2 Korinit 12:9 - Tataroha Diana

⁹ Taꞌe e unue mola hunieu uuri, “Manata-diananga ineu huniꞌo e paine na e adomu oto, aana nanamanga ineu e sai peine oto liutaa maholo o ko mamaelaꞌa.” Oto no ko tohungei ilenimwaꞌe huni toohaꞌinieu haahie mamaelaꞌanga ineu, hunie uri nanamanga a Kraes ke iiꞌo oto i lalo aaku.

2 Korinit 12:9 ပူးပေါင်းရင်းမြစ်များ

Matiu 28:18

Oto a Jisas ko lae mai saada, na ko ere hunire uuri, “A God e niie oto ahutana nanamanga hunieu, haahie ahutana mo ola i Lengi na mai aano i leu.

Matiu 28:20

Omu ke haꞌa-uusulire hunie kire ke tola i sulie oto taꞌena nga ola nou hatongaꞌinie huniꞌomu. Na omu sai norutoꞌo aana uri ne ke iiꞌo peꞌiꞌomu oto tarau, lai hule aana haꞌamangolana walumalau.”

Tataroha Diana I Sulie A Jisas Kraes Nge A Luk E Uusue 21:15

Ineu, ne kei haataꞌinie taane aamiu nga taa ni unue aana tohungana saenanaunge hule aana nga iini aana mo maelonga iꞌomu, na e saꞌa oolisie ike loꞌu nga mei wala aana erenga iꞌomu.

1 Korinit 10:13

Ahutana mo malaahonga nge ko hite-hite aamu ngeena, taungei ola oto e sai hite mola aana taꞌena nga iinoni ni ngeena. Taꞌe a God ko deu mola i sulie haiholotaꞌinge ingeie, na e saꞌa tohungei toliꞌaasie ike uri malaahongalamu ke lae liue nga taa o sai uure honosie. Aena urine, maholo malaahongalamu ko lae, nge a God kei haataꞌinie tala huniꞌo mwaanie takalonga ngeena, na kei peꞌiꞌo taane hunie o ke uure aꞌailaꞌa honosie oorahaꞌaa.

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

1 Korinit 2:3

Oto maholo nou lae mai seemiu, nou maarara aana nou hiingeꞌinie uri nou kaꞌa malisi hule aana nou meꞌu peꞌie ariringe.

1 Korinit 2:5

Oto saenanaunge iinoni e kaꞌa da ike omu ke hiiwalaimoli aana a God, taꞌe nanamanga a God maraana nge ni e asuie urine, uri hunie omu ke hiiwalaimoli aana.

2 Korinit 11:30

Aena aana omu deu rarahieu mone, nge nou ere toohaꞌinieu. Taꞌe nou sai ere toohaꞌinieu taane mola aana mo aasanga kire raꞌusieu aana leune e haataꞌinie uri nou kaꞌa toꞌo aana ike nga mei aꞌailaꞌanga tohuku.

2 Korinit 12:1

Nou saie mola uri e kaꞌa diana ike huni ere toohaꞌinieu, aana mei ola mwaakule mola ni ngeena, taꞌe aana omu ko deu rarahieu, nge ne ke ere toohaꞌinieu loꞌu haahie mo ola e waꞌaraa hunieu aana a Aalaha e haataꞌiniꞌi oto aaku.

2 Korinit 12:10

Aena mei olana nge nou ilenimwaꞌe mola haahie mamaelaꞌanga, na maaleledinge, na mo aasanga, na haꞌamotaahinge, na taꞌena nga ola urine no ko lae oodoiꞌi i tehulaꞌana a Kraes. Iau, no ko ilenimwaꞌe mola aena aana maholo no ko mamaelaꞌa, nge no ko si aꞌailaꞌa loꞌu hiitoꞌo aana nanamanga a God.

2 Korinit 12:15

Oto no ko tohungei ilenimwaꞌe mola huni niie ahutana mo ola nou toꞌo aani namiu, hule oto aana ineu maraaku, huni peꞌiꞌomu huni hele aana maurihe huu. ?Oto aana ineu no ko manata diana liutaa huniꞌomu urine, uri iꞌomu, omu kei manata aaela mola hunieu?

2 Korinit 12:5

Oto taungei ola urine e malisine ne ke ere toohaꞌinie taane, taꞌe nou saꞌa asuie ike, aana nou neꞌisae mouteꞌi huni ere toohaꞌinieu mola haahie nga taa ko haataꞌinie uri nou kaꞌa toꞌo aana ike nga mei nanamanga tohuku.

Epesas 3:16

No ko eitanaie a God nge e tohungei menikuluꞌe na e nanama oto liutaa, uri hunie Liꞌoa ingeie ke niie mai nanamanga huniꞌomu, hunie omu ke aꞌailaꞌa i laona saemiu,

Pilipae 4:13

Ko lae urine aena aana nanamanga nge a Kraes e niie hunieu, nge ko haꞌa-aꞌailaꞌaau huni lio oodoie taꞌena nga ola kei reu eeku.

Kolosi 1:11

Melu ko eiꞌeitanaie a God hunie ke haꞌa-aꞌailaꞌaꞌomu aana nanamanga ingeie e saka na e manikuluꞌe, mwaanie omu aakohe maholo siꞌohaꞌanga kei hite aamiu, taꞌe omu ke maaꞌoohi susutoꞌo mola peꞌie ilenimwaꞌenga.

1 Timoti 1:14

Taꞌe Aalaha ikie e niie hahuꞌana manata-diananga ingeie hunieu, na aena ngeena mone nou eeliꞌu huni hiiwalaimoli aana a Kraes Jisas, na huni mana-manata diana hunie mwala mala ingeie noꞌone e manata diana hunire.

Hibru 11:34

na kire mwaꞌasie mo eeso-eesohai dunge oto paine, na kire tahisie mwala e sare horoꞌire aani naihi. Maꞌalana uri kire mamaelaꞌa kaꞌu, taꞌe kire heꞌi aꞌailaꞌa loꞌu, na kire aꞌailaꞌasie oto mo heiseuninge ngeena na mo mae aana ngaeta mo henue.

Hibru 4:16

Aena ngeena kie ke suꞌuri meꞌu huni lae mai saana a God, iini manatana e diana hunie mo iinoni. Aana leune nge kie ke si hele aana aamasinge na mo niinge huni peꞌilaka aana maholo kie ko siꞌohaꞌa.