1 Timoti 2:8 - Tataroha Diana

⁸ Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

1 Timoti 2:8 ပူးပေါင်းရင်းမြစ်များ

Matiu 21:21

Oto a Jisas ko aalamire uuri, “No ko unue oto huniꞌomu uri mala omu ko hiiwalaimoli toꞌohuu na omu kaꞌa neꞌisae rue-ruaꞌa, omu sai da mola nga taa mala nou esuie hunie ai ienini. Na kaꞌa taꞌe ike leu ie, taꞌe hule aana omu sai unue noꞌone mola hunie uuwo ie uuri, ‘O ke pola mola i eesi,’ na kei reu oto urine.

Matiu 5:44

Taꞌe ineu no ko unue huniꞌomu uri omu ke manata diana noꞌone hunie mo maelonga iꞌomu, na omu ke aarea God talana mo iini ko taungeꞌiniꞌomu.

Matiu 6:12

Na o ke saeꞌaasie huniꞌemi mo oorahaꞌaa iꞌemi, mala iꞌemi noꞌone emi ko saeꞌaasie mo roroꞌanga ikire mo iini ko deu huꞌisiꞌemi.

Tataroha Diana I Sulie A Jisas Kraes Nge A Luk E Uusue 23:34

Oto a Jisas e teꞌuri, “Mamaꞌa, o ke neꞌisae-aasie leu ie mwaanire, aana kire kaꞌa saie ike uri nga taa kire ko da.” Na maholo mwala ko maa-maa ni ola ue aana maelana e oolu mwane, mo ramo kire ko si inie daes huni leesie iini uri taa aada kei toꞌo aana mo sala a Jisas. Na mo rato ni Jiu ko haꞌamwasi aana a Jisas, kire ko teꞌuri, “E roroꞌa haꞌa-haꞌa-uurie mwala aaopa. Kolu ke lio kaꞌu ohe ko haꞌa-uurie maraana, mala ko neꞌie a Kraes toꞌohuu, inemauri a God e lio hilisie hunikie mo Jiu.”

Tataroha Diana I Sulie A Jisas Kraes Nge A Luk E Uusue 24:50

Oto a Jisas e toolera taꞌau mwaanie i Jerusalem hule i hoorana huilume i Betani, e si susueꞌinie e ro nimana, ko haꞌadianaꞌara.

Tataroha Diana I Sulie A Jisas Kraes Nge A Jon E Uusue 4:21

Oto a Jisas ko teꞌuri loꞌu hunie, “Keine, o ke hiiwalaimoli eeku aana no ko unue uri maholo nge ko lae maine, mwala saꞌa palo-paloa ike taane loꞌu a Mamaꞌa mola i lengine toloi henue ienini wa taꞌau i Jerusalem.

Palonga 10:2

Maꞌalana ingeie ngaeta mwane aana mo Aapoloa Aaopa, taꞌe e neꞌisae paine aana God na ahutana mwala aana uluhe ni iinoni ingeie kire ko lulu i sulie a God noꞌone. A mwaena ko nii-nii tarau hunie kira maitale, na ko aare-aarea God suli maholo.

Palonga 10:31

Oto ko teꞌuri, ‘Konilias, a God e pwani rongoa oto aarengaꞌinge iꞌoe, na e lio saie oto nga taa o ko euꞌesuie huni peꞌie kira maitale.

Palonga 10:4

Oto a Konilias ko tohungei meꞌu, na ko lio hahuroto oto aana ensel ngeena, na ko teꞌuri, “?Nga taa eena, poro paine?” Oto ensel ko teꞌuri hunie, “A God e rongoa oto mo aarengaꞌinge iꞌoe, na ko leesie o ko peꞌie kira maitale, oto ko tohungei saemango haahiꞌo. Oto maholo ienini a God ko sare peꞌiꞌo noꞌone.

Palonga 21:5

Oto purine e hiu hei dinge e mango, nge melu si lae loꞌu. Ahutada maꞌalana mo huꞌe na mo mwela kire mani lai toliꞌaasiꞌemeelu oto hai oone. Oto melu meni pouruuru i laona oone, melu ko si aarengaꞌi.

