1 Timoti 5:12 - Tataroha Diana

¹² Oto leilada kei lae aena aana kire kaꞌa asu ike i sulie nga taa nge kire haiholotaꞌi huni esuie nana a Kraes.

1 Timoti 5:12 ပူးပေါင်းရင်းမြစ်များ

1 Korinit 11:34

Na mala uri nga iini ko hiolo, nge ke holaꞌi ngeu oto wau i nume ingeie, mwaanie a God e leiꞌomu haahie tolahai ngeunge aaela ngeena aana maholo omu ko meni ngeu tararuru. Na ne ke si haꞌa-oodohie ngaeta mo ola loꞌu aana maholo ne kei lae wau i seemiu.

Kalesia 1:6

No ko tohungei pangataꞌi aana omu tolana toliꞌaasie oto a God, iini e soiꞌomu aana manata-diananga a Kraes huni neꞌi iinoni ingeie. Taꞌe ie omu toliꞌaasie oto, na omu ko eeliꞌu loꞌu mola huni rongo i sulie ngaeta taungei tataroha diana aaopa.

1 Timoti 5:11

Taꞌe o ke suꞌuri uusue satana mo nao keni haalu, aena aana e saꞌa tewa na kire kei hiingeꞌinie uri kire ko sare toꞌo poro loꞌu oto hule aana kire kei pulongosie mola a Jisas.

1 Timoti 5:13

Na loꞌu kire kei lalawasie mola asunge na kire kei talei waetaꞌinie mola maholo ikire aani walo liunge mola i sulie mo nume. Na e kaꞌa taꞌe ike mola waetaꞌinilana maholo ikire, taꞌe peꞌi sihoai-olanga na kire kei oho dauhe mola aana mo esunge diana ngaeta mwala loꞌu aani unulana mola mo ola kire kaꞌa malisi.

Jemes 3:1

Maeni eesiku, e kaꞌa malisine ike mo iini hunge aamiu ke neꞌi haꞌa-uusuli, aena aana omu saie uri mo iini nge kolu ko haꞌa-uusuli, leilakaelu kei peine liutaa aana ngaeta mo iini.

1 Pita 4:17

Maholo e hule oto hunie leinge a God kei aehota, na kei aehota oto peꞌie mwala aana uluhe ni iinoni ingeie. Na aana leinge ngeena ko aehota peꞌikie mwala ingeie, nge kie saie oto uri leinge a God kei aaela oto liutaa hunie mo iini nge kire kaꞌa hiiwalaimoli ike aana Tataroha Diana.