1 Tesalonaeka 5:6 - Tataroha Diana

⁶ Oto kie ke suꞌuri urihana mwala aana rodohono ni welumalau nge kire ko talei maꞌa-maꞌahu mola, taꞌe kie ke iiꞌo aakau mola tarau loosie a Aalaha mala mo iini kire ko lio-lio diana taraureꞌi na kire kaꞌa inu wei ni pweu ike.

1 Tesalonaeka 5:6 ပူးပေါင်းရင်းမြစ်များ

Matiu 13:25

Oto aana ngaeta hai rodo, maholo ahutana mwala ko maꞌahu mango oto, maelonga ingeie e lae mumuni mei, ko hesie mo rea mola i matolani, ko si tehi mwaaniꞌi.

Matiu 24:42

“Aena urinena, omu ke iiꞌo aakau mola, aana omu kaꞌa saie ike hai dinge uri taa aalaha iꞌomu kei ooli mei.

Matiu 25:13

Oto a Jisas ko si haꞌamangoa aalahuunge ngeena uuri, “Omu ke dau aakau taraureꞌi suli maholo, aana omu kaꞌa saie ike hai dinge wa maholoi sato ineu a Kale Ni Iinoni ne kei ooli loꞌu mei.”

Matiu 25:5

A poro haalu e kaꞌa hule lau-leu, oto ahutana mo keni kire ko meni mamauruꞌe, kire ko lae otoi maꞌahu.

Matiu 26:38

Oto ko teꞌuri huniraelu, “Saeku ko lae otoi hiꞌe na e malisine oto maenga. Omu ke iiꞌo kaꞌu i leu, na omu ke lio-lio peꞌieu.”

Tataroha Diana I Sulie A Jisas Kraes Nge A Mak E Uusue 13:37

Oto nga taa no ko unue huniꞌomu ienini, no ko unue noꞌone hunie ahutana mwala. Dau aakau suli maholo.”

Tataroha Diana I Sulie A Jisas Kraes Nge A Luk E Uusue 12:37

Deidehie mo koni-konihe ngeena nge aalaha ikire e hule na kire ko lio-lio mola ue aana kire dau aakau loosie. No ko unue oto huniꞌomu uri aalaha ikire ngeena kei oolisi aana mo toꞌoni ni esunge, kei haꞌa-iiꞌosire oto hunie ngaunge, na kei raretaꞌinire oto aani haꞌalianga hunire.

Tataroha Diana I Sulie A Jisas Kraes Nge A Luk E Uusue 12:39

“Oto omu ke sai diana aana uri, mala iinoni e toꞌo aana nume ko saie maholo iinoni peli-peli kei lae mai, e saꞌa roroꞌa ni toliꞌaasie ike uri iinoni peli-peli ngeena ke sili i nume ingeie.

Tataroha Diana I Sulie A Jisas Kraes Nge A Luk E Uusue 21:36

Oto omu ke kakali diana peꞌi aarengaꞌinge taraureꞌi, hunie omu ke uure aꞌailaꞌa huni lae sapemawa i matolana walu ola kei reu ngeena, lai hule aana maholo omu kei uure i naꞌoku a Kale Ni Iinoni.”

Tataroha Diana I Sulie A Jisas Kraes Nge A Luk E Uusue 22:46

Oto ko teꞌuri hunire, “?Uri omu ko maꞌahu mola? Omu ke taꞌelaꞌi na omu ke aarengaꞌi mwaanie malaahonga e hane haahiꞌomu.”

Palonga 20:31

Oto omu ke tohungei lio talamiu. Omu ke aamasitoꞌo aana mo haꞌapasulinge nge nou nii-niie huniꞌomu tarau, na nou sapesalu i suliꞌomu hunie e oolu helisi.

1 Korinit 15:34

Oto omu ke loꞌo-loꞌongaꞌi diana loꞌu, na mwaanie omu heꞌi oora-oorahaꞌaala loꞌu. No ko tola tahangaꞌinie leune huni haꞌamasaꞌomu uri nga mo iini eemiu kire kaꞌa saie ike ue a God.

1 Korinit 16:13

Omu ke lio talamiu na omu ke hiiwalaimoli ngaingedi. Omu ke suꞌuri meꞌu, taꞌe omu ke uure maꞌutaꞌa.

