Oto lae-lae i purine nga maholo e kele tewa, ngaeta mo mwane ni Jiu uure mwaanie huilume i Aekoniam na huilume i Antiok aana poꞌo ni henue i Pisidia kire hule mai, na kire ko haꞌa-olaa mwala ni Listra ngeena uri kire ke uure honosie e ro hurulaꞌaa. Na kire ko uuꞌie a Pol aani heu, na kire ko weꞌi ookea oto mwaanie huilume aana kire loꞌongaꞌinie uri e mae oto.
2 Korinit 11:23 - Tataroha Diana23 Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada. အခန်းကိုကြည့်ပါ။ |
2 Korinit 11:23
43 ပူးပေါင်းရင်းမြစ်များ
Maholo kire unue uri melu kei lae aana haka hunie poꞌo ni henue i Itali, kire si niie a Pol na ngaeta mo mwane nge kire ko iiꞌo i laona nume ni hoꞌo noꞌone hunie ngaeta ramo paine haahie nga tangalai ramo hunie ke kakalire. Ramo ngeena satana a Jiulias na ingeie aana pulitaa ni ramo kire haaraꞌinie “Pulitaa ni Ramo a Inemauri Peine ni Rom.”
Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.
Iꞌemeelu, mwala e lio mwai-mweisiꞌemeelu, taꞌe iꞌomu nge mwala e leesiꞌomu mala mo aalaha. Oto lae mai hule siꞌiri, melu ko tohungei maesie oto hiolonga, na melu ko maesie oto inunge, na melu kaꞌa hoꞌo-hoꞌosie oto nga mei sala diana. Mwala ko seuniꞌemeelu, na melu kaꞌa toꞌo aana ike nga leu ni iiꞌo aana.
Taꞌe mere kaꞌa aalaha ike ue. Iꞌemeelu mo hurulaꞌaa, e lio mala a God e tohungei haꞌamwai-mweiꞌaꞌemeelu. E lio mala e toliꞌaasie ahutana mo iini meuri, mai aano na taꞌau i Lengi, hunie kire ke haꞌamwasi aameelu. Kire ko tohungei ere aaelasiꞌemeelu mola. E urihana ikire oto mo iini nge kire ko lai maa ni ola aana maholo kire ko horoꞌie mo iini nge leilada e lae oto hunie maenga.
Aana ingeie oto e da melu ke adona mei esunge mala mo koni-konihe ingeie huni tarohaꞌinie haiholotaꞌinge haalu e asuie peꞌikie mo iinoni. Na haiholotaꞌinge haalu ngeena e kaꞌa ola ike mola aana lulu i sulilana mo Haꞌatolanga, taꞌe aana lulu i sulilana a Liꞌoa Maaꞌi. I tehulaꞌana mo Haꞌatolanga a Mosis, a God kei leie ahutana mo iinoni hunie maenga, taꞌe i tehulaꞌana Liꞌoa Maaꞌi, mwala e sai oodoie maurihe huu.
Na hiiwalaimolinge iꞌomu aana God, e urihana uuraaꞌinge nge niilana a lae hunie a God na ko ilenimwaꞌe haahie. Oto mala uri ingeie kei loꞌongaꞌi ni iidu tarakonie maenga ineu noꞌone huni haꞌa-ahue uuraaꞌinge aana hiiwalaimolinge iꞌomu, nge ne kei tohungei ilenimwaꞌe loꞌu liutaa. Na saeku omu ke ilenimwaꞌe oto noꞌone peꞌieu haahie leune.
Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.
Oto aena ngeena o ke suꞌuri masa ni houleꞌinie a Jisas Kraes oodoie mwala. Na o ke suꞌuri masa honosieu i sulie uri nou iiꞌo i nume ni hoꞌo haahie asunge nana. Taꞌe o ke hele maꞌutaꞌa mola aana nanamanga a God, na o ke mwaꞌe-mwaꞌe mola ni sapesalu aana o ko tarohaꞌinie Tataroha Diana a Jisas mala ineu.
ကြော်ငြာတွေ