2 Korinit 1:13 - Tataroha Diana

^13-14 Mo ola melu ko uusu-uusuꞌi huniꞌomu, mo ola omu sai saenanau eeni taane, na mwaanie omu heitalea loꞌu nga neꞌisaenga e aasa wa e iiꞌo mumuni i laona uusu-uusu ienini. !Haꞌike! Taꞌe omu ke saa-saaie mola mo uusu-uusu ineu, na maꞌalana uri omu kaꞌa sai diana aameelu ue, taꞌe melu loꞌongaꞌinie uri omu kei sai diana aameelu taane. Oto aana maholo Aalaha ikie a Jisas kei ooli mei, nge omu ke si toohaꞌiniꞌomu haahie omu lado peꞌiꞌemeelu, mala iꞌemeelu noꞌone melu ko toohaꞌiniꞌemeelu aena aana melu lado peꞌiꞌomu.

2 Korinit 1:13 ပူးပေါင်းရင်းမြစ်များ

Palonga 27:39

Oto e dangi hoꞌowa na nga iini e kaꞌa lio saie loꞌu hanue melu ko aarapuu aana. Taꞌe melu ko leesie mola ngaeta suꞌu na mei oone aana. Oto mo mwane aana haka ko si loꞌongaꞌinie uri ohe kire sai toolea haka ke lae aapengaꞌinire i oone aana suꞌu ngeena.

1 Korinit 1:8

Na a Jisas oto kei haꞌasusuꞌomu hunie omu ke iiꞌo oodotaꞌi lai hule aana hai dinge nge Aalaha ikie a Jisas Kraes kei ooli loꞌu mei.

2 Korinit 13:6

Nou hiiwalaimoli uri omu kei lio saie taane aana tolahameelu uri iꞌemeelu mo hurulaꞌaa, melu sai diana aana a Kraes toꞌohuu taane.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

2 Korinit 5:11

Oto aana melu saie uri dinge ni leinge ngeena mei ola ni meꞌunge oto paine, nge melu ko eriꞌapasie huni peꞌie mwala hunie kire ke aaliꞌu na kire ke hiiwalaimoli aana a Jisas. A God e sai diana aameelu uri melu ko esu toꞌohuu taane nana, na nou tohungei heri hunie uri iꞌomu noꞌone omu ke sai diana aameelu loꞌu urine.

Pilimon 1:6

Na no ko aarea God uri o ke asu hiitoꞌo aana haꞌarongolana mwala i sulie a Jisas hunie ikire noꞌone kire ke hiiwalaimoli aana. Na aana o kei esu urine, nge o ke si saenanau oto hiitoꞌo loꞌu i sulie ahutana mo haꞌadianaꞌanga nge a God ko nii-niiꞌi mei hunikie aena kie lado oto peꞌie a Kraes.