1 Timoti 5:14 - Tataroha Diana

¹⁴ Oto nou saetoꞌo aana mo nao keni haalu uri kire ke toꞌo poro, na kire ke toꞌo mwela, na kire ke lio i suli diana aana mo nume ikire, na mwaanie kire niie nga matahaa hunie taꞌena nga maelonga ikie huni ere aaelasikie.

1 Timoti 5:14 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 14:13

Aena urinena, kie ke rohu oto mwaanie leilaka hailiu. Na omu ke suꞌuri da loꞌu nga mei ola huni haꞌatataroa nga aasimiu maaꞌi hunie ke domu i laona oorahaꞌaa.

2 Korinit 11:12

Ngaeta mwala kire ko sare ere toohaꞌinire maraada uri kire ko esu sada mala iꞌemeelu mo hurulaꞌaa. Taꞌe leune e kaꞌa toꞌohuu ike, na ineu, no ko uure honosie mwala urine. Aena urine nge nou saꞌa mamalo ike mwaanie nga taa nge no ko esuie ienini huni haataꞌinie uri ere-toohaꞌinge ikire ngeena e kaꞌa toꞌo aahuꞌine ike.

1 Timoti 2:8

Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

1 Timoti 4:3

Mwala urine kire ko haꞌa-uuresie ngaeta mo haꞌatolanga ikire maraada mala mo haꞌatolanga nge ko uure honosie mola mo iinoni mwaanie tola-keninge na toꞌo-poronga, na mwaanie ngaulana ngaeta mo taungei ngeulaa. Taꞌe aana haꞌaholanga, a God e haꞌa-uuresie iiꞌo-rurunge, na e haꞌaholaa noꞌone mo ngeulaa hunie mwala ke ngau-ngeuꞌi mola. Na ikie mo iini kie hiiwalaimoli aana God na kie saie walaimolinge, kie sai paalahea mola a God haahie mo ngeulaa ngeena, na kie sai ngeuꞌi mola.

1 Timoti 5:11

Taꞌe o ke suꞌuri uusue satana mo nao keni haalu, aena aana e saꞌa tewa na kire kei hiingeꞌinie uri kire ko sare toꞌo poro loꞌu oto hule aana kire kei pulongosie mola a Jisas.

1 Timoti 6:1

Ahutana mo iinoni hiiwalaimoli nge kire neꞌi koni-konihe, kire ke haꞌamaꞌu aana mo poro paine ikire hunie nga iini ke suꞌuri ere aaelasie satana God na haꞌa-uusulinge ikie.

Taetas 2:5

Na kire ke haꞌa-uusulie mo huꞌe haalu ngeena noꞌone hunie uri kire ke nihisie saeda mwaanie aaelanga, na uri kire ke iiꞌo rereꞌa, na uri kire ke saemamae hunie mwala, na uri kire ke lio i suli diana aana mo uluhe ikire peꞌi haꞌamaꞌunge aana mo poro ikire. Aana kire ko haataꞌinie tolahai iinoni diana urine, nge nga iini poꞌoi sinaha saꞌa ere aaelasie ike mo haꞌa-uusulinge aana soihaadaꞌinge.

Taetas 2:8

Haꞌa-uusulinge iꞌoe ke tohungei oodo na ke diana mwaanie nga iini e ere aaelasie. O kei haꞌa-uusuli urine, nge mo maelonga ikie kire kei masa aena aana kire kei deu aasaie nga mei ola hunie kire ke ere aaelasikie aana.

Hibru 13:4

Haꞌarurunge mei ola huni haꞌamaꞌu aana, na mwaanie nga iini e maꞌahu loꞌu peꞌie iini e kaꞌa haꞌaruru ike peꞌie, aana a God kei leie mo iini kire ko aeni ola na kire ko mesi.