2 Korinit 11:9 - Tataroha Diana

⁹ Oto aana maholo nou iiꞌo hao peꞌiꞌomu, nou kaꞌa loꞌohie ike nga mei ola aamiu. !Haꞌike! Taꞌe mo mwaasine aani hiiwalaimolinge nge kire oꞌoꞌo mai aana poꞌo ni henue i Masedonia ni kire lae hao i Korinit huni peꞌieu aana mei toꞌoha. Nou tohungei kinetaꞌinie tolahaku mwaanie nou da nga mei hiꞌelaa huniꞌomu aana taꞌena nga mei ola, na ne kei lae taraꞌasi oto mola urine.

2 Korinit 11:9 ပူးပေါင်းရင်းမြစ်များ

Palonga 18:3

Oto a Pol ko iiꞌo oto peꞌirerue, na ko euꞌesu oto peꞌirerue aena aana kiraelu ko meni esu mola aana asuilana mo nume susulu.

Palonga 18:5

Oto maholo a Saelas na a Timoti kirerue hule mai saana a Pol aana kirerue uure i Masedonia, a Pol ko si aehota tarohaꞌinie Tataroha Diana mola i suli dinge. Na ko tarohaꞌinie hunie mo Jiu uri a Jisas oto a Kraes, a Haꞌa-uuri nge a God e haiholotaꞌinie kei lae mai.

Palonga 20:33

“Omu saie oto uri nou kaꞌa saehanalie ike nga mei toꞌoha wa nga kele mei ola aana toꞌolana nga iini aana taꞌena nga maholo.

Uusu-uusu A Pol Hurula'aa Hunie Mo Rom 15:26

Aana mo eesike aana hiiwalaimolinge wau aana mo poꞌo ni henue i Masedonia na i Akaea, kire ko sasare niie mei toꞌoha huni peꞌie mo iinoni meitale a God taꞌau i Jerusalem.

1 Korinit 16:17

No ko tohungei saemango oto hiitoꞌo haahie a Stepanas, na a Fotiunetas, na a Akaikas aana kire lae mai hule i seeku oolisiꞌomu.

2 Korinit 6:4

Taꞌe aana ahutana walu ola melu ko euꞌesuiꞌi, melu ko haa-haataꞌinie taane oto uri iꞌemeelu mo koni-konihe a God. Melu ko uure maꞌutaꞌa taane mola loosie taꞌena nga siꞌohaꞌanga na aasanga na sapesalunge ko lae mai takoiꞌemeelu.

2 Korinit 9:12

Aana mei esunge diana nge omu ko esuie ngeena e kaꞌa lae ike mola huni haꞌa-adoa mo iinoni a God aana mo ola kire maitale aani, taꞌe kei da noꞌone uri mo iini hunge kei paalahea God.

Pilipae 2:25

Na nou loꞌongaꞌinie oto uri e malisine ne ke holaꞌi uusungeꞌinie oto wau a oaku Epaprodaetas. Aana ingeie oto mwane aasikaelu nge omu uusungeꞌinie mai huni peꞌieu, na mere asu tararuru oto nana God mala e ro ramo i laona oohotaa.

1 Tesalonaeka 2:6

na melu kaꞌa loꞌohie ike noꞌone uri iꞌomu wa nga mwala aaopa loꞌu kire ke laheꞌemeelu.

1 Tesalonaeka 2:9

Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.

Hibru 11:37

Ngaeta mo iini, mo maelonga ikire, kire uuꞌi maesire aani heu, na kire roto holosire, na kire horo maesire aani naihi. Mo iini e hiiwalaimoli urine, kire tohungei meitale oto, hule aana kire sai hoꞌosie mola mo teꞌe-teꞌei sipu na mo teꞌe-teꞌei nanikot mala mo toꞌoni ikire. Na mo maelonga kire sai haꞌasiꞌohaꞌara peꞌi haꞌamotaahilada.