2 Korinit 11:26 - Tataroha Diana

²⁶ Mo maholo oto hunge nou weo aani laenga, na nou oodoie mo ola oto hunge ni maesiꞌi. Nga mo maholo ne ke lae oodoie mo wei ko kone, na ne ke oodoie mo horopeli. Nga mo maholo ne ke lae oodoie mwala ineu loꞌu mola mo Jiu kire ko karaꞌi horoꞌieu, na loꞌu mo iini nge ikire nga mo Jiu haꞌike. Na hule aana ngaeta mo maholo mo iini ko unue uri ikire mo eesike aana hiiwalaimolinge aana Kraes, na ikire noꞌone kire ko karaꞌi horoꞌieu noꞌone. Taꞌe ikire mo eesike toꞌohuu haꞌike ni ngeena. Nga mo maholo ne ke lae oodoie mo ola ni maesiꞌi aana mo huilume paine, na i laona hanuesala, na noꞌone i eesi.

2 Korinit 11:26 ပူးပေါင်းရင်းမြစ်များ

Palonga 13:45

Taꞌe maholo mo rato ni mwane ni Jiu kire leesie uri mwala hunge kire loko, kire ko tohungei heotaꞌinirerue, na kire ko ere aaelasirerue na kire ko neꞌi-neꞌie mola walana Pol aaopa.

Palonga 13:50

Taꞌe mo rato ni Jiu kire ko haꞌa-olaa mo naꞌohai mwane aana huilume ngeena na mo naꞌohai keni nge kire ko hele maꞌutaꞌa aana palonga uri kire ke leledie noꞌone a Pol na Banabas. Oto aena mei olana nge mwala ko teungeꞌinirerue, na kire oohe aasirerue oto mwaanie poꞌo ni henue ngeena.

Palonga 14:19

Oto lae-lae i purine nga maholo e kele tewa, ngaeta mo mwane ni Jiu uure mwaanie huilume i Aekoniam na huilume i Antiok aana poꞌo ni henue i Pisidia kire hule mai, na kire ko haꞌa-olaa mwala ni Listra ngeena uri kire ke uure honosie e ro hurulaꞌaa. Na kire ko uuꞌie a Pol aani heu, na kire ko weꞌi ookea oto mwaanie huilume aana kire loꞌongaꞌinie uri e mae oto.

Palonga 14:5

Oto ngaeta mo Jiu na ngaeta mo Aapoloa Aaopa peꞌie mo rato ni mwane ikire, kire mani neꞌisae tararuru oto huni lai horo maesie a Pol na Banabas aani uuꞌiladarue aani heu.

Palonga 15:40

Taꞌe a Pol e lio hilisie mola a Saelas huni hekusie, na mo mwaasine aana hiiwalaimolinge kire ko aarengaꞌi taladarue, na kire niire wau oto i nimana a God hunie ke lio i sulire.

Palonga 17:13

Taꞌe maholo mo rato ni Jiu weu i Tesalonaeka kire rongoa uri a Pol ko tarohaꞌinie loꞌu walana God taꞌau i Berea, kire lae mai kire ko si ere i saena mwala hunge loꞌu aana huilume ngeena hunie kire ke saewasulirerue.

Palonga 17:5

Taꞌe mo rato ni Jiu kire ko tohungei heotaꞌinire, oto kire lai rurue mo iini hunge aana kira holo-holo amaa, kire ko si aehotaa maaola-olanga. Oto kire huru weu i nume ngaeta mwane satana a Jeson aana kire ko lio hunie a Pol na Saelas huni toolerarue i naꞌona mo rato ni mwane.

Palonga 18:12

Oto aana maholo nge a Galio e aalaha haahie poꞌo ni henue i Akaea, mo rato ni Jiu kire ruru, kire si tapolie a Pol na kire toolea i saana a Galio hunie ke leie.

