1 Timoti 6:4 - Tataroha Diana

⁴ Iinoni nge ko haꞌa-uusuli aaopa urine e honu mola aana toohaꞌinge na e kaꞌa saie ike nga mei ola. Neꞌisaenga ingeie e rodohono mola, na ingeie e iiꞌo oto mola peꞌie haꞌa-erenga haahie taꞌena nga ola. Oto leune ko si da mola mwala ko esuie walu ola aaela mala saehanalilana toꞌo-toꞌolana ngaeta iini, na haiseuninge, na ere-aaelasilana ngaeta iini, na heotaꞌinge.

1 Timoti 6:4 ပူးပေါင်းရင်းမြစ်များ

Palonga 15:2

Taꞌe a Pol na Banabas kire kaꞌa neꞌisae tararuru ike peꞌire, oto kire ko tohungei ere haitelili oto peꞌie mo mwaena, na kire ko ere tewa honosire. Oto lae-lae kira hiiwalaimoli i Antiok kire unue a Pol na Banabas na ngaeta mo mwane kire ke lae taꞌau i Jerusalem ni ere peꞌie mo hurulaꞌaa na mo rato aana soihaadaꞌinge i sulie mei ola ienini.

Palonga 18:15

Taꞌe i sulie omu ko ere haitelili mola i sulie mo wala na mo satai ola na mo ola mola i sulie mo haꞌatolanga iꞌomu maraamiu, oto e diana mola uri hunie iꞌomu maraamiu omu ke haꞌa-oodohie leune. Ineu, nou kaꞌa sare haꞌa-oodohie ike mo ola urine huniꞌomu.”

Palonga 8:9

Na aana huilume ngeena ngaeta maatoꞌo satana a Saemon e iiꞌo noꞌone i leune. Na a mwane ngeena ko esuie mwala i Samaria ke pangataꞌinie nanamanga ni siꞌonga ingeie. Na ko ere toohaꞌinie uri ingeie oto ngaeta mwane paine,

Uusu-uusu A Pol Hurula'aa Hunie Mo Rom 12:16

Omu ke iiꞌo diana mola peꞌie ahutana mwala. Mwaanie omu too-toohaꞌiniꞌomu, taꞌe omu ke mwaꞌe-mwaꞌe mola ni deu i sulie taꞌena nga mei esunge wa huni heꞌimalahune peꞌie taꞌena nga iini. Na mwaanie omu loꞌo-loꞌongaꞌinie uri iꞌomu oto omu saenanau.

Uusu-uusu A Pol Hurula'aa Hunie Mo Rom 13:13

Iau, kie ke iiꞌo oodotaꞌi oto mola tarau, mala mwala ko esuie mola mo ola haadaꞌi i laona matapwanga aana aatowaa. Kie ke suꞌuri esuie mo ngeunge aaela na mahiringe aana inuhilana mo wei ni pweunge. Masinge na ke suꞌuri loꞌu, na kie ke suꞌuri tara loꞌu i sulie mo tolahai ola aaela urine. Kie ke suꞌuri toolea loꞌu haꞌa-erenga na heotaꞌinge.

Uusu-uusu A Pol Hurula'aa Hunie Mo Rom 14:1

Omu ke takuhie taꞌena nga iinoni ko hiiwalaimoli aana Jisas, maꞌalana hiiwalaimolinge ingeie e kaꞌa susu ue. Na omu ke suꞌuri ere haitelili loꞌu peꞌie haahie mo ola ko neꞌisae rue-ruaꞌa aani uri kire aapu wa kire kohi taane mola.

Uusu-uusu A Pol Hurula'aa Hunie Mo Rom 2:8

Taꞌe mwala nge saeda e aaela aana kire ko neꞌisae paine mola haahire maraada, na kire kaꞌa saetoꞌo aana ike walaimolinge, taꞌe kire ko lulu i sulie mola mo tolahai ola aaela, ikire ngeena nge a God kei tohungei saewasulire na kei haꞌaletehire oto hiitoꞌo.

1 Korinit 11:16

Taꞌe mala uri nga mo iini hikemiu ko sare ere haitelili haahie leune, nga taa nou sai unue huniꞌomu mola uuri, iꞌemeelu mo hurulaꞌaa na mo soihaadaꞌinge a God aana mo huilume hai aaopaꞌi melu kaꞌa toꞌo aana ike loꞌu nga tala aaopa huni lae i sulie aani palonga.

1 Korinit 11:18

Eetana nga mei ola, nou rongoa uri maholo omu ko loko mala nga soihaadaꞌinge, omu ko oopa-oopa mola, na leune nou hiiwalaimoli uri e kele toꞌohuu kaꞌune.

