2 Korinit 13:11 - Tataroha Diana

¹¹ Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

2 Korinit 13:11 ပူးပေါင်းရင်းမြစ်များ

Matiu 1:23

Nga keni raoriꞌi kei hiꞌe-hiꞌe aani mwela, na kei haꞌahutaa kele mwela mwane, na kire kei saie aana Imaniuel, Aesaea 7:14 ere-oolisilana uuri, “God peꞌikie.”

Matiu 5:48

Taꞌe iꞌomu, omu ke tohungei diana oto taꞌingelu mala Aamamiu i Lengi e tohungei diana taꞌingelu.”

Tataroha Diana I Sulie A Jisas Kraes Nge A Mak E Uusue 10:49

Oto a Jisas e uure hahuroto, na ko teꞌuri hunire, “Omu ke soie mai.” Oto kire soie mwane e ulu ngeena na kire ko unue uuri, “O ke ilenimwaꞌe mola. !Taꞌelaꞌi! A Jisas ni ko soiꞌo ngeena.”

Tataroha Diana I Sulie A Jisas Kraes Nge A Mak E Uusue 9:50

“Ahaa mei ola diana, taꞌe mala uri ahaanga aana kei lae mwaanie, kei neꞌi ola aaela oto aana e saꞌa ahaala ike loꞌu. Oto urine, e malisine tolahamiu ke ahaala taraꞌasi, na omu ke iiꞌo ni henuelama i matolamiu heiliu.”

Tataroha Diana I Sulie A Jisas Kraes Nge A Luk E Uusue 9:61

Ngaeta mwane loꞌu e unue uuri, “Ne kei lulu i suliꞌo taane, Poro paine, taꞌe o ke holaꞌi toliꞌaasieu keꞌu hunie ne ke lai haꞌarongoa mwala taꞌau i nume ineu.”

Tataroha Diana I Sulie A Jisas Kraes Nge A Jon E Uusue 17:23

Iꞌoe o iiꞌo i lalo aaku, na ineu ne ke iiꞌo i lalo aada, uri hunie kire ke tohungei neꞌie oto taꞌa-taꞌa iinoni. Oto walumalau ke si lio saie uri iꞌoe ni taane o uusungeꞌinieu mei, na uri o manata diana hunire oto mala o manata diana hunieu.

Palonga 15:29

Omu ke suꞌuri ngaa nga mei ngeulaa nge uunu-olanga aana e lae i saana mo liꞌoa aaela, na omu ke suꞌuri ngeue mo epu, na omu ke suꞌuri ngeue taꞌena nga ola mauri nge liꞌoilana e lae, na omu ke suꞌuri aeni ola peꞌie nga iini. Oto kei tohungei diana oto liutaa i matolakaelu hunie omu ke lulu i sulie mo haꞌatolanga ienini. Oto saediananga paine huniꞌomu. Ingeie otona.

Palonga 18:21

Maholo ko deu aakau oto huni lae mwaanire, oto ko teꞌuri, “Mala uri a God e saetoꞌo aana ne ke ooli loꞌu mei, nge omu ke leesieu loꞌu i leu.” Oto e si lai taꞌe aana haka, no ko lae oto mwaanie i Epesas.

Palonga 23:30

Na maholo nou rongoa uri kire ere toli loosi hunie, nge no ko tolana uusungeꞌinie oto wau i seemu ie. Na nou haꞌarongoa mo Jiu nge kire holaꞌi haꞌapelie ngeena uri kire ke haataꞌinie mo loꞌongaꞌinge ikire aamu.

Uusu-uusu A Pol Hurula'aa Hunie Mo Rom 12:16

Omu ke iiꞌo diana mola peꞌie ahutana mwala. Mwaanie omu too-toohaꞌiniꞌomu, taꞌe omu ke mwaꞌe-mwaꞌe mola ni deu i sulie taꞌena nga mei esunge wa huni heꞌimalahune peꞌie taꞌena nga iini. Na mwaanie omu loꞌo-loꞌongaꞌinie uri iꞌomu oto omu saenanau.

Uusu-uusu A Pol Hurula'aa Hunie Mo Rom 12:18

Mala uri leu i sapemiu hunie omu ke iiꞌo ni henuelama peꞌie ahutana mwala, nge omu ke asuie oto.

Uusu-uusu A Pol Hurula'aa Hunie Mo Rom 14:19

Oto kie ke ariꞌapasie mola asuilana walu ola huni peꞌilaka hailiu hunie iiꞌonga ni henuelamanga na huni haꞌa-aꞌailaꞌaa hiiwalaimolinge ikie.

Uusu-uusu A Pol Hurula'aa Hunie Mo Rom 15:13

A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.

