2 Korinit 10:1 - Tataroha Diana

¹ Oto ineu a Pol maraaku no ko eitanaiꞌomu hunie uri omu ke rongo hunieu. Nou rongoa uri ngaeta mo iini eemiu kire ko unue uri nou sai ere hiitoꞌo huniꞌomu mola aani uusu-uusu maholo nou iiꞌo haꞌatauliꞌomu, taꞌe no ko meꞌu ni ere urine maholo nou iiꞌo peꞌiꞌomu. !Haꞌike! Taꞌe no ko heimaanie tolahana a Kraes aana ingeie e saemamae na e lai maneko

2 Korinit 10:1 ပူးပေါင်းရင်းမြစ်များ

Matiu 11:29

Omu ke lae mai huni aangaꞌinie tori aana haꞌa-uusulinge ineu, na omu ke neꞌi pwaarongoisuli ineu. Aena aana ineu, nou maneko na nou haꞌamwai-mweiꞌaau toꞌohuu. Na omu ke si lio oodoie mamalonga hunie maurihaꞌamiu i seeku. Jeremaea 6:16

Matiu 21:5

Omu ke unue hunie hanue paine i Jerusalem uuri, “Lio kaꞌu. Inemauri iꞌomu ko lae mai seemiu. Ingeie e haꞌamwai-mweiꞌaa na e taꞌe i lengine dongki, na dongki ngeena kalei ola mola.” Sekaraea 9:9

Palonga 8:32

Na mei wala i laona Uusu-uusu Maaꞌi nge poro paine ko saaie e teꞌuri, Mwane nge kire naꞌona ngeena, e urihana sipu kire ko sare horoꞌie. E urihana kalei sipu nge e kaꞌa sai ngara ike maholo kire ko palaa iihune, aana e kaꞌa unue ike nga mei wala.

Uusu-uusu A Pol Hurula'aa Hunie Mo Rom 10:20

Na a Propet Aesaea noꞌone e kaꞌa maꞌu ike huni unue walana a God uuri, Mwala nge hule aana kire kaꞌa sai heitaleau ike, kire lio oodoieu kaꞌu mola. Na mwala nge kire kaꞌa sai dolosi hunieu ike, taꞌe nou haataꞌi maraaku mola hunire. Aesaea 65:1

Uusu-uusu A Pol Hurula'aa Hunie Mo Rom 12:1

Oto aena urinena, maeni eesiku maaꞌi, aena aana mei sae ni aamasinge a God hunikie, no ko eitanaiꞌomu hunie omu ke niiꞌomu maraamiu mala nga uunu-olanga e mauri hunie a God aani niilana sapemiu suli dinge huni esuie mo esunge e oodo i maana God. Mala maurihaꞌamiu ke urine, nge omu kei urihana nga uunu-olanga e maaꞌi na a God e sai ilenimwaꞌe haahie. Taꞌa-taꞌa tohungei tala hunikie mo iinoni kie ke palo-paloa God aana ni otona.

Uusu-uusu A Pol Hurula'aa Hunie Mo Rom 15:15

Taꞌe maꞌalana ke urine, na no ko heꞌi uusue loꞌu ngaeta mo ola huniꞌomu, hunie uri omu ke aama-aamasitoꞌo aani. Nou kele ere hiitoꞌo i sulie mo olana, aena aana a God ni e aamasieu na e lio hilisieu

1 Korinit 2:3

Oto maholo nou lae mai seemiu, nou maarara aana nou hiingeꞌinie uri nou kaꞌa malisi hule aana nou meꞌu peꞌie ariringe.

1 Korinit 4:10

Oto mwala nge kire leesiꞌemeelu kire ko loꞌongaꞌinie uri melu ko pweu aana melu iiꞌo peꞌie a Kraes. ?Taꞌe e ue aana iꞌomu? ?Uri omu saenanau oto aena aana iꞌomu peꞌie a Kraes? !Neꞌewau oto! Iꞌemeelu, melu tataku mola, taꞌe iꞌomu nge omu aꞌailaꞌa.

1 Korinit 4:21

?Oto leu uri taa nge saemiu hunie? ?Uri ne ke lae mai peꞌie nga mai ue huni haꞌaloiꞌomu, wa ne ke lae mai peꞌie mo wala ni manata-diananga na aamasinge?

2 Korinit 10:10

Nou saie taane uri nga mo iini eemiu ko unue uuri, “Mo uusu-uusu a Pol kire tohungei rongo hiꞌe oto hiitoꞌo, taꞌe maholo kei iiꞌo peꞌikolu oto e si mamaelaꞌa mola na walana kaꞌa urihana ike loꞌu nga mei ola.”

2 Korinit 10:2

na aena urine no ko eitanaiꞌomu uri hunie omu ke oolisie tolahamiu. Omu ke suꞌuri deu rarahieu uri hunie ne ke tohungei ere raramaa oto huniꞌomu aana maholo ne kei heꞌi lae loꞌu hao i seemiu. Aana ne kei tohungei ere hiitoꞌo taane aana mo iini nge kire ko unue uri melu ko esu mola i sulie tolahana mo iinoni ni welumalau hunie uri melu ke toꞌo-toꞌo.