1 Korinit 3:18

Oto omu ke suꞌuri neꞌi-neꞌisae aaela i sulie mei ola ienini. Mala uri nga iini eemiu ko neꞌi-neꞌisae uri e saenanau aana saenanaunge ni welumalau, e diana oto liutaa hunie iinoni ngeena ke tohungei toli puri aana saenanaunge ngeena maꞌalana mwala ko haaraꞌinie aana “Pweu.” Oto ke si hule aana saenanaunge toꞌohuu.

1 Korinit 3:3

Omu ko lae-lae mola ue mala mo iinoni aana walumalau ienini. !Lio kaꞌu! Omu iiꞌo mola ue peꞌie upwanga na heotaꞌinge. Mo ola ngeena kire haataꞌi diana aana uri iꞌomu nga mo iinoni aana Liꞌoa Maaꞌi haꞌike, aana tolahamiu e sada mola ue peꞌie mo iinoni ni welumalau.

2 Korinit 11:20

Nou leesie loꞌu uri omu ko saetoꞌo aana mola mo poro paine huni deu rarahiꞌomu, na kire ko haꞌamweꞌu-mweꞌuꞌomu, na kire ko pweloꞌomu, na kire ko lio toli mola aamiu, na kire ko hide-hidelie papalimiu. !Haꞌike eena mwae!

Kalesia 5:15

Taꞌe mala uri omu ko heꞌi polahiꞌomu loꞌu mola hailiu mala mo usu ni meꞌesu, nge omu ke lio talamiu, mwaanie omu horo suuheꞌiniꞌomu mola taꞌingelu.

Kalesia 5:26

Mala uri kei toꞌohuu hunikie urine, nge nga iini aaka e saꞌa toohaꞌinie ike maraana, wa ke haꞌasaewasuliꞌaa nga iini, wa ke saehanalie toꞌolana nga iini.

Kalesia 6:3

Na mala uri nga iini ko loꞌongaꞌinie uri ingeie oto e paine liutaa, nge ko talei eero-eeroa mola maraana na hule aana ingeie iinoni mwaakule noꞌone mola.

Pilipae 1:15

Siꞌue, ngaeta mo iini aada kire ko laeliwala i sulie a Kraes aena aana kire ko upwesieu, na kire ko sare paine liutaa aaku i laona soihaadaꞌinge.

Pilipae 2:14

Taꞌe-taꞌena nga ola omu ko euꞌesuie, omu ke auꞌesu oodo-oodo oto mola aana, mwaanie upwanga na haitelilinge haahiꞌi.

Pilipae 2:3

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu.

Kolosi 2:18

Na mwaanie omu toitoliꞌaasie nga iini ke haꞌapweuꞌomu aana mei wala uuri, “Omu saꞌa hele waaite ike taꞌau i Lengi, aena aana omu kaꞌa haꞌaletehie sapemiu peꞌi tola i sulilana mo haꞌatolanga e aasa.” Mo iinoni urine ko unue noꞌone uri kire leesie mo maꞌahu-polenga nge ko haataꞌinie uri e diana hunie mwala ke palo-paloa mo ensel. Taꞌe omu ke suꞌuri rongo hunire. Kire ko lupweꞌi haꞌamwai-mweiꞌara maraada i maana mwala, taꞌe kire ko toohaꞌinire mola aana mo neꞌisaenga ni welumalau nge hule aana kire kaꞌa toꞌohuu ike.

2 Tesalonaeka 2:4

Mwane tataꞌala ngeena kei ere aaelasie ahutana mo god na taꞌena nga ola nge mwala ko palo-paloa. Na kei haꞌapainaꞌaa maraana uri hunie ke paine loꞌu liutaa aana taꞌena nga ola, na hule aana kei lae iiꞌo i laona Nume Maaꞌi Peine a God na ni unue uri ingeie oto a God.

1 Timoti 1:4

O ke unue hunire uri kire ke mamalo oto mwaanie tolahai ola nge ko waetaꞌinie maholo ikire mola aana mo laladonga kaꞌa toꞌohuu na aana uusulana mo satai ola oto hunge i sulie mo weuwada. Aena aana mo ola ngeena kire sai da haꞌa-erenga hunie mo iinoni, na kire saꞌa peꞌie ike asunge a God nge e saetoꞌo aana mwala ke asuie. Aana tolaha ni hiiwalaimolinge mola haꞌalaa ko peꞌikie huni lulu i sulie oalaꞌinge a God.

