ko leesie noꞌone iini e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 14:30

Nou saꞌa iiꞌo tewa ike loꞌu peꞌiꞌomu huni ere-ere peꞌiꞌomu, aana aalaha haahie walumalau ie, a Pwelu Eero-eero, ko lae oto mai. Ingeie e kaꞌa toꞌo aana ike nga nanamanga haahieu,

Tataroha Diana I Sulie A Jisas Kraes Nge A Jon E Uusue 15:24

Mala uri ne ke suꞌuri lae mai esuie mo ola nge nga iini aaopa e kaꞌa asuiꞌi ue ngeena i matolada, haꞌalaa mo oorahaꞌaanga ikire saꞌa iiꞌo haadaꞌi ike urine. Taꞌe oto ie kire leesie taane mo huꞌi-huꞌite, na kire saronai ngiduupu mola ue huniꞌemereꞌi Aamaku.

Tataroha Diana I Sulie A Jisas Kraes Nge A Jon E Uusue 16:11

Na kei haataꞌi diana aada uri a God kei saronai leire taane, aana lei-maesilana aalaha aana walumalau ie e pwani lae oto.

Tataroha Diana I Sulie A Jisas Kraes Nge A Jon E Uusue 8:12

Oto a Jisas ko heꞌi ere uuri loꞌu hunie mo Parise, “Ineu oto raa-raa hunie mo iinoni aana walumalau. Iini ko lulu i sulieu, e saꞌa heꞌi lae loꞌu i laona rodohono, taꞌe kei toꞌo aana raa-raa nge e sai niie maurihe.”

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Palonga 26:23

Ikire noꞌone kire unue uri a Haꞌa-uuri nge a God e haiholotaꞌinie kei lae mai kei sapesalu hule aana maenga, na aana ingeie oto eetana nga iini kei holaꞌi taꞌelaꞌi eelihoꞌi mwaanie maenga, ingeie oto ke si tarohaꞌinie raa-raa a God hunie mo Jiu na mo Aapoloa Aaopa.”

1 Korinit 10:20

!Haꞌike! Maholo mo puꞌo kire ko uunu ola, nga taa nge kire ko uunue ngeena, kire ko uunue oto mola i saana mo liꞌoa aaela. Kire kaꞌa uunue ike i saana a God. Oto nou kaꞌa saetoꞌo aana ike uri omu ke ado aana nga mei ola peꞌie mo liꞌoa aaela.

2 Korinit 2:11

Na aena aana saeꞌaasinge hailiu urine, nge a Pwelu Eero-eero e saꞌa roroꞌa tari mwadaꞌu ike aakaelu huni waelikolu, aena aana kolu saie oto mo loꞌongaꞌinge aaela ingeie.

2 Korinit 2:12

Maholo nou hule wau aana huilume i Troas huni laeliwala aana Tataroha Diana i sulie a Kraes, nou deu oodoie uri a Aalaha e tahanie oto maa talana asunge ngeena hunie ke lae diana i leune.

2 Korinit 3:11

Haiholotaꞌinge lalahuꞌe nge uusulana e lae i laona mo Haꞌatolanga a Mosis e lio manikuluꞌe taane, maꞌalana e saꞌa iiꞌo huu ike. Taꞌe haiholotaꞌinge haalu huni haꞌa-oodohie mwala peꞌie a God kei toꞌo aana manikuluꞌanga e tohungei peine loꞌu liutaa, aana kei iiꞌo huu.

2 Korinit 3:14

Mo Israel kire kaꞌa sare saie ike, na saeda e hau mola. Na hule siꞌiri maꞌalana kire ko saa-saaie mo wala aana haiholotaꞌinge lalahuꞌe, taꞌe kire kaꞌa sai lio saiꞌi ike. E urihana mola mei sala a Mosis e aaluhie maana aana, e iiꞌo ue i maada. Na mei sala ngeena taꞌaasilana e sai lae mola hunie mo iini kire iiꞌo ruru peꞌie a Kraes.

2 Korinit 3:18

Oto ahutaka mo iini kie lado peꞌie a Kraes, a God e taꞌaasie oto mei sala ngeena mwaanie maaka hunie kie ke haataꞌinie manikuluhaꞌana Aalaha mala iiro-iiro ko wana-wana i laona sato. Na oto tarau Liꞌoa Maaꞌi a Aalaha ko esu i lalo aaka huni oolisikie hunie kie ke urihana oto ingeie maraana, na kie ke haataꞌinie manikuluhaꞌana oto liutaa.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

Kalesia 1:4

Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau.

