2 Korinit 4:10 - Tataroha Diana

¹⁰ Sapemeelu ko deu oodoie sapesalunge oto noꞌone tarau mala a Jisas e dau oodoie kaꞌu na hule aana e maesie oto. Taꞌe maꞌalana melu ko sapesalu urine, melu meuri taane mola ue, na aena leune ahutana mwala kire ko si lio saie uri a Jisas e mauri taane ue, aana ingeie oto ni ko lio i sulie sapemeelu.

2 Korinit 4:10 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 14:19

E saꞌa tewa na mwala aana walumalau ie kire saꞌa leesieu loꞌu, taꞌe iꞌomu, omu kei leesieu taane loꞌu. Oto aena aana ne kei meuri loꞌu, iꞌomu noꞌone omu kei heꞌi meuri loꞌu.

Uusu-uusu A Pol Hurula'aa Hunie Mo Rom 6:5

Oto mala kie mae tararuru kaꞌu peꞌie, nge kie sai taꞌelaꞌi tararuru oto noꞌone peꞌie.

Uusu-uusu A Pol Hurula'aa Hunie Mo Rom 6:8

Na i sulie kie mae oto peꞌie a Kraes, kie hiiwalaimoli uri kie kei meuri oto noꞌone peꞌie.

Uusu-uusu A Pol Hurula'aa Hunie Mo Rom 8:36

Mwala kei waelikie taane urine, aana nga iini e ere takoie a God i laona mo Uusu-uusu Maaꞌi uuri, Mwala ko sare horoꞌiꞌemi mola i suli hei dinge i tehulaꞌamu, na kire ko loꞌo-loꞌongaꞌiniꞌemi mola mala mo sipu huni hunu maesiꞌi. Sam 44:22

2 Korinit 1:5

Iꞌemeelu, melu ko sapesalu oto hiitoꞌo i tehulaꞌana melu ko lulu i sulie a Kraes, taꞌe maholo ko lae urine, nge a God ko si haꞌadodoa saemeelu oto hiitoꞌo i tehulaꞌana a Kraes.

2 Korinit 1:9

Na melu saie uri melu ke tohungei mae toꞌohuu oto. Taꞌe leune e rau urine, uri hunie melu ke suꞌuri norutoꞌo mola aameelu maraameelu, taꞌe hunie melu ke norutoꞌo mola aana God, iini e sai taꞌea mo iini e mae oto.

2 Korinit 13:4

E toꞌohuu taane uri e lio mala a Kraes e mamaelaꞌa kaꞌu, aana kire rapu taalengasie i lengine poꞌu-poꞌu. Taꞌe leune e si haataꞌinie mola nanamanga paine a God, aana e mauri loꞌu mwaanie maenga. Na iꞌemeelu noꞌone, melu lio mamaelaꞌa mala ingeie. Taꞌe melu kaꞌa mamaelaꞌa ike, aana melu ko meuri tararuru peꞌie a Kraes aana nanamanga paine a God, mei nanamanga nge melu ko esu oto aana huni peꞌiꞌomu huni lulu i sulie tolahana.

2 Korinit 4:11

Iau, mwala ko sare horoꞌiꞌemeelu oto tarau i tehulaꞌana melu ko lulu i sulie a Jisas, taꞌe e diana mola, aena aana mei sape nge kei mae mola ienini ko haataꞌinie oto maurihaꞌana a Jisas.

Kalesia 6:17

Oto uure siꞌiri pwau weu, mwaanie nga iini e heꞌi kotahieu loꞌu haahie leune, aena aana mo reo i sapeku e haataꞌinie oto uri ineu koni-konihe a Jisas toꞌohuu.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

2 Timoti 2:11

Mei wala toꞌohuu oto ienini. Mala uri kie ko mae tararuru peꞌie a Kraes, nge kie kei meuri tararuru noꞌone peꞌie.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.

1 Pita 4:14

Oto mala uri mwala ko haꞌasapesaluꞌaꞌomu i tehulaꞌana omu ko lulu i sulie a Kraes, omu ke ile-ilenimwaꞌe mola haahie. Omu ke ilenimwaꞌe mola aena aana mei tolahai sapesalunge i tehulaꞌana a Kraes nge ko haataꞌinie uri Liꞌoa Maaꞌi a God e iiꞌo oto aamiu toꞌohuu na kei haro niie manikuluꞌanga huniꞌomu.

Haataꞌinge 1:17

Oto maholo nou leesie, nou reputeꞌi hai sulie aeꞌaena oto mala iinoni e mae. Taꞌe e hele aaku aana nime i pwalo-pwalona, na ko teꞌuri, “O ke suꞌuri meꞌu. Ineu oto aehotalana walu ola na haꞌamangolani.