1 Timoti 5:1 - Tataroha Diana

¹ Maholo o ko haꞌa-oodohie nga mwane nge e neꞌi rato oto, o ke suꞌuri ere raramaa hunie, taꞌe o ke ere rako peꞌie mala uri ingeie oto aamamu. Na o ke takuhie mo mwane saanau oto mala ikire mo eesimu mwane.

1 Timoti 5:1 ပူးပေါင်းရင်းမြစ်များ

Matiu 23:8

“Taꞌe iꞌomu, omu ke suꞌuri toliꞌaasie mwala ke haaraꞌiniꞌomu aana, ‘Haꞌa-uusuli,’ aena aana omu toꞌo aana mola e taꞌa-taꞌa haꞌa-uusuli, na iꞌomu mo mwaasine haliꞌite.

Palonga 14:23

Na i laona ahutana mo soihaadaꞌinge kirerue lio hilisie mo naꞌohai mwane huni naꞌoda. Na kirerue iiꞌo mola peꞌie oolongaunge na aarengaꞌinge talada, na kirerue toliꞌaasire mola hunie a Aalaha, iini nge kire hiiwalaimoli oto aana.

Palonga 15:4

Maholo a Pol na Banabas kire lai hule taꞌau i Jerusalem mo hurulaꞌaa na mo rato aana soihaadaꞌinge, na ahutana soihaadaꞌinge kire tohungei tola konirerue. Oto a Pol na Banabas kire ko unu tahangaꞌinie hunie mwala walu ola nge a God e asuiꞌi hunirerue aana asunge ikirerue.

Palonga 15:6

Oto mo hurulaꞌaa na mo rato aana soihaadaꞌinge kire ruru, kire ko si ere i sulie mei olana.

Palonga 20:17

Oto a Pol e haꞌatolaa mei wala uure i Maelitas hunie mo naꞌohai mwane aana soihaadaꞌinge i Epesas uri kire ke lae kaꞌu mei saana.

Uusu-uusu A Pol Hurula'aa Hunie Mo Rom 13:7

Oto omu ke niie walu ola mo haꞌatolanga e unue mwala ke niiꞌi hunie kahamani. Omu ke wili oto hunire aani niilana mo maai toꞌoha hai aaopaꞌi, na omu ke haꞌapainaꞌaa mo naꞌohai mwane ngeena peꞌie haꞌamaꞌunge aada.

Kalesia 6:1

Maeni eesiku maaꞌi, mala uri nga iini eemiu ko deu huꞌisie nga mei oorahaꞌaa, nge mo iini omu ko lulu i sulie tolahana Liꞌoa Maaꞌi, omu ke haꞌa-oodohie aani saemamae. Na omu ke lio talamiu noꞌone mwaanie uri iꞌomu maraamiu omu deu huꞌisie loꞌu mola mei olana.

1 Timoti 5:17

Mo naꞌohai mwane nge kire ko lio i suli diana aana soihaadaꞌinge, na kire ko tohungei esu hiitoꞌo aani laeliwalanga na haꞌa-uusulinge, e tohungei diana oto liutaa hunie ruruhaa ke haꞌamaꞌu aada na ke waai diana aada noꞌone.

1 Timoti 5:2

E urine loꞌu aana mo huꞌe, aena aana ikire oto mo nikemu. Mo keni haalu ikire oto mo eesimu keni, oto aena urinena o ke takuhire tarau aana tolahai iinoni diana.

Taetas 2:2

O ke haꞌa-uusulie mo rato ni mwane uri kire ke kinetaꞌinie tolahada, na kire ke iiꞌo diana hunie mwala ke haꞌamaꞌu aada, na kire ke iiꞌo mola aani lio i suli diana aada. Hiiwalaimolinge ikire ke susu aana walaimolinge, na kire ke manata diana mola hunie ahutana mwala. Maꞌalana nga taa ko reu-reu, taꞌe kire ke hele maꞌutaꞌa aana hiiwalaimolinge peꞌi maaꞌoohinge susutoꞌo.

Taetas 2:6

Na o ke haꞌa-uusulie loꞌu mo saanau hunie ikire noꞌone kire ke haꞌahili-hilie tolahada mwaanie aaelanga.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

Jemes 5:14

Na mala nga iini eemiu nge ko, nge ke haꞌatola hunie mo rato aana soihaadaꞌinge, hunie kire ke aarengaꞌi talana, na kire ke suuhie aani rumu aana satana a Jisas Aalaha ikie.

1 Pita 5:1

Oto no ko sare unue ngaeta mei wala ni haꞌananaunge huniꞌomu mo naꞌohai mwane aana soihaadaꞌinge. Ineu ngaeta naꞌohai mwane aana soihaadaꞌinge noꞌone mala iꞌomu, na hule aana nou sai ere haꞌawalaimoliꞌaa uri Tataroha Diana i sulie a Kraes e toꞌohuu aana ineu maraaku nou leesie kaꞌu sapesalunge a Kraes. Na nou saie uri ineu noꞌone ne kei toꞌo aana manikuluꞌanga a God aana maholo a Kraes kei ooli loꞌu mei.

2 Jon 1:1

Saediananga mwaanieu Rato ni mwane aana soihaadaꞌinge, huniꞌo tohungei keni diana a God peꞌie maeni kalemu. Ineu peꞌie ahutana oto mo iini e manataꞌinie walaimolinge ko manata diana huniꞌomu,

3 Jon 1:1

Saediananga mwaanieu Rato ni mwane aana soihaadaꞌinge, huniꞌo Kaeas. Nou tohungei manata diana huniꞌo, malahuku diana ineu,

Haataꞌinge 4:4

Na kali-kelie naunekume ngeena nge e ro aawalai neunekume mwana hai noꞌone, na e ro aawalai rato mwana hai kire iiꞌo i lengini. Kire toꞌoni aani toꞌoni rereꞌa, na kire hoꞌosie mo rorodara aani kol i darada.