2 Korinit 11:3 - Tataroha Diana

³ Taꞌe no ko maarara, mwaanie nga mo iini e waelie manata-diananga iꞌomu hunie a Kraes na mei sae manola huni lulu i sulie. Na no ko maarara mwaanie e si urihana mola maholo mwaa e eeroa a Iv aana mo eeronga ingeie oto i naꞌo.

2 Korinit 11:3 ပူးပေါင်းရင်းမြစ်များ

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

Uusu-uusu A Pol Hurula'aa Hunie Mo Rom 12:8

Mala uri niinge a God ko lae oto huniꞌo huni ere haꞌasusue saena mwala, nge o ke asu diana oto urine. Na mala uri niinge a God ko lae oto huniꞌo huni peꞌie mwala aani niilana mo ola hunire, nge o ke nii mwaakule oto hiitoꞌo hunire. Na mala uri niinge a God ko lae oto huniꞌo huni naꞌona mwala, nge o ke asu peꞌi lio i sulinge waaꞌiniꞌini oto toꞌohuu. Na mala uri niinge a God ko lae oto huniꞌo huni hei-hei-aamasi, nge o ke aama-aamasie mwala oto peꞌie ilenimwaꞌenga.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

2 Korinit 11:20

Nou leesie loꞌu uri omu ko saetoꞌo aana mola mo poro paine huni deu rarahiꞌomu, na kire ko haꞌamweꞌu-mweꞌuꞌomu, na kire ko pweloꞌomu, na kire ko lio toli mola aamiu, na kire ko hide-hidelie papalimiu. !Haꞌike eena mwae!

2 Korinit 11:29

Aana maholo hiiwalaimolinge nga iini e mamaelaꞌa, nge saeku ko hii mamaelaꞌa oto noꞌone haahie. Na maholo nga iini ko haꞌatataroa nga iini huni domu i laona oorahaꞌaa, nge saeku ko mela mala dunge aana aaelanga urine ko da no ko tohungei saewasu oto hiitoꞌo.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

Kalesia 1:6

No ko tohungei pangataꞌi aana omu tolana toliꞌaasie oto a God, iini e soiꞌomu aana manata-diananga a Kraes huni neꞌi iinoni ingeie. Taꞌe ie omu toliꞌaasie oto, na omu ko eeliꞌu loꞌu mola huni rongo i sulie ngaeta taungei tataroha diana aaopa.

Kalesia 2:4

Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.

Kalesia 3:1

!Iꞌomu mo mweꞌu-mweꞌule ni Kalesia! Haꞌarongolamiu e lae haadaꞌi kaꞌu taane oto i sulie maelana a Jisas i lengine poꞌu-poꞌu. ?Oto e ue omu ko si aatopuri aana? ?Ohe nga iini e siꞌohiꞌomu hunie pwaumiu ke aaela urine?

Kalesia 4:11

Oto no ko tohungei maarara mola mwaanie uri nou haꞌaweoau mola peꞌiꞌomu.

Epesas 4:14

Oto kie saꞌa iiꞌo ike loꞌu mala mo mwela nge kire sai oolisie hiiwalaimolinge ikire tarau aana kire ko pwaarongo i sulie taꞌena nga haꞌa-uusuli nge ko eeroa mwala peꞌie mo pwelonga ikire takoie mo tala aaela. Mo mwela urine, kire urihana mo naho nge ooru ko ooruheꞌiniꞌi heiliu.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

Epesas 6:24

Na no ko eitanaie a God noꞌone uri ke haataꞌinie hahuꞌana manata-diananga ingeie huniꞌomu, mo iini nge manata-diananga iꞌomu hunie Aalaha ikie a Jisas Kraes e kaꞌa sai mou-mou ike aana taꞌena nga maholo.

Kolosi 2:18

Na mwaanie omu toitoliꞌaasie nga iini ke haꞌapweuꞌomu aana mei wala uuri, “Omu saꞌa hele waaite ike taꞌau i Lengi, aena aana omu kaꞌa haꞌaletehie sapemiu peꞌi tola i sulilana mo haꞌatolanga e aasa.” Mo iinoni urine ko unue noꞌone uri kire leesie mo maꞌahu-polenga nge ko haataꞌinie uri e diana hunie mwala ke palo-paloa mo ensel. Taꞌe omu ke suꞌuri rongo hunire. Kire ko lupweꞌi haꞌamwai-mweiꞌara maraada i maana mwala, taꞌe kire ko toohaꞌinire mola aana mo neꞌisaenga ni welumalau nge hule aana kire kaꞌa toꞌohuu ike.

Kolosi 2:4

No ko ere urine huniꞌomu, mwaanie uri nga iini e haꞌatakaloꞌomu aani eeronga, maꞌalana uri ke rongo kohi loꞌu uri taa.