Uusu-uusu A Pol Hurula'aa Hunie Mo Rom 15:33

Na ineu, no ko aarea a God nge ingeie oto aahuꞌine hanuelamanga, ke iiꞌo huu peꞌie ahutemiu. Iau, ke urine oto.

Uusu-uusu A Pol Hurula'aa Hunie Mo Rom 16:20

Oto urine a God ikie nge ko niie hanuelamanga hunikie, kei peꞌiꞌomu mola lau-leu hunie omu ke uuri puli-pulisie a Pwelu Eero-eero aana aeꞌaemiu mwaanie omu rongo hunie mo malaahonga ingeie. Na no ko aarengaꞌi hunie uri hahuꞌana manata-diananga a Aalaha ikie a Jisas ke iiꞌo peꞌiꞌomu.

1 Korinit 1:10

Maeni eesiku maaꞌi, no ko eitanaiꞌomu aana satana a Jisas Kraes Aalaha ikie, uri omu ke neꞌie mola taꞌa-taꞌa mei sae. Omu ke toliꞌaasie mo tolahai ola ni oopanga, taꞌe omu ke mani neꞌisae diana hunie omu ke asu loko-loko loꞌu.

2 Korinit 1:4

Ingeie oto ko haꞌadodoa saemeelu i suli maholo melu ko lae oodoie mo aasanga, uri hunie iꞌemeelu noꞌone melu ke haꞌadodoa saena mo iini kire ko lae oodoie noꞌone mo aasanga, na melu ke asu urine aana taꞌa-taꞌa mei peꞌinge nge a God e haꞌadodoa saemeelu aana.

2 Korinit 13:14

No ko aarengaꞌi hunie uri Aalaha ikie a Jisas Kraes ke haataꞌinie hahuꞌana manata-diananga ingeie huniꞌomu, na hunie uri a God ke haꞌadianaꞌaꞌomu aana manata-diananga ingeie, na hunie a Liꞌoa Maaꞌi ke lokoa ahutana saemiu aani hatanga peꞌie.

2 Korinit 13:9

Melu ko ilenimwaꞌe mola huni iiꞌo mamaelaꞌa mala uri leune ke da uri iꞌomu, omu ke uure aꞌailaꞌa. Na melu ko aarengaꞌi oto tarau hunie uri hiiwalaimolinge iꞌomu ke ahu toꞌohuu hunie nga mei tolahai iinoni diana ke suꞌuri eiꞌaa mwaaniꞌomu.

Epesas 4:12

E asuie urine hunie ahutana mwala maaꞌi ingeie ke mani iiꞌo aakau huni peꞌi-peꞌire hailiu, na hunie sapena Kraes ke aꞌailaꞌa.

Epesas 4:3

Omu ke asu aꞌailaꞌa aani eriꞌapasilana mola uri omu ke mani neꞌie mola taꞌa-taꞌa mei sae, oto mala Liꞌoa Maaꞌi e asuie kaꞌu eemiu oto aana maholo e niie hanuelamanga huniꞌomu uri hunie omu ke iiꞌo ruru diana.

Epesas 6:23

Maeni eesiku maaꞌi, no ko eitanaie a God Aamaka na Aalaha ikie a Jisas Kraes, hunie ke asuie hanuelamanga, na manata-diananga peꞌie hiiwalaimolinge ke paine loꞌu eemiu.

Pilipae 1:27

Oto maꞌalana uri ne ke lae loꞌu mei leesiꞌomu wa haꞌike, taꞌe tolahamiu ke oodo oto malisine Tataroha Diana a Jisas Kraes. Na nou sare rongoa uri omu ke mani esu loko-loko taane peꞌie taꞌa-taꞌa mei sae aani helinge honosie mo iini ko sare dau tekelaꞌinie hiiwalaimolinge aana Tataroha Diana.

Pilipae 3:16

Taꞌe maꞌalana uri kie kaꞌa mani neꞌisae mouteꞌi ue, e roroꞌa oto liutaa hunie ahutaka kie ke hele susuleꞌi aani lulu i sulilana walaimolinge nge kie hiiwalaimoli oto aana.

Pilipae 4:2

Na iꞌomoreꞌi a Iuodia na Sintiki, no ko eitanaiꞌomoreꞌi uri more ke uure ruru, na more ke neꞌie taꞌa-taꞌa mei sae loꞌu i lalo aana a Aalaha mala e ro mwaasine keni.

Pilipae 4:4

Omu ke ile-ilenimwaꞌe tarau haahie a Aalaha. Na no ko heꞌi unue loꞌu uri omu ke ile-ilenimwaꞌe.

Pilipae 4:9

Omu ke dau oto i sulie mo ola nge nou haꞌa-uusuliꞌomu eeni, na loꞌu mo iini omu rongoꞌi eeku, na mo iini nge omu leesiꞌi eeku noꞌone. Omu kei teꞌurine, nge a God iini ko nii-niie hanuelamanga ke si iiꞌo peꞌiꞌomu.

