2 Korinit 12:1 - Tataroha Diana

¹ Nou saie mola uri e kaꞌa diana ike huni ere toohaꞌinieu, aana mei ola mwaakule mola ni ngeena, taꞌe aana omu ko deu rarahieu, nge ne ke ere toohaꞌinieu loꞌu haahie mo ola e waꞌaraa hunieu aana a Aalaha e haataꞌiniꞌi oto aaku.

2 Korinit 12:1 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 16:7

Taꞌe no ko unue oto huniꞌomu, e lae otoi diana huniꞌomu uri ne ke lae oto. Aana mala uri nou kaꞌa lae oto, nge iini huni peꞌiꞌomu e saꞌa lae ike mai i seemiu. Taꞌe mala no ko lae oto ie, nge ne ke si uusungeꞌinie mai i seemiu.

Tataroha Diana I Sulie A Jisas Kraes Nge A Jon E Uusue 18:14

Na a Kaiapas oto iini e haꞌananaue mo naꞌohai mwane mo Jiu uri e lae otoi diana liutaa hunie nga taꞌa-taꞌa iinoni mola ke mae honotana ahutana mwala.

Palonga 18:9

Oto aana ngaeta hai rodo a Aalaha ko ere hunie a Pol aani maꞌahu-polenga ko teꞌuri, “O ke suꞌuri meꞌu, na o ke suꞌuri rohu, taꞌe o ke unu-unu tahangaꞌinieu tarau

Palonga 23:11

Oto aana hai rodona a Aalaha e lae mai uure i sulie a Pol oto ko teꞌuri, “!Mwaanie o meꞌu-meꞌu! O kei lai unu haꞌa-oaieu noꞌone wau i Rom mala o esuie i Jerusalem.”

1 Korinit 10:23

Ngaeta mwala ko unu-unue uuri, “Nga mei ola e kaꞌa aapu ike hunieu.” Taꞌe no ko unue uri ngaeta mo ola kire saꞌa da ike nga mei ola diana. Na ngaeta mo ola kire saꞌa peꞌie ike mo iinoni.

1 Korinit 14:6

?Oto maeni eesiku maaꞌi, mala uri no ko lae mai seemiu na no ko talei ere-ere mola peꞌiꞌomu aani erenga hai aaopaꞌi, uri no ko peꞌiꞌomu taane ni urine? !Haꞌike oto ooꞌoo! Taꞌe mwaanie uri no ko toolea oto mai nga mo haataꞌinge uure mwaanie a God, wa nga mo saenanaunge, wa walana God, wa nga mo haꞌa-uusulinge loꞌu, haꞌalaa no ko peꞌiꞌomu.

1 Korinit 6:12

Oto loꞌu, maeni eesiku, nga mo iini eemiu kire unue uuri, “Nga mei ola e kaꞌa aapu ike hunieu.” Iau, leune e toꞌohuu. Taꞌe ngaeta mo ola kire saꞌa da ike nga mei diananga huniꞌo. Na maꞌalana nou iiꞌo luhetaꞌi huni esuie taꞌena nga mei ola, taꞌe nou saꞌa toliꞌaasie ike nga mei ola urine ke aalaha haahieu.

2 Korinit 12:11

No ko deu oto mala pweu aana nou ere toohaꞌinieu urine, taꞌe iꞌomu ni omu ko si da no ko teꞌurine. Aana e malisine uri omu ke lalado diana oto i sulie asunge ineu, taꞌe omu rohu mola. Ineu nou kaꞌa adona ike taane nga mei ola, taꞌe aena aana nanamanga a God e iiꞌo i lalo aaku, oto mo hurulaꞌaa paine nge omu tohungei saetoꞌo aada ngeena, na kire kaꞌa paine ike liutaa aaku aana nga mei ola oto ooꞌoo.

2 Korinit 12:5

Oto taungei ola urine e malisine ne ke ere toohaꞌinie taane, taꞌe nou saꞌa asuie ike, aana nou neꞌisae mouteꞌi huni ere toohaꞌinieu mola haahie nga taa ko haataꞌinie uri nou kaꞌa toꞌo aana ike nga mei nanamanga tohuku.

2 Korinit 12:7

Oto uri hunie ne ke suꞌuri toohaꞌinieu haahie walu ola paine nge a God e haataꞌiniꞌi eeku ngeena, e niie loꞌu mei ola huni waelie sapeku. E toliꞌaasie a Satan ke saunie sapeku aana mei olana, mwaanie nou toohaꞌinieu.

2 Korinit 12:9

Taꞌe e unue mola hunieu uuri, “Manata-diananga ineu huniꞌo e paine na e adomu oto, aana nanamanga ineu e sai peine oto liutaa maholo o ko mamaelaꞌa.” Oto no ko tohungei ilenimwaꞌe huni toohaꞌinieu haahie mamaelaꞌanga ineu, hunie uri nanamanga a Kraes ke iiꞌo oto i lalo aaku.

2 Korinit 8:10

Oto loꞌongaꞌinge ineu uri e lae oto i diana hunie omu ke haꞌamangoa oto nga taa nge omu aehotaa aana halisi e mango haona. Aana iꞌomu oto eetana nga mwala huni loꞌongaꞌinie leune, na iꞌomu oto noꞌone nge omu holaꞌi aehotaa niinge.

Kalesia 1:12

Nou kaꞌa rongoa ike mwaanie nga iinoni wa uri nga iinoni ke haꞌa-uusulieu aana. A Jisas Kraes oto maraana ni e haataꞌinie aaku.

Kalesia 2:2

Nou lae taꞌau aena aana a God e haataꞌinie oto hunieu uri ne ke lae urine. Na aana lokonga peꞌie mo naꞌohai mwane aana soihaadaꞌinge maraada, nou unu tahangaꞌinie oto Tataroha Diana nge no ko lae peꞌi tarohaꞌinie hunie mo Aapoloa Aaopa. Nou deu urine mwaanie kire neꞌisae ni uure honosieu, aana nou sereꞌinie uri kire ke waelie asunge nou esuie oto nana Kraes, wa kire ke da asunge nge no ko lae-lae ue peꞌie ienini e waetaꞌi mola.

Epesas 3:3

Iau, omu saie oto, aana nou kele uusu-uusu kaꞌu oto i sulie i laona uusu-uusu ienini. Oto waite mei oalaꞌinge a God e oꞌoꞌo mumuni, taꞌe e haataꞌinie oto aaku uri hunie ne ke saie.

1 Tesalonaeka 4:15

Oto nga taa nge melu ko unu-unue huniꞌomu ienini, e lae oto mola i sulie haꞌa-uusulinge a Aalaha ikie. E unue uri ikie mo iini nge kie ko meu-meuri ue aana maholo a Aalaha kei ooli mei, kie saꞌa lae ike taꞌau i Lengi i naꞌo aana mo iini nge kire mae oto. !Haꞌike!

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.