2 Korinit 1:8 - Tataroha Diana

⁸ Maeni eesiku maaꞌi, melu saetoꞌo aana uri omu ke sai diana aana mei siꞌohaꞌanga nge e hite kaꞌu aameelu weu aana poꞌo ni henue i Esia uri e hiꞌeiꞌemeelu oto liutaa, na e tohungei aasa oto hiitoꞌo huniꞌemeelu hule aana melu loꞌo-loꞌongaꞌinie oto uri melu ke maesie mola.

2 Korinit 1:8 ပူးပေါင်းရင်းမြစ်များ

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 19:41

Oto maholo e ere urine mango, nge e si unue hunire uri kire ke mani oopa hailiu.

Palonga 2:9

Aana ikolu, kolu uure mola mwaanie mo henue mala i Patia na i Midia na i Elam na i Mesopotemia na i Jiudia na i Kapadosia na i Pontas na i Esia,

Uusu-uusu A Pol Hurula'aa Hunie Mo Rom 1:13

Maeni eesiku maaꞌi, omu ke saie mola uri mo maholo hunge oto no ko loꞌongaꞌi huni maatoliꞌomu, taꞌe mo ola oto hunge ko talei liu-liu honosieu mola tarau. Nou lae hule aana mo henue oto hunge huni peꞌie mwala hunie kire ke hiiwalaimoli aana Jisas, na saeku hunie uri ne ke teꞌurine noꞌone wau aana hanue iꞌomu.

1 Korinit 15:32

Iau, ineu nou ooho kaꞌu oto peꞌie mo iinoni aaela mai Epesas, nge kire aaela liutaa urihana mo ola loo-looꞌa ni meꞌesu. ?Taꞌe mala uri ne ke ooho peꞌire urine i sulie loꞌongaꞌinge ni iinoni mola, haꞌalaa nga taa ni ne kei terie aana? !Nga taꞌa-taꞌa mei ola diana na haꞌike loꞌu! Mala uri mo iini e mae oto kire saꞌa heꞌi meuri loꞌu, nge ne ke neꞌisae mola i sulieu maraaku mala mei neꞌisaenga nge nga mo iini ko unu-unue uuri, Kolu ke ngau-ngeu mola na kolu ke inu-inu, aana kolu kei mae oto i hoꞌowa. Aesaea 22:13

1 Korinit 16:9

Aana kele maholo kohi huni deu i sulie nga mo ola diana hunge i leu ni oto ienini, maꞌalana uri nga mo iini hunge ko si uure honosieu taane.

1 Korinit 4:8

?Oto e ue? ?Uri omu hele oto aana walu ola ni Liꞌoa omu saetoꞌo aani? ?Uri omu toꞌo-toꞌo oto aana mo niinge ni Liꞌoa? ?Uri omu neꞌi mwane paine oto aana Aalahanga a God? Nou tohungei saetoꞌo aana ke urine, aena aana mala uri ko toꞌohuu, Aalahanga a God e hule oto na mere ko aalaha loꞌu noꞌone peꞌiꞌomu.

2 Korinit 1:9

Na melu saie uri melu ke tohungei mae toꞌohuu oto. Taꞌe leune e rau urine, uri hunie melu ke suꞌuri norutoꞌo mola aameelu maraameelu, taꞌe hunie melu ke norutoꞌo mola aana God, iini e sai taꞌea mo iini e mae oto.

2 Korinit 6:9

Ngaeta mwala kire ko unue uri kire kaꞌa saiꞌemeelu ike, taꞌe kire saiꞌemeelu taane mola. Melu ko karaꞌi mae-mae oto, taꞌe melu meuri mola ue. Nga mo iini ko haꞌaloiꞌemeelu taane, taꞌe kire kaꞌa horo maesiꞌemeelu ike.