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

Epesas 6:12

Aana kie kaꞌa ooho ike honosie mo iinoni, taꞌe kie ko ooho honosie mo liꞌoa aaela, na mo aalahanga aana mo liꞌoa tataꞌala, na mo nanamanga aana rodohono, na taꞌena nga iini aana mae a Pwelu Eero-eero.

Pilipae 2:6

Aana ingeie e pwani neꞌi God oto uure mai, taꞌe e kaꞌa sare tola hiitoꞌo ike aana mei neꞌisaenga ngeena i sapena, uri ingeie e sada mola peꞌie a God.

Kolosi 1:15

A Kraes oto iini lio sailana a God e sai lae aana, aana e tohungei sada oto peꞌie Aamana nge nga iini kaꞌa sai leesie ike. Maholo haꞌaholanga haꞌike ue, taꞌe a Kraes e iiꞌo oto, na e paine oto liutaa haahie taꞌena nga ola aana haꞌaholanga ngeena.

Kolosi 1:27

E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.

1 Timoti 1:11

aana Tataroha Diana nge e tohungei menikuluꞌe. Tataroha Diana ngeena, niilana e lae hunieu mwaanie a God, iini e diana oto liutaa.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Hibru 6:4

Iau, kie ke lae-lae peꞌie mo haꞌa-uusulinge diana, aena aana ko haꞌike, na kei aaela oto liutaa hunikie. Aana mo iini nge kire lio saie kaꞌu raa-raa a Kraes, taꞌe kire aatopuri mola aana, mo iini urine e tohungei aasa oto hiitoꞌo hunie uri kire kei eeliꞌu loꞌu mei takoie a God. Holaꞌinaꞌo kire manataꞌinie kaꞌu niinge a God i lalo aana maurihaꞌada, aana a Liꞌoa Maaꞌi e peꞌire kaꞌu. Na kire lio saie kaꞌu taane oto uri walana a God e diana oto liutaa, na kire mami aahongana noꞌone nanamanga nge e paine haahie walumalau haalu. Mo iini nge kire manataꞌinie walu ola diana ngeena, oto kire ko si duꞌe aalihoꞌi loꞌu mwaanie a Kraes, e saꞌa tohungei mwadaꞌusire ike oto ooꞌoo hunie kire ke aaliꞌu loꞌu takoie oonisaenga. Nga taa kire asuie ngeena e urihana mola uri kire ko heꞌi repu taalengasie loꞌu mola a Kraes i lengine poꞌu-poꞌu, na kire ko haꞌamasaa i maana mwala.

2 Pita 1:19

Aena mo olana, nge melu si tohungei hiiwalaimoli oto liutaa aana nga moi taa nge mo propet kire unu-unuꞌi. Oto kei tohungei diana loꞌu liutaa uri hunie iꞌomu noꞌone omu ke pwaarongo i sulie mo ere-erenga mo propet, aena aana mo ere-erenga ngeena domana oto nga raa-raa ko raangie lehu e tohungei rodohono. Oto omu ke pwaarongo i sulie mo ere-erenga ikire ngeena lae hule i waꞌalie aana hai dinge a Kraes kei hule loꞌu na rarangana ke si raangie saemiu.

1 Jon 2:11

Taꞌe iini nge ko ngiduupu hunie aasine, ingeie e iiꞌo ue i laona rodohono, na ko lae-lae mola i laona rodohono, na e kaꞌa saie ike leu ko lae takoie, aena aana rodohono e haꞌa-ulue oto maana.

1 Jon 2:8

Taꞌe nga taa no ko uusue huniꞌomu ienini mei haꞌatolanga haalu, maꞌalana omu rongoa taane oto i naꞌo, aana kie si leesie tohungei neꞌisaenga aana manata-diananga maholo kie leesie tolahana a Jisas. Na mwala kire sai leesie tohungei neꞌisaenga aana noꞌone aamiu, aana rodohono ko suu oto, na tohungei raa-raa aana haꞌa-uusulinge ingeie ko raa tahairaa oto ie i manatamiu.

1 Jon 5:19

Kie manataꞌinie oto noꞌone uri ikie mo kalena God, maꞌalana ahutana mwala loꞌu i laona walumalau kire iiꞌo mola i mamalutana a Pwelu Eero-eero.