Palonga 7:60

Oto e pouruuru hai aano ko si soi peine, ko teꞌuri, “Aalaha, o ke suꞌuri suꞌue loꞌu mei oorahaꞌaanga ienini hunire.” E ere urine mola, na ko mae oto.

1 Korinit 1:2

Mere ko uusu-uusu oto wau ienini huniꞌomu aana soihaadaꞌinge a God wau i Korinit. Iꞌomu oto a God e soiꞌomu uri omu ke neꞌi iinoni maaꞌi ingeie aani iiꞌo-rurunge peꞌie a Jisas Kraes, mala ahutana mo iini ko palo-paloa satana aalaha ikie aana taꞌena nga leu.

1 Korinit 7:7

Na aana loꞌongaꞌinge ineu loꞌu, saeku hunie omu ke mani iiꞌo mola maraamiu mala ineu. Taꞌe a God e niie oto mo niinge hai aaopaꞌi hunikie. Ngaeta mo iini kire toꞌo aana ngaeta mo taungei niinge, na ngaeta mo iini kire toꞌo aana noꞌone ngaeta mo taungei niinge aaopa loꞌu.

2 Korinit 2:14

Oto no ko paalahea God oto liutaa, aana a Kraes e aꞌailaꞌasie oohotaa, na oto ie melu lado oto peꞌie a Kraes na melu ko lae-lae oto i sulie mala mo koni-konihe ingeie. A God e asu i lalo aameelu hunie tataroha i sulie a Kraes ke lai hule oto aana ahutana mo henue, mala wasuhaꞌana dango wau-wesu nge e tohungei wesu mangoni oto hiitoꞌo e sai hule aana taꞌena nga leu i laona nume.

Pilipae 1:12

Maeni eesiku, nou saetoꞌo aana omu ke sai diana aana uri sapesalunge ineu i nume ni hoꞌo ie e kohi taane mola, aena aana leune mone, mwala hunge kire ko si rongoa Tataroha Diana.

1 Tesalonaeka 1:8

Na e kaꞌa ike mola i Masedonia na i Akaea, taꞌe i tehulaꞌamiu mone, Tataroha Diana a Jisas ko tohungei taro hailiu. Ahutana mwala aana taꞌena nga leu kire mani rongoa oto uri omu hiiwalaimoli aana God, na nga mei ola hunie melu ke unue i suliꞌomu haꞌike loꞌu.

1 Timoti 5:14

Oto nou saetoꞌo aana mo nao keni haalu uri kire ke toꞌo poro, na kire ke toꞌo mwela, na kire ke lio i suli diana aana mo nume ikire, na mwaanie kire niie nga matahaa hunie taꞌena nga maelonga ikie huni ere aaelasikie.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.

Jemes 4:8

Omu ke iiꞌo karaꞌinie a God, nge a God kei iiꞌo karaꞌiniꞌomu. Iꞌomu mo iini nge omu oorahaꞌaa, omu ke loto aasie oorahaꞌaa mwaanie manatamiu. Na iꞌomu mo iini omu ko sare lulu i sulie a God na walumalau aana taꞌa-taꞌa maholo, omu ke asuie neꞌisaenga iꞌomu ke rereꞌa.

1 Pita 3:7

Oto loꞌu, iꞌomu mo poro, omu ke iiꞌo peꞌie mo huꞌe iꞌomu peꞌi haꞌamaꞌunge aada, na omu ke aamasitoꞌo aana uri kire kaꞌa aꞌailaꞌa ike mala iꞌomu mo mwane. Omu ke haꞌamaꞌu aada i sulie a God e haiholotaꞌinie noꞌone hunire uri kire kei hele tararuru aana niinge ni meurihe ingeie peꞌiꞌomu. Oto e lae oto i diana liutaa uri hunie omu ke lio i suli diana aada, mwaanie nga mei ola e liu honosie mo aarengaꞌinge iꞌomu.