2 Korinit 11:25 - Tataroha Diana

²⁵ Na e oolu maholo nge mo naꞌohai mwane ni Rom kire rapusieu aani mai ei. Na ngaeta maholo mwala kire uuꞌieu aani heu huni horo maesieu. Na e oolu maholo oto mo haka nou lae-lae aani kire dodo peꞌieu. Na ngaeta maholo melu dodo i laona matawa na aasi e talei aahe-aahesieu mola hunie hai dinge laku peꞌie nga hai rodo nge kire si leuhieu.

2 Korinit 11:25 ပူးပေါင်းရင်းမြစ်များ

Matiu 20:19

Oto kire kei heꞌi niieu loꞌu hunie mo Aapoloa Aaopa huni haꞌamwasi eeku, na huni wini-winieu, na huni horo maesieu i lengine poꞌu-poꞌu. Taꞌe aana oolune nga hai dinge, ne kei taꞌelaꞌi eelihoꞌi loꞌu mwaanie maenga.”

Matiu 21:35

“Oto mwalana kire tapolie mola mo koni-konihe ngeena, na kire ko wini-winie ngaeta iini, na kire ko horo maesie oto ngaeta iini, na kire uuꞌi maesie oto ngaeta iini aani heu.

Palonga 14:19

Oto lae-lae i purine nga maholo e kele tewa, ngaeta mo mwane ni Jiu uure mwaanie huilume i Aekoniam na huilume i Antiok aana poꞌo ni henue i Pisidia kire hule mai, na kire ko haꞌa-olaa mwala ni Listra ngeena uri kire ke uure honosie e ro hurulaꞌaa. Na kire ko uuꞌie a Pol aani heu, na kire ko weꞌi ookea oto mwaanie huilume aana kire loꞌongaꞌinie uri e mae oto.

Palonga 14:5

Oto ngaeta mo Jiu na ngaeta mo Aapoloa Aaopa peꞌie mo rato ni mwane ikire, kire mani neꞌisae tararuru oto huni lai horo maesie a Pol na Banabas aani uuꞌiladarue aani heu.

Palonga 16:33

Oto aana hai rodona kire ko tohungei lio i suli diana aadarue, na kire ko hodalie mo malaka i sapedarue. Na maholoi satona noꞌone ingeie na ahutana mwala aana uluhe ingeie kire ko meni loto maaꞌi oto.

Palonga 16:37

Taꞌe a Pol e teꞌuri mola hunie mo ramo ngeena, “Iꞌemereꞌi e ro mwane ni Rom ni ie, na kire tohungei waelie oto haꞌatolanga aana kire kaꞌa toliꞌaasiꞌemereꞌi huni ere luhesie nga mei ola hunire, taꞌe kire rapusiꞌemereꞌi mola mwaakule i maana mwala, na kire neꞌiꞌemereꞌi i laona nume ni hoꞌo. ?Oto e ue ni kire ko si sare toliꞌaasiꞌemereꞌi mola mumuni aana maholo ienini? !Haꞌike! E malisine ikire maraada ni kire kei haro lae mai huni haꞌa-iisitaangaꞌiniꞌemereꞌi mwaanie nume ni hoꞌo.”

Palonga 22:24

Oto poro paine haahie mae ngeena e unue hunie mo ramo kire ke toolea a Pol i laona nume maꞌutaꞌa kire oꞌoꞌo aana ngeena. Na ko unue hunire uri kire ke rapusie a Pol, na hunie kire ke dolosi aana hunie kire ke saie uri nga taa ni mo Jiu kire ko teangie haahie.

1 Timoti 1:19

O ke hele susuleꞌi mola aana hiiwalaimolinge iꞌoe aana a Kraes, na o ke asuie mola tarau nga taa nge o manataꞌinie uri e oodotaꞌi. Ngaeta mwala kire ko talei deu huꞌisie mola nga taa nge manatada e unue hunire uri e oodotaꞌi, oto kire urihana mola haka e aape aana mwalo, na urine nge kire si tohungei waelie oto hiiwalaimolinge ikire.

Hibru 11:37

Ngaeta mo iini, mo maelonga ikire, kire uuꞌi maesire aani heu, na kire roto holosire, na kire horo maesire aani naihi. Mo iini e hiiwalaimoli urine, kire tohungei meitale oto, hule aana kire sai hoꞌosie mola mo teꞌe-teꞌei sipu na mo teꞌe-teꞌei nanikot mala mo toꞌoni ikire. Na mo maelonga kire sai haꞌasiꞌohaꞌara peꞌi haꞌamotaahilada.