1 Tesalonaeka 3:10

Melu ko tohungei aarengaꞌi susue rodo na aatowaa uri hunie melu ke leesiꞌomu keꞌu loꞌu, na uri melu sai peꞌiꞌomu aana taꞌena nga mei ola omu saetoꞌo aana ue hunie hiiwalaimolinge iꞌomu ke ahu.

1 Tesalonaeka 4:1

Oto leu ooreta, maeni eesiku maaꞌi, melu haꞌananauꞌomu oto aana tala omu kei lulu i sulie hunie uri a God ke saemango haahiꞌomu, na omu ko lulu i sulie taane oto tala ngeena. Taꞌe aana satana Aalaha ikie a Jisas, melu ko eitanaiꞌomu loꞌu uri hunie omu ke tohungei lulu i suli diana aana loꞌu liutaa.

1 Tesalonaeka 4:18

Aena urinena, omu ke ere-ere haꞌasusuꞌomu heiliu aana mo wala ienini.

1 Tesalonaeka 5:13

Omu ke lio i suli diana aada peꞌi haꞌamaꞌunge na peꞌi manata-diananga hunire haahie mo esunge kire ko esuiꞌi ngeena. Na omu ke oꞌoꞌo ni henuelama mola i matolamiu maraamiu.

1 Tesalonaeka 5:16

Omu ke oꞌoꞌo ni ilenimwaꞌenga mola taraureꞌi,

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

2 Tesalonaeka 2:16

Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.

2 Tesalonaeka 3:1

Oto maeni eesiku maaꞌi, omu ke aarengaꞌi talameelu hunie uri melu ke sai tarohaꞌinie walana a Aalaha oto hailiu hunie taꞌena nga hanue, na hunie uri mwala ke rongo peꞌi haꞌamaꞌunge aana oto mala iꞌomu omu esuie aana maholo omu rongoa.

2 Tesalonaeka 3:16

No ko eitanaie a Aalaha aana ingeie maraana oto aahuꞌine hanuelamanga uri ke iiꞌo peꞌiꞌomu na ke niie hanuelamanga ingeie huniꞌomu tarau maꞌalana nga taa ke rau loꞌu.

2 Timoti 2:22

Oto o ke lio talamu mwaanie mo saehanalinge nge ko too-toolea mo saanau, taꞌe o ke dau diana mola tarau. Na o ke ariꞌapasie mola lulu i sulilana oodotaꞌinge, na hiiwalaimolinge iꞌoe ke susu, na o ke manata diana hunie ahutana mwala, na o ke iiꞌo ni henuelama mola peꞌie taꞌena nga iinoni. Na o ke hikusie mo iini ko palo-paloa a God toꞌohuu aani sae manola.

Hibru 12:14

Omu ke oꞌoꞌo ni henuelama mola peꞌie ahutana mwala, na omu ke ariꞌapasie noꞌone iiꞌonga oodotaꞌi. Aana nga iini e kaꞌa iiꞌo diana urine, e saꞌa roroꞌa leesie ike a Aalaha.

Hibru 13:20

Oto no ko aarea God nge ingeie oto aahuꞌine hanuelamanga na e taꞌea loꞌu a Jisas aalihoꞌi mwaanie maenga, uri ke niie huniꞌomu taꞌena nga ola diana hunie omu ke si toꞌo aana nga taa kei peꞌiꞌomu huni esu i sulie saena. No ko eitanaie uri ke asu i lalo aamiu aana nanamanga a Jisas Kraes hunie omu ke haꞌasaedianaꞌaa saena. A Jisas oto Aalaha ikie, na ingeie oto naꞌohai Kakalihe honotana mo sipu. Aana maenga honotaka mala nga uunu-olanga, nge e si haꞌawalaimoliꞌaa mei heiholotaꞌinge nge e sai iiꞌo huu ngeena. Oto aena leune kie ke si soi haꞌamanikuluꞌaa a Kraes oto di. !Iau! !Ke urine oto!

Jemes 1:4

Na e malisine omu ke asu susuleꞌi taraureꞌi hunie omu ke iiꞌo oodotaꞌi na walamango, na nga mei ola aana tolaha diana e saꞌa ooreꞌomu ike.

1 Pita 3:11

Ke toliꞌaasie oto mo tolahai ola aaela ingeie, na ke lulu i sulie oto mola mo tolahai ola diana, na ke ariꞌapasie uri ke iiꞌo ni henuelama peꞌie ahutana mwala.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

Haataꞌinge 22:21

Ineu a Jon no ko aarea God uri hahuꞌana manata-diananga Aalaha ikie a Jisas ke iiꞌo peꞌiꞌomu. Ke urine oto.