2 Korinit 12:4 - Tataroha Diana

⁴ Nou saie mola uri a God e tooleau oto taꞌau i saana i Paradaes, kaꞌu nou rongoa mo ola kire tohungei menikuluꞌe oto liutaa, hule aana ere-erenga ikie mo iinoni e kaꞌa toꞌo aana ike mo wala diana huni lado luhesie mo tohungei ola manikuluꞌe ngeena.

2 Korinit 12:4 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 23:43

Oto a Jisas ko teꞌuri hunie a mwaena, “No ko unue oto huniꞌo uri siꞌiri o kei iiꞌo peꞌieu i Lengi.”

Palonga 8:39

Oto mola aana kele maholoi sato kirerue ko uulutaa poi mwaanie wai, Liꞌoa a Aalaha e lae mai toolea a Pilip oto mwaanie leune. Na poro paine ngeena e kaꞌa leesie ike loꞌu a Pilip, taꞌe ko heꞌi lae loꞌu i sulie laenga ingeie peꞌie ilenimwaꞌenga.

1 Korinit 13:1

Maꞌalana uri ne ke talei ere-ere loꞌu aani erenga hai aaopaꞌi mo iinoni na aana erenga mo ensel, taꞌe manata-diananga e kaꞌa iiꞌo aaku, erenga ineu e urihana mola aahuri ko eꞌengo wa pelo ko ngara-ngara.

2 Korinit 12:2

Ola mala aawalai helisi mwana hai e mango, a God e tooleau oto hunie hahuꞌana leu taꞌau i Lengi nge e iiꞌo aana. Nou kaꞌa sai diana aana, ohe nou lae toꞌohuu aana sapeku wa ohe taꞌe maurihaꞌaku mola e lae. Taꞌe a God mola e saie.

1 Tesalonaeka 4:17

Oto purihaꞌana, a God ke si tarakonikie mo iini nge kie mauri ue aana maholona peꞌire taꞌau i laona mei uuru huni lae honosie Aalaha taꞌau i Lengi. Na kie ke si iiꞌo huu oto peꞌie Aalaha ikie.

Haataꞌinge 12:5

Oto a huꞌena e haꞌahutaa kele mwela mwane hunie kei aalaha haahie ahutana mo henue i laona walumalau, na kei tohungei haꞌaloie ahutana mo iini kire ko heitohea. Taꞌe maholo kele mwelana e si hute, oto kire toolea mola i saana God, na e lai iiꞌo oto aana naunekume ingeie.

Haataꞌinge 2:7

“Omu ke pwaarongo diana, hunie omu ke rongo saie nga taa nge Liꞌoa Maaꞌi ko unu-unue hunie mo soihaadaꞌinge. Mo iini nge kire ko aꞌailaꞌa taraꞌasi honosie aaelanga, nge ne kei toliꞌaasie kire ke lae mai i laona hohola a God hunie kire ngaue hue-huana ai nge e sai niie maurihe huu.”