2 Jon 1:2 - Tataroha Diana

² aena aana walaimolinge a God ko iiꞌo oto i lalo aana ahutaka mango na kei iiꞌo huu oto peꞌikie.

2 Jon 1:2 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 14:16

Na ne kei haꞌatohu aana a Mamaꞌa, oto ingeie ke si uusungeꞌinie mai ngaeta iini huni peꞌiꞌomu na hunie ke iiꞌo susu oto peꞌiꞌomu.

Tataroha Diana I Sulie A Jisas Kraes Nge A Jon E Uusue 15:7

Mala uri omu ke iiꞌo susu oto aaku na walaku ke iiꞌo susu oto aamiu, nge omu sai sukaa taꞌena nga mei ola saemiu hunie, na niilana kei lae oto huniꞌomu.

1 Korinit 9:23

No ko euꞌesuie ue mo olana hunie Tataroha Diana tarohaꞌinilana ke lae taraꞌasi, na hunie ke mwadaꞌusieu hunie ne ke toolea haꞌadianaꞌanga mwaanie Tataroha Diana.

2 Korinit 4:5

Iꞌemeelu, melu kaꞌa laeliwala ike mola i suliꞌemeelu maraameelu, taꞌe melu ko laeliwala aana a Jisas Kraes uri ingeie oto Aalaha, na iꞌemeelu mo iinoni euꞌesu iꞌomu mola aana melu ko lulu i sulie a Jisas.

Kolosi 3:16

Omu ke iiꞌo diana hunie haꞌa-uusulinge a Kraes ke haataꞌi aana taꞌena nga ola omu ko esuie. Oto maholo omu ko haꞌa-uusuliꞌomu heiliu wa omu ko haꞌasaie nga iini, taꞌe saenanaunge ingeie ke si haataꞌi i leune. Na omu ke paalahea God aana ahutana saemiu aani kanalilana mo kananga aana Uusu-uusu Maaꞌi, na mo kananga maaꞌi lalahuꞌe, na mo kananga haalu nge Liꞌoa Maaꞌi ko niiꞌi mei hunikie.

2 Timoti 1:5

No ko aamasitoꞌo noꞌone aana mei hiiwalaimolinge toꞌohuu nge a nikemu a Iunis na a pwaa-pwaamu a Lois kire mani toꞌo aana, na nou saie uri iꞌoe noꞌone o toꞌo aana.

2 Pita 1:12

Nou saie uri omu saenanau taane oto aana walu ola ngeena, na omu ko uure maꞌutaꞌa noꞌone peꞌie mo wala toꞌohuu nge haꞌa-uusulilemiu e lae aani. Taꞌe maꞌalana ke urine, ne kei lae peꞌi haꞌa-haꞌa-aamasitoꞌoꞌomu loꞌu eeni suli maholo.

1 Jon 1:8

Mala nga iini ko unue uri e kaꞌa oorahaꞌaa ike, nge iinonine ko eeroa mola maraana ni ngeena, na walaimolinge e kaꞌa iiꞌo ike aana.

1 Jon 2:14

No ko uusu-uusu huniꞌomu maeni mwela ineu, aena aana omu saie oto a Mamaꞌa. No ko uusu-uusu huniꞌomu maeni rato ineu, aena aana omu saie oto iini e uure oto mai aehotalana. No ko uusu-uusu huniꞌomu maeni saanau ineu, aena aana iꞌomu oto mo iini aꞌailaꞌa, na aena aana walana God e iiꞌo i lalo aamiu, na aena aana omu aꞌailaꞌasie iini tataꞌala.

1 Jon 2:17

Walumalau na ahutana walu ola i laona nge mwala ko sae-saetoꞌo aani, kire kei meni eiꞌaa mola, taꞌe iini ko tola i sulie saena God nge kei iiꞌo huu.