1 Timoti 1:18 - Tataroha Diana

¹⁸ E kaleku Timoti, mo wala nge no ko uusuꞌi weu huniꞌo ie kire kaꞌa ere aaopa ike mwaanie walana a God nge mo propet aana soihaadaꞌinge kire unu-unuꞌi keꞌu oalamu. No ko unue huniꞌo urine hunie o ke lulu i suliꞌi na hunie o ke ooho aꞌailaꞌa mala ngaeta ramo diana a Jisas.

1 Timoti 1:18 ပူးပေါင်းရင်းမြစ်များ

Palonga 16:1

Kira Pol kire lai hule wau aana huilume i Debe, oto purihaꞌana kire si lae loꞌu hunie huilume i Listra nge kire oodoie ngaeta pwaarongoisuli a Jisas, satana a Timoti. Aamana mwane aana mo Aapoloa Aaopa, taꞌe nikana keni ni Jiu nge ko lulu i sulie a Jisas.

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

1 Korinit 9:7

?Uri mo ramo kire sai lae mola hunie oohotaa maholo nga taꞌa-taꞌa iini huni waaire haꞌike? ?Uri nga iinoni e sai haꞌaweoa mola aana hasilana mo ola e saꞌa ngauꞌi? ?Na loꞌu uri nga iinoni e sai talei haꞌa-haꞌaweoa mola aani lio i sulilana mo sipu na e kaꞌa sai losi susu ana mwaaniꞌi? !Haꞌike oto ooꞌoo!

Pilipae 2:22

Taꞌe omu lio saie oto asunge diana a Timoti, aana ko peꞌi diana aaku aani laeliwalanga aana Tataroha Diana, mala e ro heꞌi-aamana ko esuie taꞌa-taꞌa mei esunge.

1 Timoti 1:2

No ko uusue oto ie huniꞌo kaleku Timoti, aana iꞌoe oto mwela maaꞌi ineu aani hiiwalaimolinge. No ko eitanaie a God Aamaka na Aalaha ikie a Kraes Jisas, uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

1 Timoti 1:5

Aena aana nga taa no ko sare haꞌa-uusulire aana ngeena, nge mola hunie kire ke mana-manata diana hunire hailiu aani sae manola, na aani manatanga rereꞌa, na aani hiiwalaimolinge toꞌohuu.

1 Timoti 4:14

Na o ke aamasitoꞌo kaꞌu aana maholo mo naꞌohai mwane aana soihaadaꞌinge kire hele i pweumu na ngaeta mo propet aada kire unu tahangaꞌinie walana a God i suliꞌo. Aana maholona a Liꞌoa Maaꞌi e niie nanamanga huniꞌo hunie o ke asu diana nana. Oto mwaanie o pupulongosie mei niinge ngeena, taꞌe o ke asu diana mola aana nanamanga ngeena.

1 Timoti 4:4

Ahutana mo ola a God e haꞌaholaꞌi kire mani diana mango, na e haꞌaholaa walu ola ngeena hunikie. Oto kie sai toolea taꞌena nga mei ngeulaa peꞌi saemangonga mola haahie

1 Timoti 6:20

E Timoti, o ke lio i suli diana aana nga taa nge a God e norutoꞌo aamu hunie o ke asuie. O ke suꞌuri aapwasu aana mo ere-erenga honosie a God, na o ke iiꞌo mwaanie ere haitelilinge aana nga taa nge kire haaraꞌi eero-eero aana uuri, “sai-olanga.”

2 Timoti 1:2

Na no ko uusu-uusu oto ie huniꞌo kaleku Timoti, aana iꞌoe oto mwela maaꞌi ineu. No ko eitanaie a God Aamaka na a Kraes Jisas Aalaha ikie uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

2 Timoti 4:7

Na mauringe ineu e urihana noꞌone halinge. Na nou huru diana aana halinge ngeena, aana maꞌalana nga taa e raꞌusieu, taꞌe nou esu diana mola nana a Aalaha. Oto maholo ie nou hule oto aana haꞌamangolana halinge ngeena, aana nou haꞌamangoa oto asunge e niie mai hunieu. Nou hele maꞌutaꞌa aana hiiwalaimolinge toꞌohuu, na nou lae-lae peꞌi haꞌa-uusulilana mwala aana.

Taetas 1:4

Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.

Pilimon 1:10

Oto no ko eitanaiꞌo hunie o ke aamasie loꞌu kaleku a Onesimas, sulie maholo nou iiꞌo i nume ni hoꞌo ie nou haꞌa-haꞌa-uusulie na e hiiwalaimoli oto aana Kraes. Oto e urihana e neꞌi kaleku toꞌohuu oto.