2 Korinit 13:5 - Tataroha Diana

⁵ Omu ke lio-lio diana talamiu na omu ke leiꞌomu maraamiu. Omu ke leie tolahamiu maraamiu huni leesie uri ohe omu ko lulu i sulie tala aana hiiwalaimolinge toꞌohuu taane wa haꞌike. Mala uri omu kaꞌa sai leesie ike tolahana a Jisas Kraes i lalo aamiu, nge omu kaꞌa sai diana aana ike a Kraes kaꞌune.

2 Korinit 13:5 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 14:23

Oto a Jisas e aalamie ko teꞌuri, “Mala nga iini ko manata diana hunieu, nge ke tola i sulie walaku. Oto Aamaku ke si manata diana hunie, na iꞌemereꞌi Aamaku mere ke si lae mai saana huni iiꞌo susu oto peꞌie.

Tataroha Diana I Sulie A Jisas Kraes Nge A Jon E Uusue 15:4

Omu ke iiꞌo susu oto aaku, na ineu ne kei iiꞌo susu oto noꞌone aamiu. Nga sasarai ola e saꞌa hungu ike aani hue-huei ola mola maraana, na oto e kaꞌa lado aana tohungana ai. Oto e urine loꞌu aana iꞌomu, aana omu saꞌa hungu ike aani hue-huei ola na oto omu kaꞌa iiꞌo aaku.

Tataroha Diana I Sulie A Jisas Kraes Nge A Jon E Uusue 17:23

Iꞌoe o iiꞌo i lalo aaku, na ineu ne ke iiꞌo i lalo aada, uri hunie kire ke tohungei neꞌie oto taꞌa-taꞌa iinoni. Oto walumalau ke si lio saie uri iꞌoe ni taane o uusungeꞌinieu mei, na uri o manata diana hunire oto mala o manata diana hunieu.

Tataroha Diana I Sulie A Jisas Kraes Nge A Jon E Uusue 17:26

Nou haataꞌiniꞌo taane oto aada, na ne kei heꞌi haꞌasaire loꞌu aana walu ola i suliꞌo, hunie uri mei manata-diananga nge o manata diana hunieu aana, ke iiꞌo i lalo aada na hunie uri ineu noꞌone ne ke iiꞌo i lalo aada.”

Tataroha Diana I Sulie A Jisas Kraes Nge A Jon E Uusue 6:56

Iini ko ngeue hasiꞌoku na ko inuhie apuku, nge ko iiꞌo susu oto i lalo aaku na ineu ne kei iiꞌo susu oto i lalo aana.

Tataroha Diana I Sulie A Jisas Kraes Nge A Jon E Uusue 6:6

A Jisas e saie taane nga taa kei esuie, taꞌe e dolosi aana a Pilip urine mola uri huni oohongie hiiwalaimolinge ingeie.

Uusu-uusu A Pol Hurula'aa Hunie Mo Rom 1:28

Oto aena aana mwala ngeena kaꞌa sare loꞌongaꞌinie ike loꞌu saenanaunge toꞌohuu aana God, a God e toliꞌaasire mola hunie kire ke dau mola mala saeda, maꞌalana kire ko da mola walu ola e kaꞌa malisine ike uri kire ke dauꞌi.

Uusu-uusu A Pol Hurula'aa Hunie Mo Rom 8:10

Oto aena aana a Kraes oto i lalo aamiu, maꞌalana sapemiu kei mae aena aana mo oorahaꞌaanga iꞌomu, taꞌe omu toꞌo aana maurihe oto aana omu iiꞌo oodotaꞌi oto i maana God.

1 Korinit 11:28

Aena urine taꞌena nga iinoni ke haro leie iiꞌolana kaꞌu maraana holaꞌinaꞌo, haꞌalaa ke si ngeu aana mei ngeulaa ngeena na ke inu aana kao-kao ngeena.

1 Korinit 11:31

Mala uri kie kei holaꞌi lei diana aana kaꞌu tolahaka maraaka, nge a God e saꞌa roroꞌa leikie oto ooꞌoo.

1 Korinit 3:16

!Haꞌike eena! ?Uri omu kaꞌa saie ike uri soihaadaꞌinge iꞌomu e neꞌi nume maaꞌi a God? !Iau, e toꞌohuu oto aana Liꞌoa Maaꞌi e iiꞌo i lalo aamiu!

