1 Timoti 1:7 - Tataroha Diana

⁷ Saeda hunie mwala ke saire mala mo haꞌa-uusuli aana mo Haꞌatolanga a Mosis, taꞌe hule aana kire kaꞌa sai loꞌongaꞌi saie ike noꞌone mola nga taa nge kire ko ere i sulie ngeena, wa uri nga taa nge kire ko haꞌa-uusuli aana.

1 Timoti 1:7 ပူးပေါင်းရင်းမြစ်များ

Matiu 15:14

!Oto mwaanie omu aapwasu loꞌu aada! Mwala maada e ulu ni ngeena, oto kire ko sare naꞌona loꞌu ngaeta mo ulu. Na maholo nga ulu ko naꞌona ngaeta ulu, kirerue kei meni domu oto i laona kalinge.”

Matiu 21:27

Oto kire ko si aalamie mola a Jisas uuri, “Melu kaꞌa saie ike.” Oto a Jisas ko si teꞌuri hunire, “Ko urine, nge ineu na nou saꞌa unue ike noꞌone oodoiꞌomu uri nga nanamanga uri taa no ko esuie mo ola ienini aana.”

Tataroha Diana I Sulie A Jisas Kraes Nge A Luk E Uusue 2:46

Oto i purine e oolu hei dinge e saro mango oto, nge kirerue ko si lai lio oodoie i matolana mo haꞌa-uusuli ni Jiu taꞌau i laona Nume Maaꞌi Peine, na ko rorongo i sulire peꞌi dodolosi ola aada.

Palonga 15:1

Oto ngaeta mo mwane ni Jiudia kire lae mai hule i Antiok kire ko aehota haꞌa-uusulie oto mo mwaasine aana hiiwalaimolinge na kire ko teꞌuri, “Mala uri omu kaꞌa torihesiꞌo ike mala Haꞌatolanga a Mosis e unue kolu ke asuie, nge a God e saꞌa roroꞌa haꞌa-uuriꞌomu ike.”

Uusu-uusu A Pol Hurula'aa Hunie Mo Rom 1:22

Kire ko unu-unue uri kire saenanau, taꞌe haꞌike. Kire neꞌi iinoni pweu-pweuaꞌa mola.

Kalesia 3:2

Taꞌa-taꞌa mei ola mola nou saetoꞌo aana omu ke unue oodoieu. ?Ohe omu hele aana Liꞌoa Maaꞌi a God aani lulu i sulilana mo Haꞌatolanga a Mosis, wa aani rongolana Tataroha Diana peꞌi hiiwalaimolinge aana?

Kalesia 3:5

?Uri a God e niie Liꞌoa huniꞌomu na ko esuie mo huꞌi-huꞌite i matolamiu aena aana omu tola i sulie mo Haꞌatolanga a Mosis, wa aena aana omu rongoa Tataroha Diana na omu hiiwalaimoli aana?

Kalesia 4:21

Ngaeta mo iini eemiu ko sare talamaꞌinie mo Haꞌatolanga a Mosis huni lulu i suliꞌi. ?Oto e ue? ?Uri omu sai diana aana taane tohungana loꞌongaꞌinge aana mo Haꞌatolanga ngeena?

1 Timoti 6:4

Iinoni nge ko haꞌa-uusuli aaopa urine e honu mola aana toohaꞌinge na e kaꞌa saie ike nga mei ola. Neꞌisaenga ingeie e rodohono mola, na ingeie e iiꞌo oto mola peꞌie haꞌa-erenga haahie taꞌena nga ola. Oto leune ko si da mola mwala ko esuie walu ola aaela mala saehanalilana toꞌo-toꞌolana ngaeta iini, na haiseuninge, na ere-aaelasilana ngaeta iini, na heotaꞌinge.

2 Timoti 3:7

Kire ko eriꞌapasie taane uri kire ke sai diana aana mo ola oto hunge, taꞌe kire kaꞌa sai deu oodoie ike tohungana saenanaunge aana walaimolinge.

Jemes 3:1

Maeni eesiku, e kaꞌa malisine ike mo iini hunge aamiu ke neꞌi haꞌa-uusuli, aena aana omu saie uri mo iini nge kolu ko haꞌa-uusuli, leilakaelu kei peine liutaa aana ngaeta mo iini.

2 Pita 2:12

Taꞌe mo haꞌa-uusuli eero-eero ngeena, kire urihana mola mo ola loo-looꞌa ni meꞌesu nge kire kaꞌa sai loꞌongaꞌinie ike nga mei ola, na e adona mola horo-aasileni ke lae. Kire sai ere aaelasie mola mo ola nge kire kaꞌa sai diana aani ike, taꞌe lae-lae mo ola aaela kire ko esuiꞌi ngeena kei eeliꞌu na kei heꞌi waelire loꞌu.