2 Korinit 1:11 - Tataroha Diana

¹¹ Na omu sai peꞌiꞌemeelu noꞌone aani aarengaꞌinge talameelu. Urine mwala oto hunge ke si paalahea a God, aena aana kire kei meni leesie uri a God e sai rongo hunie aarengaꞌinge mo iini hunge na e sai haꞌadianaꞌaꞌemeelu i tehulaꞌana mo aarengaꞌinge ikire ngeena.

2 Korinit 1:11 ပူးပေါင်းရင်းမြစ်များ

Palonga 12:5

Oto kire ko si tohungei kakali diana aana a Pita i laona nume ni hoꞌo, taꞌe mo iini aana soihaadaꞌinge kire ko aarea mola a God hunie ke peꞌie a Pita.

2 Korinit 4:15

Melu ko mwaꞌe-mwaꞌe ni sapesalu urine huni peꞌiꞌomu, na hunie mwala oto hunge kire ke sai diana aana hahuꞌana manata-diananga a God hunire. Urine mwala oto hunge loꞌu kire ke si soi haꞌamanikuluꞌaa God peꞌi paalahelana.

2 Korinit 9:14

Oto kire kei aarengaꞌi talamiu peꞌi manata-diananga huniꞌomu, aena aana omu haataꞌinie hahuꞌana manata-diananga a God hunire.

Pilipae 1:19

aena aana nou saie uri, mwaanie aarengaꞌinge iꞌomu talaku na mwaanie peꞌinge aana Liꞌoa Maaꞌi a Jisas Kraes, a God kei luhesieu taane mwaanie nume ni hoꞌo ie.

Kolosi 4:3

Omu saie taane uri ineu i laona nume ni hoꞌo siꞌiri aena aana nou lae peꞌi houleꞌinie Tataroha Diana i sulie a Kraes. Taꞌe maꞌalana ineu i nume ni hoꞌo urine, omu ke aare-aarengaꞌi noꞌone talameelu mo oaku uri hunie a God ke niie nga mo maholo diana nameelu huni houleꞌinie a Kraes i saana ngaeta mwala.

1 Tesalonaeka 5:25

Maeni eesiku maaꞌi, omu ke aarengaꞌi noꞌone talameelu.

2 Tesalonaeka 3:1

Oto maeni eesiku maaꞌi, omu ke aarengaꞌi talameelu hunie uri melu ke sai tarohaꞌinie walana a Aalaha oto hailiu hunie taꞌena nga hanue, na hunie uri mwala ke rongo peꞌi haꞌamaꞌunge aana oto mala iꞌomu omu esuie aana maholo omu rongoa.

Pilimon 1:22

Ngaeta leu loꞌu, nou saetoꞌo aana o ke dau aakau aana nga leu talaku i nume iꞌoe, sulie nou norutoꞌo aana uri a God kei rongo mola hunie mo aarengaꞌinge iꞌomu hunie ne ke lae wau i seemiu.

Hibru 13:18

Omu ke aarea God talameelu, aena aana melu saetoꞌo aana mola uri melu ke auꞌesuie mola taꞌena nga mei ola e oodo. Melu sai diana aana uri melu kaꞌa dau huꞌisie ike nga mei ola aaela, na melu saetoꞌo aana uri manatameelu ke taha mola urine taraꞌasi.