1 Timoti 6:6 - Tataroha Diana

⁶ Asunge nana God e sai niie taane toꞌo-toꞌonga hunikie, taꞌe toꞌo-toꞌonga ni welumalau haꞌike. A God ko niie toꞌo-toꞌonga aani sae, na ko peꞌikie hunie kie ke hii diana mola peꞌie nga taa kie toꞌo aana oto.

1 Timoti 6:6 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 12:15

Na a Jisas ko heꞌi lae loꞌu peꞌi erenga uurini hunie ahutada, “Omu ke lio talamiu na omu ke kinetaꞌiniꞌomu mwaanie taꞌena nga saehanalinge. Aana tohungana maurihaꞌana iinoni e kaꞌa lae ike i sulie nga taa nge iinoni e toꞌo aana, maꞌalana iinoni ngeena ke toꞌo-toꞌo loꞌu uri taa.”

Tataroha Diana I Sulie A Jisas Kraes Nge A Luk E Uusue 3:14

Ngaeta mo ramo ko dolosi noꞌone aana a Jon uri, “?Nge iꞌemeelu? ?Melu kei ue?” Oto ko teꞌuri hunire, “Mwaanie omu deu-deu rarahie nga iini hunie mo toꞌoha ingeie, wa omu ke ere-ere aana mola tototala. Taꞌe omu ke ilenimwaꞌe mola haahie holitemiu.”

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

2 Korinit 4:17

Na mei siꞌohaꞌanga nge ko tooleꞌemeelu mola hunie kele maholo oꞌoruꞌe ienini, ko da melu ke si hele liutaa aana mo ola manikuluꞌe oto hiitoꞌo loꞌu aana maurihe huu peꞌie a God taꞌau i Lengi.

Pilipae 1:21

Ineu, nou loꞌongaꞌinie uri mala no ko meu-meuri ue, na ne kei esu liutaa mola ue nana a Kraes. Na mala uri no ko mae oto, na e si diana loꞌu liutaa eena aena aana ne kei iiꞌo oto peꞌie a Kraes taꞌau i Lengi.

1 Timoti 4:8

Aana e toꞌohuu taane mala kire unue uri e diana uri hunie kie ke haꞌa-haꞌa-aꞌailaꞌaa sapeka, taꞌe e lae oto i diana loꞌu liutaa uri hunie kie ke haꞌa-haꞌa-aꞌailaꞌaa mau-meuringe ikie aani hiiwalaimolinge. Aana hiiwalaimolinge e sai peꞌikie aana mauringe siꞌirini, na oto loꞌu aana maurihe oto huu. Iau, kei diana oto liutaa hunie mwala ke rongo hunie mo wala ngeena peꞌi tola i sulileni.

1 Timoti 6:8

Taꞌe mala uri kie ko toꞌo ngaulaa na kie toꞌo toꞌoni, nge kie ke saemango mola haahiꞌi.

Hibru 13:5

Tolahamiu ke suꞌuri iiꞌo oto mola aani saehanalilana toꞌoha, na omu ke sae-saemango mola haahie nga taa omu toꞌo aana oto. Aana a God e unue kaꞌu uri kei niie nga taa e adongamiu, aana e teꞌuri, Nou saꞌa toliꞌaasiꞌo ike aana taꞌena nga maholo, na nou saꞌa roroꞌa pulongosiꞌo ike. Diutronomi 31:6