Kolosi 2:8

Omu ke lio talamiu noꞌone mwaanie nga iini e haꞌatakaloꞌomu aana mo haꞌa-uusulinge eero-eero na mo loꞌongaꞌinge ni iinoni mola. Aana maꞌalana mo loꞌongaꞌinge mala ngeena ke rongo ni saenanau oto uri taa, taꞌe kire kaꞌa uure ike mai mwaanie a Kraes, taꞌe mo ola mola aana nanamanga ni welumalau.

1 Tesalonaeka 3:5

Aena mei olana nge nou tohungei tolahiꞌe aana, na nou uusungeꞌinie oto wau a Timoti hunie ke lae oto wau i leesie hiiwalaimolinge iꞌomu e uri taa. Aana nou maarara mwaanie uri omu domu aana maholo a Pwelu Eero-eero e malaahongamiu, na urine asunge iꞌemeelu namiu e totowai mola.

1 Timoti 1:3

Mala oto nou unue kaꞌu huniꞌo aana maholo nou lae mai hunie poꞌo ni henue i Masedonia, saeku hunie uri o ke oore kaꞌu mola wau aana huilume i Epesas. O ke iiꞌo oto i leune hunie o ke uure honosie mwala nge kire ko lae peꞌi haꞌa-uusuli mola aana mo ola aaopa mwaanie hiiwalaimolinge toꞌohuu.

1 Timoti 2:14

Na a Pwelu Eero-eero e kaꞌa pweloa ike a Adam, taꞌe e pweloa mola a Iv, na urine a huꞌena e oorahaꞌaa oto.

2 Timoti 3:13

Taꞌe mwala tataꞌala nge kire ko haꞌapweue mola mwala, kire kei hunge oto loꞌu liutaa. Kire kei aaela oto loꞌu, na kire kei lae peꞌi eeroa mwala oto hiitoꞌo, taꞌe lae-lae na mwala kei haro pwelora loꞌu noꞌone.

Taetas 1:10

Mo iini hunge siꞌiri, kire kaꞌa sare tola i sulie ike tolahai haꞌa-uusulinge toꞌohuu ngeena, taꞌe kire ko ere-ere mwaakule mola peꞌi eerolana mwala. Leune e toꞌohuu oto liutaa i sulie pulitaa nge kire ko haꞌa-uusuli aana uri o ke torihesiꞌo haꞌalaa o sai hele aana maurihe huu.

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.

2 Pita 3:17

Taꞌe iꞌomu, maeni eesiku maaꞌi, omu saie oto mo wala ngeena. Oto omu ke lio talamiu maraamiu, mwaanie omu lae takalo i sulie mo haꞌa-uusulinge mo iinoni tataꞌala. Nou sereꞌinie omu ke domu mwaanie leu diana omu uure puu oto aana karaꞌinie a God.

2 Pita 3:3

Oto e tohungei roroꞌa hunie omu ke saenanau diana aana uri maholo hunie walumalau ie kei mango e kaꞌa tewa ike loꞌu, na ngaeta mwala kei mwesi mwaaniꞌomu. Kire sai lae mola peꞌi haꞌa-eero aana walu ola diana,

1 Jon 2:18

Maeni mwela ineu, mo dinge ooreta i naꞌona a Kraes kei ooli loꞌu mei oto ienini. Omu rongoa oto i naꞌo uri maelonga a Kraes kei lae mai. Oto ie mo maelonga hunge a Kraes ko haataꞌi oto, na aena urinena kie si saie uri haꞌamangolana walumalau e karaꞌini oto.

1 Jon 4:1

Maeni malahuku, omu ke suꞌuri hiiwalaimoli aana ahutana mo propet nge kire ko unue uri kire ko ere oolitana a God, aana mo propet eero-eero hunge kire ko lae hailiu i laona walumalau, na mo liꞌoa eero-eero mola nge aada. Oto omu ke holaꞌi oohongie kaꞌu mo propet ngeena, hunie omu ke lio saie uri kire uure taane aana God toꞌohuu wa haꞌike.

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.

Haataꞌinge 12:15

Oto mwaa ngeena e pusuleꞌinie wai mwaanie wawana domana oto wai ko kone wau takoie leu a huꞌena e iiꞌo aana uri hunie ke konea.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Haataꞌinge 20:2

Oto ensel ngeena e tapolie painehaꞌana mwaa ala-ala ngeena, na e pwasue aana iieliheu hunie ke iiꞌo ni hoꞌo hunie sinolai helisi. Mwaa uure oto wau i naꞌo ngeena, ingeie nge naꞌohana mo liꞌoa aaela, na satana a Pwelu Eero-eero wa a Satan.