2 Korinit 10:7

Ngaeta mei ola omu ko deu aaelasie nge omu ko lio mola hunie mo ola e lio kohi poꞌoi sinaha. Taꞌe mala uri nga mo iini eemiu ko loꞌongaꞌinie uri ikire oto mo hurulaꞌaa a Kraes, nge e diana uri hunie kire ke lio saie uri iꞌemeelu noꞌone mo hurulaꞌaa a Kraes, na taꞌe ikire mola haꞌike.

2 Korinit 11:21

Oto no ko masa huni unue uri e toꞌohuu taane uri nou kaꞌa sada ike peꞌire. Nou kaꞌa sada ike peꞌire aana leune, aena aana nou kaꞌa sai neꞌisae mouteꞌi ike huni da nga mei ola urine aamiu. Taꞌe mala mo iini nge kire ko neꞌisae mouteꞌi huni ere toohaꞌinire, nge ineu na nou neꞌisae mouteꞌi huni ere toohaꞌi noꞌone urine, maꞌalana erenga ngeena ke rongo mala erenga mo iini e pweu.

2 Korinit 11:30

Aena aana omu deu rarahieu mone, nge nou ere toohaꞌinieu. Taꞌe nou sai ere toohaꞌinieu taane mola aana mo aasanga kire raꞌusieu aana leune e haataꞌinie uri nou kaꞌa toꞌo aana ike nga mei aꞌailaꞌanga tohuku.

2 Korinit 12:5

Oto taungei ola urine e malisine ne ke ere toohaꞌinie taane, taꞌe nou saꞌa asuie ike, aana nou neꞌisae mouteꞌi huni ere toohaꞌinieu mola haahie nga taa ko haataꞌinie uri nou kaꞌa toꞌo aana ike nga mei nanamanga tohuku.

2 Korinit 3:12

Oto melu kaꞌa maꞌu ike huni tarohaꞌinie Tataroha Diana, aena aana melu norutoꞌo mola aana uri manikuluhaꞌana haiholotaꞌinge haalu a God ngeena e saꞌa aiꞌaa ike.

2 Korinit 5:20

Oto ienini, melu ko ere-ere oto oolitana a Kraes, na aena ngeena, maholo melu ko ere-ere peꞌiꞌomu e urihana uri a God maraana ni ko eitanaiꞌomu hunie omu ke uure ruru oto peꞌie. Oto melu ko ere oolitana a Kraes oto ie, na melu ko eitanaiꞌomu hunie uri omu ke aaliꞌu takoie a God na omu ke uure ruru oto peꞌie.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

2 Korinit 7:4

Suli maholo nou sai unu tahangaꞌinie mola saeku huniꞌomu, na no ko ere toohaꞌiniꞌomu mola tarau. Maꞌalana melu sapesalu aana mo ola oto hiitoꞌo, taꞌe mo maholo no ko loꞌongaꞌiniꞌomu, nge no ko si ilenimwaꞌe na saeku e susu oto.

Kalesia 4:13

Omu saie oto uri aena mei maelaa e hite aaku, nge nou holaꞌi hule i seemiu na nou tarohaꞌinie oto Tataroha Diana huniꞌomu.

Kalesia 5:2

Ineu a Pol no ko unue oto huniꞌomu, mala uri omu kei ooli takoie mo Haꞌatolanga aana omu toliꞌaasiꞌomu maraamiu hunie torihesiꞌonga, a Kraes e saꞌa peꞌiꞌomu oto eena.

Epesas 3:1

Aena mei olana, nge ineu a Pol nou iiꞌo oto i nume ni hoꞌo ie, aena aana ineu iinoni a Jisas Kraes na nou esu talamiu mo iini nge iꞌomu nga mo Jiu haꞌike.

Epesas 4:1

Ineu mwane nge nou iiꞌo i laona nume ni hoꞌo haahie uri no ko esu nana Aalaha, no ko unue oto huniꞌomu uuri. Omu ke iiꞌo oodotaꞌi i sulie tolahai iinoni nge e malisine mo iini nge a God e soire hunie kire ke neꞌie mo iinoni ingeie.

Pilipae 4:5

Omu ke haataꞌinie manekonga iꞌomu aana ahutana iinoni, aana karaꞌinie oto a Aalaha kei ooli loꞌu mei.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

2 Tesalonaeka 3:17

Mei wala ni saediananga huniꞌomu ienini, ineu a Pol ni no ko uusue oto maraaku mala no ko euꞌesuie tarau huni haataꞌinie uri ineu toꞌohuu ni oto no ko uusu-uusu ie.

Pilimon 1:19

Ineu a Pol nge no ko uusue uusu-uusu ienini weu huniꞌo maraaku huni haꞌawalaimoliꞌaa uri ineu nge ne ke si suꞌue oolisie a Onesimas nga mei ola urine. Taꞌe nou saie o kaꞌa pupulongosie ike mei meu-meuringe haalu nge o toolea noꞌone i tehulaꞌaku.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.