1 Timoti 1:9 - Tataroha Diana

⁹ Na kie saie taane noꞌone uri mo Haꞌatolanga ngeena kire kaꞌa iiꞌo ike huni haꞌa-oodohie mwala diana, taꞌe huni haꞌa-oodohie mo iini nge kire ko deu aaelasie mo Haꞌatolanga na kire ko deu roroꞌanga mola tarau. Haꞌatolanga oto ola huni haꞌa-oodohie mo iini nge kire sereꞌinie a God na kire iiꞌo mola peꞌie oorahaꞌaanga na kire ko ere mwakataꞌinie mola a God na taꞌena nga ola maaꞌi. Na Haꞌatolanga ola noꞌone huni haꞌa-oodohie mo iini ko horoꞌie mo aamada na mo nikada na taꞌena nga iinoni loꞌu.

1 Timoti 1:9 ပူးပေါင်းရင်းမြစ်များ

Matiu 10:21

“Aana maholona kei tohungei aaela huniꞌomu toꞌohuu, aana mwala kei niie mo eeside maraada hunie horoꞌilada, na mo mamaꞌa kire kei deu urine noꞌone aana mo mwela ikire, na mo mwela noꞌone kire kei taꞌelaꞌi honosie mo meuꞌana ikire huni horo maesire.

Uusu-uusu A Pol Hurula'aa Hunie Mo Rom 1:30

na kire ko ere-ere aaelasie mola mwala. Kire tohungei leledie a God, na kire kaꞌa haꞌamaꞌu ike aana nga iini. Kire ko ere mwakataꞌinie mwala oto tarau, na kire sai ere toohaꞌinire mola maraada. Saeda e painesie mola mo tolahai ola aaela haalu huni sapeie mo tolahai ola aaela lalahuꞌe nge kire sai esuiꞌi hunie aaelanga ke paine loꞌu. Kire sai heitohea mo aamada na mo nikada,

Uusu-uusu A Pol Hurula'aa Hunie Mo Rom 4:13

A God e haiholotaꞌinie hunie a Ebraham na mo weuwana mai puri uri kei niie walumalau nada. Taꞌe e kaꞌa asuie ike leune urine i tehulaꞌana a Ebraham e lulu i sulie mo Haꞌatolanga. !Haꞌike! Taꞌe e asuie mola aena aana a Ebraham e toꞌo aana oodotaꞌinge nge niilana ko lae hunie mo iini kire hiiwalaimoli aana God.

Uusu-uusu A Pol Hurula'aa Hunie Mo Rom 5:20

A God e niie mai mo Haꞌatolanga aana Mosis hunie mwala ke lio saie uri oorahaꞌaanga kire ko lae peꞌi esuie e tohungei aaela. Taꞌe maholo nge oorahaꞌaanga ko peine mola urine, manata-diananga a God ko si peine loꞌu mola liutaa aana.

Uusu-uusu A Pol Hurula'aa Hunie Mo Rom 6:14

Maholo omu iiꞌo i mamalutana mo Haꞌatolanga i naꞌo, e aasa hunie omu kei mamalo mwaanie oorahaꞌaa, aana omu kaꞌa sai tola i sulie ahutana mo Haꞌatolanga ngeena. Taꞌe siꞌiri hahuꞌana manata-diananga a God e luhesiꞌomu oto mwaanie oorahaꞌaa e aalaha loꞌu haahiꞌomu.

Kalesia 3:19

?Oto nga taa kaꞌu mo Haꞌatolanga e uure hunie? A God e niie loꞌu mei mo Haꞌatolanga ngeena uri huni haataꞌi diana aana loꞌu takalonga mo iinoni. Na e loꞌongaꞌinie uri mo Haꞌatolanga ngeena kei iiꞌo kaꞌu urine lai hule aana iini nge haiholotaꞌinilana e lae kaꞌu kei lae mai. Mo Haꞌatolanga ngeena, mo ensel ni kire niiꞌi mei hunie a Mosis, na ingeie ni e haꞌa-uuresiꞌi hunie mwala aana e asu keꞌu mala ngaeta haꞌa-uureruru i matolana a God na mo iinoni.

Kalesia 5:18

Oto omu ke lulu i sulie mola Liꞌoa Maaꞌi, urine nge omu saꞌa asuie ike mo tolahai iinoni aaela ngeena, na omu saꞌa iiꞌo ike loꞌu i mamalutana mo Haꞌatolanga a Mosis nge ko uure honosie mo tolahai iinoni aaela ngeena.

