2 Korinit 13:2 - Tataroha Diana

² Nou holaꞌi haꞌapasulie mo iini kire oorahaꞌaa kaꞌu oto waite aana ruana nga mai laenga ineu hao huni maatoliꞌomu. Oto ienini no ko haꞌapasulire loꞌu, na ngaeta mo iini nge kire kaꞌa mamalo ue mwaanie oorahaꞌaa. Omu ke saie uri maholo ne kei lae loꞌu hao i maatoliꞌomu, nou saꞌa aamasie ike loꞌu nga taꞌa-taꞌa iini eemiu nge ko oorahaꞌaa.

2 Korinit 13:2 ပူးပေါင်းရင်းမြစ်များ

1 Korinit 5:5

omu ke toliꞌaasie mola a mwane ngeena i nimana a Satan. Ohe maholo kei sapesalu, hari-huninge ingeie hunie aapa hatarie hasiꞌo ke mango, na a God ke haꞌa-uurie mola hunie maurihaꞌana ke iiꞌo diana aana hai dinge a Kraes kei ooli loꞌu mei.

2 Korinit 1:23

Oto ne ke unue oodoiꞌomu aana e ue kaꞌu nou kaꞌa ooli ike mai i seemiu mala nou unue. A God e saie mola manataku, na e saie taane uri nga taa no ko unue e toꞌohuu. Nou kaꞌa lae ike ue hao i Korinit, i sulie nou kaꞌa sare ere aamiu loꞌu na urine kei aasa loꞌu huniꞌomu.

2 Korinit 12:14

Ie no ko deu aakau oto loꞌu hunie oolune nga laenga ineu hao i seemiu eena. Na mala no ko esuie tarau, nou saꞌa haꞌahiꞌeiꞌomu ike aana nga mei ola. Nou kaꞌa saetoꞌo aana ike nga mei ola mwaaniꞌomu, taꞌe iꞌomu ni mola nou saetoꞌo aamiu. Aana omu ke saie uri mo kele mwela e kaꞌa malisine ike uri kire ke nii ola nana aamada na nikada, taꞌe e ro mauꞌana ngeena ni e malisine kirerue ke nii ola nana mo kaledarue.

2 Korinit 13:10

Oto aena urinena maholo nou kaꞌa iiꞌo ue peꞌiꞌomu taꞌe no ko uusue oto hao uusu-uusu ienini, hunie maholo ne kei hule hao ne ke suꞌuri ere raramaa huniꞌomu aana nanamanga nge a Aalaha e niie hunieu. Aana nanamanga ngeena niilana e lae hunieu uri hunie ne ke peꞌie hiiwalaimolinge iꞌomu ke maꞌutaꞌa loꞌu hiitoꞌo, na e kaꞌa ola ike huni waeliꞌomu.