2 Korinit 2:13 - Tataroha Diana

¹³ Taꞌe nou tohungei tolahiꞌe mola aena aana nou kaꞌa rongoa ike nga mei wala i suliꞌomu aana nou kaꞌa oodoie ike aasikaelu a Taetas hunie ke haꞌarongoau. Oto nou ere ni saediananga mola peꞌie mwala i leune, nge nou si toliꞌaasire, na nou aatoholo mai hunie poꞌo ni henue i Masedonia aana nou heitalea nga mei wala diana i suliꞌomu.

2 Korinit 2:13 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 6:46

I purine e uusungeꞌinie mwala takoie mo henue ikire, nge e si hanetaa maraana taꞌau i lengine uuwo huni aarengaꞌi.

Palonga 21:6

Oto maholo melu hele kiꞌi mango peꞌire, nge melu si taꞌe aana haka na kire ko ooli oto i henue.

Uusu-uusu A Pol Hurula'aa Hunie Mo Rom 15:26

Aana mo eesike aana hiiwalaimolinge wau aana mo poꞌo ni henue i Masedonia na i Akaea, kire ko sasare niie mei toꞌoha huni peꞌie mo iinoni meitale a God taꞌau i Jerusalem.

2 Korinit 12:18

Nou eitanaie a Taetas uri hunie ke lae hao i maatoliꞌomu, na nou uusungeꞌinie noꞌone hao peꞌie ngaeta aasikaelu aana hiiwalaimolinge. ?Haꞌalaa omu loꞌongaꞌinie uri kirerue a Taetas kire eeroꞌomu aana maholona? !Haꞌike oto ooꞌoo! Na ineu, nou peꞌiꞌomu mola mala ingeie, aana iꞌemereꞌi a Taetas mere mani toꞌo aana mola e taꞌa-taꞌa mei sae takoiꞌomu, na tolahamereꞌi e sada mola huniꞌomu.

2 Korinit 7:13

Oto aena leune e rau urine, nge melu ko tohungei ilenimwaꞌe oto liutaa haahiꞌomu. Na loꞌu sapeitana ilenimwaꞌenga iꞌemeelu haahiꞌomu, melu ko tohungei saemango noꞌone liutaa huni leesie a Taetas ko ilenimwaꞌe aana omu meni haꞌasaedianaꞌaa oto liutaa.

2 Korinit 7:14

Na mo ola nou ere toohaꞌiniꞌomu eeni i saana Taetas, nou kaꞌa masa ike aani, aana ahutana walu ola nge nou unu-unuꞌi i suliꞌomu kire mani toꞌohuu mango, mala ahutana walu ola nge nou unu-unuꞌi huniꞌomu kire mani toꞌohuu mango noꞌone.

2 Korinit 8:16

Melu ko paalahea God oto liutaa haahie e niie mei neꞌisaenga ngeena hunie a Taetas huni peꞌilemiu oto mala iꞌemeelu noꞌone, melu ko peꞌiꞌomu.

2 Korinit 8:23

Omu saie mola uri a Taetas, ingeie a oaku ni ngeena na ko esu tararuru peꞌieu hunie peꞌilemiu. Na ngaeta ro aasikaelu nge kirerue ko lae-lae peꞌie, ikirerue oto e ro hurulaꞌaa mo soihaadaꞌinge ni ngeena, na asunge ikirerue ko haꞌamanikuluꞌaa satana Kraes.

2 Korinit 8:6

Oto aena aana a Taetas e da omu aehotaa tolahai niinge, nge melu eitanaie hunie ke ooli loꞌu i seemiu huni ere haꞌasusuꞌomu hunie omu ke haꞌamangoa mo niinge iꞌomu.

Kalesia 2:1

Purine aawalai helisi mwana hai e saro mango, nge nou si eelihoꞌi loꞌu hunie i Jerusalem. Iꞌemereꞌi a Banabas mere lae, na nou toolea noꞌone a Taetas peꞌiꞌemereꞌi.

Kalesia 2:3

Taꞌe mo naꞌohai mwane aana soihaadaꞌinge ngeena kire tohungei rongo hunieu, na kire neꞌisae mola mala ineu, hule aana kire kaꞌa sare dau rarahie loꞌu a Taetas hunie ke helesie torihesiꞌonga i sulie Haꞌatolanga a Mosis e unue, maꞌalana ingeie nga Jiu haꞌike.

2 Timoti 4:10

A Dimas e toliꞌaasieu aana ko tohungei saetoꞌo aana mo ola aana walumalau ie, na e lae oto aana huilume i Tesalonaeka. A Kresens e lae huni esu nana God aana poꞌo ni henue i Kalesia, na a Taetas e lae urine noꞌone hunie poꞌo ni henue i Dalmesia.

Taetas 1:4

Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.