Kalesia 5:21

Kire ko saehanalie mola toꞌolana ngaeta iinoni, na kire ko mehiri mola aana inu wei ni pweunge, na kire ko deu mola taꞌewau aana mo houlaa ni inunge ikire. Na walu ola urine noꞌone nge kire ko euꞌesuiꞌi. No ko unue oto loꞌu huniꞌomu mala nou unue kaꞌu oto holaꞌinaꞌo uri mwala nge kire ko deu i sulie mo tolahai ola mala ngeena, kire saꞌa helesie ike mo haꞌadianaꞌanga aana Aalahanga a God.

Kalesia 5:23

na kie ke neꞌi iinoni maneko, na kie ke neꞌi iinoni e sai nihisie tolahana mwaanie aaelanga. Nga taꞌa-taꞌa haꞌatolanga e kaꞌa uure honosie ike walu ola ienini wa ke unue uri kire aaela.

2 Tesalonaeka 2:8

Oto aana maholona, mwane tataꞌala ngeena ke si haataꞌi peꞌie nanamanga a Satan, na kei lae peꞌi esuie mo huꞌi-huꞌite eero-eero hei aaopaꞌi hunie uri mwala ke pangataꞌinie. Kei lae peꞌi esuie noꞌone taꞌena nga pwelonga oto mola huni eeroa mwala. Walaimolinge e sai haꞌa-uurire taane, taꞌe aana kire kaꞌa sare manata diana ike hunie walaimolinge, nge a God kei toliꞌaasie hunie kire ke hiiwalaimoli aana mo wala ni pwelonga ngeena. Na aena aana kire kaꞌa hiiwalaimoli ike aana mo wala toꞌohuu, na kire ko ilenimwaꞌe mola haahie mo ola aaela aana oorahaꞌaanga, nge a God kei lei mae aada. Taꞌe mwaanie omu totolahiꞌe, aana Aalaha ikie a Jisas Kraes, ke si lae mai i purine mwane tataꞌala ngeena. Aalaha ikie kei ooli mei peꞌie manikuluhaꞌana na kei horo aasie mola mwane tataꞌala ngeena, aana kei uuhi maesie mola aana kele mei iiru mwaanie ngidune.

1 Timoti 4:7

Taꞌe o ke suꞌuri lae i sulie mo laladonga eero-eero, na o ke iiꞌo haꞌataulie mo ooni-ooninge mo repo keni nge kire kaꞌa sada ike aana walaimolinge a God. Mo ola urine suꞌuri, taꞌe o ke haꞌa-haꞌa-aꞌailaꞌaa mau-meuringe iꞌoe aani lulu i sulilana tolahana a God.

1 Timoti 6:20

E Timoti, o ke lio i suli diana aana nga taa nge a God e norutoꞌo aamu hunie o ke asuie. O ke suꞌuri aapwasu aana mo ere-erenga honosie a God, na o ke iiꞌo mwaanie ere haitelilinge aana nga taa nge kire haaraꞌi eero-eero aana uuri, “sai-olanga.”

2 Timoti 2:16

O ke neꞌi aasie taꞌena nga erenga aaela na mo wala mwaakule i purimu, aena aana mwala ko ere-ere urine, kire ko si oohea oto mwala haꞌataulie a God ni ngeena.

2 Timoti 3:2

Mwala kei loꞌo-loꞌongaꞌinire oto mola maraada. Kire kei neꞌi-neꞌisae paine oto hiitoꞌo aana toꞌoha, na kire kei lae-lahera maraada, na kire kei too-toohaꞌinire oto hiitoꞌo. Kire kei talei ere-ere aaela mola, na kire saꞌa totola i sulie ike mo nikada na mo aamada. Kire saꞌa paa-paalahea ike nga iini haahie nga mei ola nge niilana e lae oto hunie, na kire saꞌa loꞌo-loꞌongaꞌinie ike loꞌu a God.

Taetas 1:10

Mo iini hunge siꞌiri, kire kaꞌa sare tola i sulie ike tolahai haꞌa-uusulinge toꞌohuu ngeena, taꞌe kire ko ere-ere mwaakule mola peꞌi eerolana mwala. Leune e toꞌohuu oto liutaa i sulie pulitaa nge kire ko haꞌa-uusuli aana uri o ke torihesiꞌo haꞌalaa o sai hele aana maurihe huu.

Taetas 1:16

Maꞌalana kire ko unu-unue uri kire saie a God, taꞌe tolahada ko si haataꞌinie mola uri kire kaꞌa saie ike a God. Oto mo iini urine kire tohungei lio mamaꞌela i maana God aana kire ko heitohe mola na kire kaꞌa sai esuie ike nga mei ola diana.