1 Korinit 6:15

Omu saie mola sapena nga iini e neꞌie oto ngaeta sasarai ola a Kraes. ?Oto e ue? ?Uri e malisine nga iini ke toolea mola sapena nge e neꞌie oto ngaeta sasarai ola a Kraes, na ke ladoa peꞌie nga repi? !Haꞌike! !E kaꞌa malisi ike!

1 Korinit 6:19

?Uri omu kaꞌa saie ike uri sapemiu nge oto nume maaꞌi a Liꞌoa Maaꞌi? E iiꞌo oto i lalo aamiu, aana a God e niie huniꞌomu. Oto sapemiu kaꞌa toꞌo-toꞌolamiu ike loꞌu maraamiu,

1 Korinit 6:2

?Uri omu kaꞌa saie ike uri aana nga maholo ko lae mai, mwala nge kire hiiwalaimoli aana God, ikire nge kire kei leie ahutana iinoni ni welumalau? ?Mala uri iꞌomu oto huni leie mwala aana walumalau, na e ue omu kaꞌa sai haꞌa-oodohie mola kele mei ola mwai-mwei i matolamiu maraamiu urine?

1 Korinit 9:24

Oto omu ke saie, maꞌalana mwala hunge kire ko heli aana hurunge, taꞌe taꞌa-taꞌa mwane mola kei toolea waaite. Oto ahutemiu, omu ke huru diana hunie omu ke toolea waaitemiu.

1 Korinit 9:27

Oto no ko deu rarahie sapeku maraaku hunie ke lae i sulie neꞌisaenga ineu, mwaanie da maholo nou tarohaꞌinie Tataroha Diana hunie ahutana mwala, oto purihaꞌana no ko si mamaelaꞌa mola.

2 Korinit 6:16

?Wa mo liꞌoa aaela kei iiꞌo i laona nume maaꞌi a God uri taa? Oto kie ke suꞌuri hata-hata peꞌie mo iini kire kaꞌa hiiwalaimoli, aana ikie oto nume maaꞌi a God Meu-meuriꞌe. Iau, kie neꞌie oto nume maaꞌi a God, aana a God maraana e unue uuri, Ne kei iiꞌo oto peꞌie mwala ineu, na ne kei aawe-aawe oto i matolada. Ne kei neꞌie oto God ikire, na ikire kire kei neꞌie oto mwala ineu. Levitikas 26:12

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

Kalesia 4:19

Taꞌe omu ke lio talamiu, maeni mwela ineu, aana nga taa kire ko haꞌa-uusuliꞌomu aana e kaꞌa diana ike. No ko tohungei sapesalu i suliꞌomu oto mala huꞌe ko sapesalu aani mwela. Na ne kei sapesalu oto urine hule aana maholo omu kei neꞌi rato oto toꞌohuu aana tolahana a Kraes.

Kalesia 6:4

Taꞌe nga iini ke lei-leie mola tolahana maraana. Mala uri tolahana ko diana aana asunge na iiꞌonga ingeie, nge ke sae-saemango mola haahie maraana, na e saꞌa loꞌongaꞌi oto hiitoꞌo ike aana haꞌasadangaꞌinilana tolahana ngaeta iinoni.

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

Kolosi 1:27

E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.

Kolosi 2:19

Kire kaꞌa hele maꞌutaꞌa ike aana a Kraes. Ingeie oto pwaune soihaadaꞌinge nge ko lio i sulie soihaadaꞌinge na ko hele lokoa ahutana mo sasarai ola aana hunie ke mauri oto mala a God e saetoꞌo aana.

Kolosi 2:7

Omu ke iiꞌo susu oto i lalo aana Kraes mala nga ai imi-imine e susu i aano. Na hiiwalaimolinge iꞌomu ke susu na ke aatosara loꞌu aana mo ola nge haꞌa-uusulilemiu e lae aani, na omu ke paa-paalahea God taraureꞌi suli maholo.

