2 Korinit 12:11 - Tataroha Diana

¹¹ No ko deu oto mala pweu aana nou ere toohaꞌinieu urine, taꞌe iꞌomu ni omu ko si da no ko teꞌurine. Aana e malisine uri omu ke lalado diana oto i sulie asunge ineu, taꞌe omu rohu mola. Ineu nou kaꞌa adona ike taane nga mei ola, taꞌe aena aana nanamanga a God e iiꞌo i lalo aaku, oto mo hurulaꞌaa paine nge omu tohungei saetoꞌo aada ngeena, na kire kaꞌa paine ike liutaa aaku aana nga mei ola oto ooꞌoo.

2 Korinit 12:11 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 17:10

Oto e urine noꞌone aana iꞌomu. Maholo omu ko esuie mo ola haarailemiu e lae huni esuiꞌi, omu ke unue mola uuri, ‘Ikie mo koni-konihe mola ni ngeena, na e kaꞌa adona ike nga iini ke haꞌapainaꞌakie, aena aana kie ko esuie mola mo ola malisine oto kie ke asuiꞌi.’ ”

1 Korinit 13:2

Na maꞌalana nou sai unu tahangaꞌinie walana a God, wa maꞌalana ne ke saenanau loꞌu aana taꞌena nga ola mumuni, wa maꞌalana uri hiiwalaimolinge ineu ke susu huni lidue mo toloi henue, taꞌe nou kaꞌa toꞌo aana manata-diananga, ineu iinoni mwaakule mola ni ngeena.

2 Korinit 1:6

Oto maholo melu ko sapesalu, nge sapesalunge ngeena ko heꞌi peꞌiꞌomu loꞌu hunie omu ke hele aana maurihe huu. E toꞌohuu oto, i sulie a God ko haꞌadodoa saemeelu hunie iꞌemeelu noꞌone melu ke haꞌadodoa loꞌu saemiu. Oto urine omu ke uure aꞌailaꞌa taraꞌasi mola maholo omu ko sapesalu loꞌu mala iꞌemeelu ienini.

2 Korinit 11:1

No ko ere ni pweu oto ni ie, taꞌe nou saetoꞌo aana uri omu ke rongo rako kaꞌu loꞌu eeku.

2 Korinit 11:5

Ineu nou loꞌongaꞌinie uri nou kaꞌa mwai-mwei ike mwaanie mo iini nge omu ko unu-unue uri ikire mo hurulaꞌaa paine.

2 Korinit 12:12

Maholo nou oꞌoꞌo peꞌiꞌomu ngeena nou toli rako mola peꞌiꞌomu, na nou lae peꞌi esuie mo huꞌi-huꞌite na mo ola ni pangataꞌinge na mo tolimaa aana nanamanga a God. Walu ola huni haataꞌinie uri ineu nga hurulaꞌaa toꞌohuu a God ni ngeena.

2 Korinit 12:6

Mala uri ne ke sare ere toohaꞌinieu, nou saꞌa dau ike mala mo iinoni e pweu ngeena, aena aana nou sai ere toohaꞌinieu toꞌohuu aana mo ola oto hunge. Taꞌe ineu, nou kaꞌa sare ere toohaꞌinieu ike loꞌu, aana nou sereꞌinie uri mwala ke haꞌamaꞌu eeku liutaa aana nga taa e malisine kire ke asuie takoieu haahie asunge ineu na haꞌa-uusulinge ineu.

2 Korinit 3:1

Mwaanie omu loꞌongaꞌi uri melu ko ere urine aena aana melu ko ere toohaꞌiniꞌemeelu hunie omu ke rongo huniꞌemeelu. !Haꞌike oto ooꞌoo! Ngaeta mo iini aaopa kire saetoꞌo aana nga uusu-uusu huni unu haadaꞌi aana huniꞌomu uri ikire mo tohungei koni-konihe a God. Na maholo kire ko uure mwaaniꞌomu huni lae-lae aana ngaeta hanue, kire saetoꞌo aana uri omu ke uusu-uusu urine loꞌu hunie mwala aana hanue kire ko lae hunie ngeena. Taꞌe iꞌemeelu, melu kaꞌa saetoꞌo aana ike nga mei ola urine.

2 Korinit 5:13

Ngaeta mo iini kire ko unu-unue uri iꞌemeelu nga mo pweu mola, taꞌe leune e kohi mola aameelu aena aana melu saie e lio taane mola mala uri melu pweu aana melu ko weo mola nana God. Taꞌe ngaeta mo iini kire lio saie uri melu kaꞌa pweu ike, na leune e kohi loꞌu aameelu aana weonga iꞌemeelu mei ola huni peꞌilemiu.

Kalesia 6:3

Na mala uri nga iini ko loꞌongaꞌinie uri ingeie oto e paine liutaa, nge ko talei eero-eeroa mola maraana na hule aana ingeie iinoni mwaakule noꞌone mola.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.