Palonga 19:1

Maholo a Apolos e iiꞌo ue aana huilume i Korinit i laona poꞌo ni henue i Akaea, a Pol e hane holo i henue e si lai hule aana huilume paine i Epesas, na ko oodoie ngaeta mo pwaarongoisuli.

Palonga 19:23

Taꞌe i naꞌona e lae mwaanie leune nga maaola-olanga paine e rau i tehulaꞌana Tala Ni Meurihe.

Palonga 20:19

No ko esuie asunge Aalaha aani haꞌamwai-mweiꞌalaku na peꞌie ngaranga. Na nou sapesalu hiitoꞌo aana maholo mo Jiu kire ko deu ni horoꞌieu.

Palonga 20:3

na ko iiꞌo i leune hunie e oolu waro-waro. Oto purihaꞌana, ko deu aakau loꞌu hunie ke oodo mola aana haka hunie poꞌo ni henue i Siria. Taꞌe a Pol ko si rongoa uri mo rato ni Jiu kire ko sare horoꞌie, oto e oolisie loꞌu manatana na ko hane holo loꞌu hunie poꞌo ni henue i Masedonia.

Palonga 23:10

Haꞌa-erenga ngeena e lae-lae na ko peine oto. Oto poro paine haahie sinolai ramo ni Rom ngeena ko maarara mwaanie kire horoꞌie a Pol, oto e uusungeꞌinie mo ramo ingeie hunie kire ke lai toolea a Pol mwaanie pulitaa ni lei-lei, na kire ke tola aalihoꞌi aana hunie leu nge mae ko oꞌoꞌo aana.

Palonga 25:3

Na kire ko haꞌa-olaa uuri, “Mala uri o ko sare peꞌiꞌemeelu toꞌohuu, nge o ke haꞌatolaa nga mei wala hunie kire ke uusungeꞌi eelihoꞌi loꞌu aana a Pol hunie leilana ke lae mai Jerusalem.” Kire ko haꞌa-olaa urine aena aana kire neꞌisae huni horoꞌie a Pol maholo kei lae mai i sulie tala.

Palonga 27:42

Mo ramo kire ko meni neꞌisae tararuru oto huni horoꞌie mo mwane nge kire ko kakalire mwaanie kire oolo i oone na kire tahi.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.

Uusu-uusu A Pol Hurula'aa Hunie Mo Rom 8:35

?Na nga mei taa ni e sai oopakie mwaanie manata-diananga a Kraes? ?Uri a Kraes kei sereꞌinikie maholo kie ko siꞌohaꞌa, wa kie ko lae oodoie aasanga, wa aana mwala ko teungeꞌinikie, wa aana kie ko maesie hiolo, wa kie kaꞌa toꞌo aana ike nga mo sala, wa mwala ko horo maesikie? ?Uri walu ola urine ni kire sai oopakie mwaanie manata-diananga a Kraes? !Haꞌike oto ooꞌoo!

1 Korinit 15:30

?Na mala uri mo iini kire mae oto saꞌa taꞌelaꞌi ike loꞌu, oto e ue kaꞌu melu ko si iiꞌo ni deu-aakaunge oto mola tarau loosie mo ola nge kire sai horoꞌiꞌemeelu?

1 Korinit 15:32

Iau, ineu nou ooho kaꞌu oto peꞌie mo iinoni aaela mai Epesas, nge kire aaela liutaa urihana mo ola loo-looꞌa ni meꞌesu. ?Taꞌe mala uri ne ke ooho peꞌire urine i sulie loꞌongaꞌinge ni iinoni mola, haꞌalaa nga taa ni ne kei terie aana? !Nga taꞌa-taꞌa mei ola diana na haꞌike loꞌu! Mala uri mo iini e mae oto kire saꞌa heꞌi meuri loꞌu, nge ne ke neꞌisae mola i sulieu maraaku mala mei neꞌisaenga nge nga mo iini ko unu-unue uuri, Kolu ke ngau-ngeu mola na kolu ke inu-inu, aana kolu kei mae oto i hoꞌowa. Aesaea 22:13

Kalesia 2:4

Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.