2 Korinit 1:1 - Tataroha Diana

¹ Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti, nge ni mere ko uusu-uusu hao huniꞌomu mwala aana soihaadaꞌinge a God hao i Korinit, na noꞌone hunie ahutana mo iinoni maaꞌi a God aana taꞌena nga leu hao i laona poꞌo ni henue iꞌomu i Akaea.

2 Korinit 1:1 ပူးပေါင်းရင်းမြစ်များ

Palonga 16:1

Kira Pol kire lai hule wau aana huilume i Debe, oto purihaꞌana kire si lae loꞌu hunie huilume i Listra nge kire oodoie ngaeta pwaarongoisuli a Jisas, satana a Timoti. Aamana mwane aana mo Aapoloa Aaopa, taꞌe nikana keni ni Jiu nge ko lulu i sulie a Jisas.

Uusu-uusu A Pol Hurula'aa Hunie Mo Rom 15:26

Aana mo eesike aana hiiwalaimolinge wau aana mo poꞌo ni henue i Masedonia na i Akaea, kire ko sasare niie mei toꞌoha huni peꞌie mo iinoni meitale a God taꞌau i Jerusalem.

Uusu-uusu A Pol Hurula'aa Hunie Mo Rom 16:21

Oaku a Timoti nge mere ko esu tararuru, ko niie loꞌu mei wala ni saediananga wau huniꞌomu. Na a Lusias na Jeson na a Sosipata nge ikire ngaeta oolu mwane ni Jiu noꞌone mala ineu, kire ko meni niie mei wala ni saediananga noꞌone wau huniꞌomu.

Uusu-uusu A Pol Hurula'aa Hunie Mo Rom 16:5

No ko sare niie noꞌone mei wala ni saediananga ineu hunie mwala aana soihaadaꞌinge nge kire ko rururu i nume ikirerue. Mei wala ni saediananga ineu noꞌone hunie aasiku maaꞌi a Epaenetas, iini e holaꞌi hiiwalaimoli aana Kraes wau i laona poꞌo ni henue i Esia.

1 Korinit 10:32

Na omu ke suꞌuri haꞌatataroa ngaeta mo iini, maꞌalana mo Jiu, wa mo iini nge ikire mo Jiu haꞌike, wa mo iini aana soihaadaꞌinge a God.

1 Korinit 16:10

Mala uri a Timoti ko hule i seemiu, omu ke lio i suli diana aana, aena aana ingeie ko esu noꞌone nana Aalaha ikie mala ineu.

1 Korinit 16:15

Oto maeni eesiku maaꞌi, omu saie taane a Stepanas na uluhe ni iinoni ingeie. Omu saie uri ikire oto eetana nga mwala kire hiiwalaimoli aana Jisas aana poꞌo ni henue iꞌomu wai Akaea, na kire toliꞌaasire maraada huni peꞌi-peꞌi aani esunge nana mo iini e hiiwalaimoli. No ko eitanaiꞌomu uri

1 Korinit 16:24

Manata-diananga ineu ke iiꞌo peꞌie ahutemiu i lalo aana Kraes Jisas.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

2 Korinit 1:19

aena aana no ko lulu i sulie tolahana a Jisas Kraes. Ingeie oto Kalena God, nge iꞌemeelu a Saelas na a Timoti, melu tarohaꞌinie huniꞌomu, na omu meni saie oto uri ingeie e kaꞌa unue “Iau” hunikie, na ko tolana unue loꞌu “Haꞌike.” Taꞌe i tehulaꞌana a Kraes mone, a God ko unu-unue “Iau” hunikie mo iinoni,

2 Korinit 1:23

Oto ne ke unue oodoiꞌomu aana e ue kaꞌu nou kaꞌa ooli ike mai i seemiu mala nou unue. A God e saie mola manataku, na e saie taane uri nga taa no ko unue e toꞌohuu. Nou kaꞌa lae ike ue hao i Korinit, i sulie nou kaꞌa sare ere aamiu loꞌu na urine kei aasa loꞌu huniꞌomu.

2 Korinit 11:10

Mala no ko unu-unue mola walaimolinge i sulie a Kraes, nge no ko ere toꞌohuu noꞌone uri nga iini eemiu aana poꞌo ni henue iꞌomu i Akaea e saꞌa roroꞌa da ike uri ne ke mamalo mwaanie toohaꞌinge ineu ienini.

