1 Timoti 3:13 - Tataroha Diana

¹³ Mo iini nge kire ko peꞌi-peꞌi diana urine i laona soihaadaꞌinge, ikire oto mwala kei haꞌamaꞌu aada. Na ikire maraada, kire ke si aꞌailaꞌa ni unu tahangaꞌinie hiiwalaimolinge ikire aana Kraes Jisas.

1 Timoti 3:13 ပူးပေါင်းရင်းမြစ်များ

Matiu 20:28

Mala oto ineu a Kale Ni Iinoni nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”

Matiu 25:21

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, oto ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Tataroha Diana I Sulie A Jisas Kraes Nge A Luk E Uusue 19:17

Oto aalaha ngeena ko teꞌuri hunie, ‘!E diana! Iꞌoe oto mwane auꞌesu diana. Nou lio saie uri o sai kinetaꞌinie mo ola mwai-mwei. Ngeena, ne kei neꞌiꞌo o ke aalaha oto haahie ngaeta aawalai huilume ineu.’

Palonga 21:35

Kire naꞌona Pol lai hule aana huru-huru hunie nume maꞌutaꞌa ngeena, na aana mwala ko seu-seunie ue a Pol, oto mo ramo kire ko si aangaꞌinie mwaanire.

Palonga 6:15

Oto aana maholona ahutana mwala nge kire loko ngeena, kire ko si lio hahuroto oto aana a Stivin aana kire ko si leesie maana e lio oto mala ensel.

Palonga 6:5

Oto ahutana mwala kire rongoa mei wala ngeena kire ko si ilenimwaꞌe haahie. Oto kire si lio hilisie a Stivin, na a Pilip, na a Prokoras, na a Nikeno, na a Timon, na a Pamenas, na a Nikolas. Hiiwalaimolinge a Stivin ngeena e tohungei susu, na e honu aana Liꞌoa Maaꞌi. Na a Nikolas ngeena e hute aana mo Aapoloa Aaopa aana huilume i Antiok, taꞌe e talamaꞌinie tolahana mo Jiu na e neꞌie oto ngaeta iini aada.

Palonga 6:8

A God mone ko haꞌadianaꞌaa a Stivin na ko nii-niie nanamanga hunie, oto ko esuie mo huꞌi-huꞌite na mo ola ni pangataꞌinge i matolana mwala.

1 Korinit 16:15

Oto maeni eesiku maaꞌi, omu saie taane a Stepanas na uluhe ni iinoni ingeie. Omu saie uri ikire oto eetana nga mwala kire hiiwalaimoli aana Jisas aana poꞌo ni henue iꞌomu wai Akaea, na kire toliꞌaasire maraada huni peꞌi-peꞌi aani esunge nana mo iini e hiiwalaimoli. No ko eitanaiꞌomu uri

Pilipae 1:14

Na loꞌu, iiꞌonga ineu i nume ni hoꞌo ie, e haꞌasusue mwala hunge aana mwala e hiiwalaimoli aana Kraes, uri hunie kire ke aꞌailaꞌa na mwaanie kire maꞌu huni laeliwala aana Tataroha Diana.

1 Tesalonaeka 2:2

Omu saie taane uri i naꞌona melu lae mai seemiu i Tesalonaeka, mwala e tohungei teungeꞌiniꞌemeelu na kire ere aaelasiꞌemeelu oto hiitoꞌo wau i Pilipae. Taꞌe maꞌalana mwala hunge kire sare uure honosiꞌemeelu, a God ikie e peꞌi diana aameelu taane mola huni aatopuri aana maꞌunge na huni haꞌarongoꞌomu aana Tataroha Diana a God.

1 Timoti 3:14

Nou neꞌisae uri e saꞌa tewa ike loꞌu na no ko lae oto wau huni leesiꞌo. Taꞌe no ko uusue mo ola ienini huniꞌo,

2 Timoti 2:1

Oto iꞌoe, kaleku, o ke aꞌailaꞌa aana asunge nana a Aalaha, na ingeie oto ke si peꞌiꞌo aana saena mone hunie ke peꞌikie.

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.