2 Korinit 11:4 - Tataroha Diana

⁴ No ko maarara urine aena aana omu ko toliꞌaasie mola mwala ko lae mai huni ere i sulie ngaeta Jisas nge e aaopa mola mwaanie iini nge iꞌemeelu melu tarohaꞌinie kaꞌu huniꞌomu oto waite. Na omu ko ilenimwaꞌe mola peꞌie ngaeta taungei liꞌoa na ngaeta taungei tataroha diana nge kire tohungei aaopa oto hiitoꞌo mwaanie Liꞌoa Maaꞌi na Tataroha Diana a Jisas nge melu toolea mai huniꞌomu.

2 Korinit 11:4 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 7:9

Omu tohungei saenanau liutaa mola huni lae mwaanie mo Haꞌatolanga a God, hunie omu ke lulu i sulie mo haꞌatolanga iꞌomu maraamiu.

Palonga 4:12

Aana a Jisas mola e sai haꞌa-uurikie mwaanie mo oorahaꞌaa ikie, aena aana a God e kaꞌa niie ike loꞌu satana nga iini aaopa huni haꞌa-uurikie.”

Uusu-uusu A Pol Hurula'aa Hunie Mo Rom 8:15

Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!”

2 Korinit 11:1

No ko ere ni pweu oto ni ie, taꞌe nou saetoꞌo aana uri omu ke rongo rako kaꞌu loꞌu eeku.

2 Korinit 2:12

Maholo nou hule wau aana huilume i Troas huni laeliwala aana Tataroha Diana i sulie a Kraes, nou deu oodoie uri a Aalaha e tahanie oto maa talana asunge ngeena hunie ke lae diana i leune.

Kalesia 3:2

Taꞌa-taꞌa mei ola mola nou saetoꞌo aana omu ke unue oodoieu. ?Ohe omu hele aana Liꞌoa Maaꞌi a God aani lulu i sulilana mo Haꞌatolanga a Mosis, wa aani rongolana Tataroha Diana peꞌi hiiwalaimolinge aana?

1 Timoti 1:3

Mala oto nou unue kaꞌu huniꞌo aana maholo nou lae mai hunie poꞌo ni henue i Masedonia, saeku hunie uri o ke oore kaꞌu mola wau aana huilume i Epesas. O ke iiꞌo oto i leune hunie o ke uure honosie mwala nge kire ko lae peꞌi haꞌa-uusuli mola aana mo ola aaopa mwaanie hiiwalaimolinge toꞌohuu.

1 Timoti 2:5

E taꞌa-taꞌa God mola, na e taꞌa-taꞌa iinoni mola huni haꞌa-uureruru i matolana mo iinoni na a God, na a Haꞌa-uureruru ngeena oto mola a Kraes Jisas. Ingeie oto maraana e neꞌi iinoni,