Taetas 1:6

Mo naꞌohai mwane ngeena kire ke iiꞌo oodotaꞌi oto mola. Kire ke suꞌuri tolarue, na mo kaleda ke hiiwalaimoli toꞌohuu aana a Jisas Kraes, na mwaanie mwala kire unue uri mo kaleda kaꞌa sai tola i suli ike taꞌe kire ko deu taꞌewau mola.

Taetas 3:3

Aana tolahaka ke aaopa oto mwaanie tolahaka wau i naꞌo. Holaꞌinaꞌo kie pweu-pweuaꞌa noꞌone mola mala mo puꞌo, na kie haitohe oto mola tarau. Pwelolaka e si lae mola aana kie hari hunie mola taꞌena nga ola aaela nge kie loꞌongaꞌinie uri kie kei iiꞌo oto mola peꞌie ilenimwaꞌenga haahiꞌi. Kie tola i sulie mola mo saehanalinge ikie tarau, oto kie ko haꞌaweokie mola mwaakule na kie kaꞌa tarie ike nga mei ola diana aani. Kie iiꞌo oto mola peꞌie heotaꞌinge na asuilana taꞌena nga tolahai ola tataꞌala. Na kie iiꞌo oto mola peꞌie liongai maanga hunikie hailiu.

Hibru 11:31

Aani hiiwalaimolinge mone, repi ngeena, a Rehab, e tola konie e ro mwane ni Israel nge kirerue lae mai lio-lio mumuni hunie i Jeriko mala mo wao-wao, na aena leune e kaꞌa mae ike peꞌie mwala nge kire kaꞌa tola i sulie ike a God.

Hibru 12:16

Omu ke lio talamiu loꞌu, mwaanie nga iini eemiu e mai-mesi, na mwaanie nga iini e urihana loꞌu a Iso nge e kaꞌa haꞌamaꞌu ike aana God. Aana a Iso ingeie naꞌohai mwela, kaꞌu e malisine haꞌadianaꞌanga a God ke lae hunie na hunie ke neꞌi naꞌohai mwane aana komu oolisie aamana. Taꞌe aana a Iso e hiolo mola aana ngaeta maholo, oto e haꞌaholingeꞌinie mola iiꞌo-iiꞌoha ingeie ngeena hunie a Jekob mola uana taꞌa-taꞌa maai ngeunge.

1 Pita 2:7

Na huniꞌomu mo iini omu hiiwalaimoli, hau ngeena tohungei ola diana oto liutaa, aena aana a Jisas oto ni ngeena. Taꞌe e kaꞌa neꞌie ike nga mei ola diana i maana mwala nge kire kaꞌa hiiwalaimoli aana. Na mo Uusu-uusu Maaꞌi e ere loꞌu i sulie hau ngeena aana e unue noꞌone uuri, Hau nge mwala tou-tohu nume kire leledie kaꞌu, e si lae mai neꞌie naꞌohai heu oto aana poo-pootana nume. Sam 118:22

1 Pita 4:18

Aana mo Uusu-uusu Maaꞌi e unue uuri, ?Mala uri haꞌa-uurilana kira oodotaꞌi e kaꞌa mwadaꞌu ike, nge kei uri taa hunie kira oorahaꞌaa nge kire kaꞌa manataꞌinie ike a God? Provebs 11:31

Jiud 1:15

huni leie ahutana mwala. Na ko lae mai huni lei mae aana ahutada kira oorahaꞌaala haahie mo oorahaꞌaa kire asuiꞌi aana kire kaꞌa lae ike i sulie tolahana God. Na kei haꞌaloie kira oorahaꞌaala haahie mo tohungei wala aaela nge kire unuꞌi honosie a God.”

Haataꞌinge 21:8

Taꞌe mwala kire ko meꞌuteꞌinie mola sapesalunge i tehulaꞌana Jisas, na mo iini kire ko eeliꞌu mola mwaanie a Jisas, na mo iini kire ko talei deu tataꞌala, na mo iini kire ko talei horo, na mo iini kire ko mei-mesi, na mo iini kire ko siꞌo-siꞌo, na mo iini kire ko palo-paloa mo god eero-eero, na mo iini kire ko eero-eero, kire kei meni iiꞌo mola i laona dunge ni haꞌamotaahinge aana mo heu eeso-eeso, na ruana nga maenga otona.”

Haataꞌinge 22:15

Taꞌe mo iinoni oorahaꞌaa kire saꞌa roroꞌa ni lae ike i laona Aalahanga a God, aana kire ko siꞌo-siꞌo, na kire ko mei-mesi, na kire ko talei horo, na kire ko palo-paloa mo god eero-eero, na kire saetoꞌo aana mo wala ni eeronga na kire ko euꞌesuie eeronga mola tarau.