1 Timoti 2:15

Taꞌe kinetaꞌinilana mo huꞌe mwaanie malaahonga aana mo tolahai ola aaela ni welumalau ngeena e sai lae mala uri kire ko toꞌo mwela na kire ko hele susuleꞌi aana hiiwalaimolinge aana a Jisas, na kire ko manata diana hunie mo iinoni, na kire ko iiꞌo maaꞌi. Na kire ke asuie walu ola urine peꞌie haꞌamwai-mweiꞌanga.

2 Timoti 3:8

Mwala nge kire ko lae hailiu i sulie mo huꞌe urine, kire ko ere aaelasie tohungana walaimolinge, mala a Janis na a Jambris kirerue ere aaelasie a Mosis wau i naꞌo. Kire kaꞌa toꞌo aana ike nga mei loꞌongaꞌinge ke oodo, na hiiwalaimolinge ikire pweai ola mola ni ngeena.

Taetas 1:13

Na aena leune e toꞌohuu oto, o ke tohungei ere hiitoꞌo hunire hunie ikire noꞌone kire ke hiiwalaimoli toꞌohuu.

Taetas 1:16

Maꞌalana kire ko unu-unue uri kire saie a God, taꞌe tolahada ko si haataꞌinie mola uri kire kaꞌa saie ike a God. Oto mo iini urine kire tohungei lio mamaꞌela i maana God aana kire ko heitohe mola na kire kaꞌa sai esuie ike nga mei ola diana.

Taetas 2:2

O ke haꞌa-uusulie mo rato ni mwane uri kire ke kinetaꞌinie tolahada, na kire ke iiꞌo diana hunie mwala ke haꞌamaꞌu aada, na kire ke iiꞌo mola aani lio i suli diana aada. Hiiwalaimolinge ikire ke susu aana walaimolinge, na kire ke manata diana mola hunie ahutana mwala. Maꞌalana nga taa ko reu-reu, taꞌe kire ke hele maꞌutaꞌa aana hiiwalaimolinge peꞌi maaꞌoohinge susutoꞌo.

Hibru 12:15

Omu ke lio talamiu mwaanie nga iini eemiu e oore aani hele aana hahuꞌana manata-diananga a God e haataꞌinie oto naka. Na mwaanie omu aehota huni loo-loohaꞌinie loꞌu aaelanga, aana tolahai ola urine e sai waelie mwala oto hunge.

Hibru 4:1

Haiholotaꞌinge a God ngeena e iiꞌo mola ue, uri mo iini nge kire hiiwalaimoli aana kire sai mamalo aana leu ni mamalo e dau aakau aana loosire. Oto omu ke lio-lio diana talamiu, mwaanie uri nga iini eemiu e oore aani helesilana mei mamalonga ngeena.

Hibru 6:8

Taꞌe mala uri walo kau-keu mola haliꞌite ko aango i lengine mei mwakano ngeena, nge e haataꞌinie oto uri mei mwakano ngeena e aaela mola, na mwane e toꞌo aana mwakano ngeena ke si uunu aasie mola hohola ngeena aana dunge. Urine loꞌu aana iinoni nge a kaꞌa tola i sulie ike walana God, nge a God kei leie, na kei aasie i laona dunge nge ko weru oto huu.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

1 Pita 5:9

Omu ke haꞌa-aꞌailaꞌaa hiiwalaimolinge iꞌomu na omu ke uure maꞌutaꞌa honosie mo malaahonga aana aaelanga na ahutana mo esunge aaela a Satan. Aana omu saie uri taꞌa-taꞌa taungei aasanga nge ko hite aamiu ngeena ko lae noꞌone hunie ahutana mo iinoni nge kire hiiwalaimoli aana taꞌe-taꞌena nga leu kire iiꞌo aana i laona walumalau.

Haataꞌinge 2:5

Omu ke loꞌongaꞌi eelihoꞌi loꞌu aana tolahai iinoni diana iꞌomu holaꞌinaꞌo, hunie omu ke aaliꞌu mwaanie mo oorahaꞌaa iꞌomu, na hunie omu ke asu peꞌie manata-diananga hunieu loꞌu mala omu euꞌesuie kaꞌu holaꞌinaꞌo. Mala uri omu kaꞌa aaliꞌu oto mwaanie mo oorahaꞌaa iꞌomu, nge ne kei lae mai seemiu na ne kei taꞌaasie oto ola talai laite iꞌomu ngeena mwaanie leu nge e iiꞌo aana.