2 Korinit 9:2

Nou saie oto uri omu mwaꞌe-mwaꞌe huni peꞌire, oto nou lae peꞌi ere laheꞌomu i saana mwala mai aana poꞌo ni henue i Masedonia uuri, “Kira hiiwalaimoli hao i Korinit i laona poꞌo ni henue i Akaea, na oto ahutana kira hiiwalaimoli aana poꞌo ni henue ngeena, kire aehota dau aakau oto huni peꞌi aana halisi e mango haona.” Na mwaꞌe-mwaꞌenga iꞌomu e taꞌelaꞌinie saena mo iini hunge mai leu i Masedonia, oto kire ko meni sare nii oto noꞌone.

Kalesia 1:1

Saediananga mwaanieu a Pol Hurulaꞌaa huniꞌomu mo iini aana mo soihaadaꞌinge wau aana poꞌo ni henue i Kalesia. A Jisas Kraes na a God Aamaka, kirerue soieu uri hunie ne ke neꞌi hurulaꞌaa, na soileku e kaꞌa lae ike mola aani iinoni wa mwaanie nga pulitaa ni iinoni. !Haꞌike! A God nge e taꞌea a Jisas Kraes aalihoꞌi mwaanie maenga ni e asuie leune urine hunieu. Ahutameelu mo mwaasine aana hiiwalaimolinge mai leu, melu ko niie saediananga iꞌemeelu huniꞌomu,

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Epesas 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. No ko uusu-uusu weu huniꞌomu mo iinoni a God wau aana huilume i Epesas, nge omu ko lulu i sulie a Jisas Kraes toꞌohuu na omu lado oto peꞌie.

Pilipae 1:1

Saediananga mwaanieu a Pol na a Timoti, e ro koni-konihe a Jisas Kraes hunie ahutemiu mwala nge omu hiiwalaimoli aana Jisas Kraes, nge omu iiꞌo wau aana huilume i Pilipae, na noꞌone hunie mo naꞌohai mwane iꞌomu haahie soihaadaꞌinge, na mo iini aani heiraretaꞌinge i laona soihaadaꞌinge.

1 Tesalonaeka 1:1

Saediananga mwaanieu a Pol na a Saelas na a Timoti huniꞌomu aana soihaadaꞌinge wau i Tesalonaeka. Iꞌomu oto mo iinoni a God Aamaka na Aalaha ikie a Jisas Kraes, na melu ko eitanai uri hahuꞌana manata-diananga na hanuelamanga ingeie ke iiꞌo peꞌiꞌomu.

1 Tesalonaeka 3:2

na huni uusungeꞌinie mola wau aasikaelu a Timoti hunie ke ere haꞌasusuꞌomu na ke haꞌa-aꞌailaꞌaa hiiwalaimolinge iꞌomu. Aana ingeie noꞌone ko esu nana God aani laeliwalanga aana Tataroha Diana i sulie a Kraes.

2 Tesalonaeka 1:1

Saediananga mwaanieu a Pol na a Saelas na a Timoti huniꞌomu aana soihaadaꞌinge wau i Tesalonaeka. Iꞌomu oto mo iinoni a God Aamaka na Aalaha ikie a Jisas Kraes,

1 Timoti 1:1

Saediananga mwaanieu a Pol, iini nge a God a Haꞌa-uuritaka na a Kraes Jisas kire mani unue ne ke neꞌi hurulaꞌaa nana a Kraes Jisas nge kie ko maaꞌoohi susutoꞌo hunie peꞌi hiiwalaimolinge aana.

2 Timoti 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa a Kraes Jisas, hunie ne ke tarohaꞌinie maurihe huu e haiholotaꞌinie hunie mo iini kire lado peꞌie Kalena, a Kraes Jisas.

Taetas 1:1

Saediananga mwaanieu a Pol, huniꞌo Taetas. Ineu nga koni-konihe a God na hurulaꞌaa a Jisas Kraes. E uusungeꞌinieu huni peꞌie hiiwalaimolinge mo iini nge a God e lio hilisire hunie kire ke neꞌi iinoni ingeie, na huni haꞌa-uusulire i sulie walaimolinge nge kei peꞌire hunie kire ke iiꞌo maaꞌi.

Pilimon 1:1

Saediananga mwaaniꞌemereꞌi a Pol na a Timoti, huniꞌo Pilimon. Ineu a Pol, nou iiꞌo i nume ni hoꞌo i tehulaꞌana asunge a Jisas Kraes, na aasike maaꞌi a Timoti ko peꞌieu ienini huni uusu-uusu weu huniꞌo, Pilimon. Iꞌoe, o tohungei esu diana peꞌiꞌemeelu nana God, na iꞌoe oto tohungei malahumeelu.

Hibru 13:23

Na saeku uri omu ke saie uri aasikaelu a Timoti kire haꞌa-iisitaangaꞌinie oto mwaanie nume ni hoꞌo. Na mala uri ko hule aaku lau-leu, nge mere kei meni lae oto wau huni leesiꞌomu.