1 Timoti 1:7

Saeda hunie mwala ke saire mala mo haꞌa-uusuli aana mo Haꞌatolanga a Mosis, taꞌe hule aana kire kaꞌa sai loꞌongaꞌi saie ike noꞌone mola nga taa nge kire ko ere i sulie ngeena, wa uri nga taa nge kire ko haꞌa-uusuli aana.

1 Timoti 3:6

Na mwaanie naꞌohai mwane haahie soihaadaꞌinge e neꞌie nga mwane nge e si aehota hiiwalaimoli mola aana a Jisas, aana mala ko urine, na ohe a porona ko oorahaꞌaa mala a Pwelu Eero-eero aana ko toohaꞌinie maraana, na a God kei haꞌaloie loꞌu mala e asuie aana a Pwelu Eero-eero holaꞌinaꞌo.

2 Timoti 2:14

O ke lae peꞌi haꞌa-haꞌa-aamasitoꞌoa kira hiiwalaimoli aana mo ola ngeena. O ke ere hiitoꞌo hunire aana nanamanga a God uri kire ke suꞌuri ere haitelili aana mo ola kire kaꞌa roroꞌa ike. Aana tala urine e tohungei aaela oto hiitoꞌo, na e sai waelie mola mo iini ko pwaarongoa mo erenga haitelili urine.

2 Timoti 2:23

O ke kinetaꞌiniꞌo mwaanie taꞌena nga haꞌa-erenga takalo na mo erenga taꞌewau. Aana o saie oto uri mo erenga urine kire sai esuie mola haꞌa-erenga ke paine i matolana mwala,

2 Timoti 3:4

Maꞌalana mo malahude, taꞌe kire kei pwelora mola, na kire saꞌa holaꞌi loꞌongaꞌi keꞌu i sulie taꞌena nga ola kire ko sare asuie, na kire kei too-toohaꞌinire oto e pulo. Kire kei saetoꞌo aana mola mo ola nge ko da kire ke hii diana, taꞌe kire kaꞌa saetoꞌo aana ike a God.

Taetas 3:9

Taꞌe o ke aaliꞌu mwaanie mo haꞌa-erenga mweꞌu-mweꞌule i sulie mo hute-hutanga. Na o ke suꞌuri haꞌa-ere wa o ke ere haitapali i sulie mo Haꞌatolanga a Mosis. Mo tolahai iinoni urine, mo ola kire saꞌa peꞌie ike nga iini ni ngeena.

Jemes 1:19

Maeni eesiku, omu ke loꞌongaꞌi kohi i sulie mo ola ienini. Omu ke mwaꞌe-mwaꞌe huni hehurongo, na haro loꞌongaꞌi omu ke si ere. Suꞌuri saewasu oto lau-leu,

2 Pita 2:12

Taꞌe mo haꞌa-uusuli eero-eero ngeena, kire urihana mola mo ola loo-looꞌa ni meꞌesu nge kire kaꞌa sai loꞌongaꞌinie ike nga mei ola, na e adona mola horo-aasileni ke lae. Kire sai ere aaelasie mola mo ola nge kire kaꞌa sai diana aani ike, taꞌe lae-lae mo ola aaela kire ko esuiꞌi ngeena kei eeliꞌu na kei heꞌi waelire loꞌu.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

Jiud 1:10

Taꞌe mwala ienini kire ko ere aaelasie oto mo ola hule aana kire kaꞌa sai diana aani. Saemangonga ikire e urihana mola mo poo wa mo usu nge kire kaꞌa sai loꞌongaꞌi ike. Kire ko lae-lae oto mola i sulie pwalusude aani nonowasunge hunie taꞌena nga ola, na mo ola urine nge ko waelire oto hiitoꞌo.

Jiud 1:16

Mwala ngeena kire sai upwe mola tarau, na kire ko haro iꞌie mola ahutana ola, na kire ko lae oto mola i sulie mo loꞌongaꞌinge aaela ikire maraada. Kire ko ere toohaꞌinire mola, na maholo kire ko lahea nga iini, kire ko eeroa mola hunie hari-huninge ikire maraada ke oa.

Haataꞌinge 3:17

Omu ko unue uri omu tohungei toꞌo-toꞌo, na uri omu toꞌo aana walu ola omu saetoꞌo aani. Taꞌe hule aana omu kaꞌa saie ike loꞌu uri i naꞌona God omu tohungei siꞌohaꞌa oto hiitoꞌo. !Aama-aamasilemiu! Iꞌomu mwala omu meitale toꞌohuu, na maamiu e ulu na omu iiꞌo mola mwaakule.