2 Korinit 2:14 - Tataroha Diana

¹⁴ Oto no ko paalahea God oto liutaa, aana a Kraes e aꞌailaꞌasie oohotaa, na oto ie melu lado oto peꞌie a Kraes na melu ko lae-lae oto i sulie mala mo koni-konihe ingeie. A God e asu i lalo aameelu hunie tataroha i sulie a Kraes ke lai hule oto aana ahutana mo henue, mala wasuhaꞌana dango wau-wesu nge e tohungei wesu mangoni oto hiitoꞌo e sai hule aana taꞌena nga leu i laona nume.

2 Korinit 2:14 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Uusu-uusu A Pol Hurula'aa Hunie Mo Rom 1:8

No ko sare holaꞌi paalahea God haahiꞌomu aana ahutana walumalau ko rongoa oto hiiwalaimolinge iꞌomu. Na i tehulaꞌana a Jisas Kraes mone, nou saie uri a God ko rongo hunie paalahenga ineu ngeena.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.

Uusu-uusu A Pol Hurula'aa Hunie Mo Rom 6:17

Holaꞌinaꞌo, iꞌomu mo koni-konihe a oorahaꞌaa ni ngeena. Taꞌe ienini omu ko tohungei lulu i suli diana aana oto walaimolinge nge haꞌa-uusulilemiu e lae aana, na aena leune kie ko tohungei paalahea God.

Uusu-uusu A Pol Hurula'aa Hunie Mo Rom 8:37

Taꞌe maꞌalana walu ola urine ke hite-hite aaka loꞌu, kie ke aꞌailaꞌasie mola taꞌingelu walu olana aena aana a Kraes e manata diana hunikie.

1 Korinit 12:8

Aana e taꞌa-taꞌa Liꞌoa Maaꞌi ngeena mola ni ko niie nanamanga hunie ngaeta mwala huni unu tahangaꞌinie mo wala ni saenanaunge, na ko niie noꞌone hunie ngaeta mwala tolaha ni sai-olanga.

1 Korinit 15:37

Na nga taa nge o ko hesie ngeena, litei ola mola ue mwaakule ni ngeena. Ohe nga litei kooni wa nga litei ola aaopa taane, taꞌe nga tohungei sapei ei toꞌohuu haꞌike ue aana.

1 Korinit 15:57

Taꞌe kie ke paalahea God haahie ko haꞌa-aꞌailaꞌakie huni tola hehesie maenga i tehulaꞌana Aalaha ikie a Jisas Kraes.

2 Korinit 1:11

Na omu sai peꞌiꞌemeelu noꞌone aani aarengaꞌinge talameelu. Urine mwala oto hunge ke si paalahea a God, aena aana kire kei meni leesie uri a God e sai rongo hunie aarengaꞌinge mo iini hunge na e sai haꞌadianaꞌaꞌemeelu i tehulaꞌana mo aarengaꞌinge ikire ngeena.

2 Korinit 8:16

Melu ko paalahea God oto liutaa haahie e niie mei neꞌisaenga ngeena hunie a Taetas huni peꞌilemiu oto mala iꞌemeelu noꞌone, melu ko peꞌiꞌomu.

2 Korinit 9:15

Na ahutaka kie ke paalahea God haahie hahuꞌana niinge oto paine e niie hunikie, nge hule aana nga mo wala e kaꞌa malisine ike ere-luhesilana.

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

Epesas 5:20

Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

Pilipae 4:18

Nou leesie taane nga taa omu haꞌatolaa mai, na niinge iꞌomu e lae liutaa aana loꞌu nga taa nou saetoꞌo aana. Oto nou kaꞌa saetoꞌo aana ike loꞌu nga mei ola, aena aana a Epaprodaetas e pwani niie oto peꞌinge iꞌomu hunieu. Niinge iꞌomu e urihana oto uuraaꞌinge e wasu mangoni nge a God ko ilenimwaꞌe haahie.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

Kolosi 1:6

Tataroha Diana e hule aamiu ngeena ko tatangasie oto walumalau, na taꞌena nga leu ko hule aana, nge ko haꞌa-uurie mo iinoni mwaanie maenga huu na ko haꞌa-aꞌailaꞌaa maurihaꞌada, mala e asuie noꞌone aamiu uure oto i naꞌo aana hai dinge omu holaꞌi manataꞌinie uri a God ko tohungei manata diana liutaa hunie mo iinoni.

Kolosi 2:15

Oto urine a God e taꞌaasie nanamanga mwaanie mo liꞌoa aaela nge kire ko aalaha haahie walumalau. Iau, maelana Kraes e tohungei aꞌailaꞌasire oto, na ko haꞌamasara aana e haataꞌinie hunie walumalau uri ikire mo iini mwaakule mola.

1 Tesalonaeka 1:8

Na e kaꞌa ike mola i Masedonia na i Akaea, taꞌe i tehulaꞌamiu mone, Tataroha Diana a Jisas ko tohungei taro hailiu. Ahutana mwala aana taꞌena nga leu kire mani rongoa oto uri omu hiiwalaimoli aana God, na nga mei ola hunie melu ke unue i suliꞌomu haꞌike loꞌu.

1 Tesalonaeka 3:9

Melu ko tohungei ilenimwaꞌe na melu ko paalahea God oto liutaa haahiꞌomu. Na paalahenga iꞌemeelu ngeena hule aana e kaꞌa malisine ike noꞌone ahutana ilenimwaꞌenga nge melu toꞌo aana i tehulaꞌamiu.

1 Timoti 2:8

Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

2 Timoti 2:2

O rorongoa oto mo haꞌa-uusulinge ineu hunie mwala. Oto saeku uri taꞌa-taꞌa taungei olana loꞌu mola nge iꞌoe noꞌone o ke haꞌa-uusulie mwala aani. Na oto liutaa, o ke haꞌa-uusuli aana mo ola ngeena hunie mo mwane ni nou-norue nge o saie uri ikire noꞌone kire sai haꞌa-uusulie ngaeta mwala loꞌu eeni.

Haataꞌinge 7:12

Kire ko teꞌuri, “Iau. Haꞌapainaꞌanga, na manikuluꞌanga, na manatanga, na paalahenga, na haꞌamaꞌunge, na nanamanga, na aꞌailaꞌanga, mo ola a God ikie otona na oto huu. Ke urine oto.”