Epesas 2:3

Oto wau i naꞌo, ahutaka kie mani oꞌoꞌo taane noꞌone mala mwala ngeena. Kie talei lae-lae oto mola i sulie saeka aani deu i sulilana nga taa sapeka na loꞌongaꞌinge ikie e saetoꞌo aana. Oto e malisine mola uri a God ke haꞌaloikie mala e sai esuie aana taꞌena nga iinoni.

Epesas 5:14

Oto omu ke haꞌa-haꞌasinelie mwala aana tolahai ola diana hunie kire ke haimaaniꞌomu na kire ke aaliꞌu loꞌu mwaanie rodohono hunie kire ke neꞌie raa-raa oto noꞌone mala iꞌomu. Aena urine kaꞌu nga iini e ere uuri, “Omu ke lio oto, mo iini omu sai maꞌahu. Omu ke lio oto mwaanie maenga, hunie a Kraes ke si raangiꞌomu.”

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

Pilipae 4:5

Omu ke haataꞌinie manekonga iꞌomu aana ahutana iinoni, aana karaꞌinie oto a Aalaha kei ooli loꞌu mei.

Kolosi 4:2

Mwaanie omu mou-mou mwaanie aarengaꞌinge taraureꞌi, na mwaanie omu poo-poosuaꞌa loꞌu aana, taꞌe omu ke aarengaꞌi peꞌi paalahenga hunie a God.

1 Tesalonaeka 4:13

Maeni eesiku maaꞌi, saemeelu uri omu ke sai diana aana nga taa kei reu aana mo iini nge kire mae oto. Mwaanie omu sae-saehuu mala mo iini e puꞌo nge kire kaꞌa norutoꞌo ike aana a God.

1 Tesalonaeka 5:10

A Jisas e mae honotaka uri hunie ke haꞌa-uurikie hunie uri kie ke lae iiꞌo ruru peꞌie aana maholo kei ooli loꞌu mei, maꞌalana uri kie ke mae oto wa kie ke mauri ue aana maholona.

1 Tesalonaeka 5:8

Taꞌe aana ikie mo iini oto aana aatowaa, e malisine uri kie ke iiꞌo aakau na kie ke lio-lio talaka aani haꞌahili-hilinge. Mala nga ramo ko deu aakau hunie oohotaa, nge ikie noꞌone kie ke dau aakau urine. Mo ramo kire sai hoꞌosie mo toꞌoni ni oohotaa huni kinetaꞌinie mamangoda, na urine loꞌu ikie noꞌone kie ke iiꞌo aakau aani hiiwalaimolinge aana Jisas na aani manata-diananga hunikie hailiu. Na mala nga ramo ko kinetaꞌinie pwaune aana ko hoꞌosie paraimaa ni oohotaa, nge urine ikie noꞌone kie ke kinetaꞌinie loꞌongaꞌinge ikie aani norutoꞌonga uri a Kraes kei haro haꞌa-uurikie taane.

1 Timoti 2:15

Taꞌe kinetaꞌinilana mo huꞌe mwaanie malaahonga aana mo tolahai ola aaela ni welumalau ngeena e sai lae mala uri kire ko toꞌo mwela na kire ko hele susuleꞌi aana hiiwalaimolinge aana a Jisas, na kire ko manata diana hunie mo iinoni, na kire ko iiꞌo maaꞌi. Na kire ke asuie walu ola urine peꞌie haꞌamwai-mweiꞌanga.

1 Timoti 2:9

Na nou saetoꞌo aana noꞌone uri mo huꞌe kire ke haꞌalaunire aana mo tolahai ola diana. Mo huꞌe ke hoꞌosie mo toꞌoni nge kire malisi, na kire ke haataꞌinie haꞌamaꞌunge na iiꞌonga oodotaꞌi ikire aana mo toꞌoni kire ko hoꞌosiꞌi. Na mwaanie kire loꞌongaꞌi oto hiitoꞌo i sulie haꞌalaunilana iihune pwaude, wa aana hoꞌosilana mo leunihe aani kol, wa mo uꞌumaai dehi, wa mo toꞌoni nge holiteni e paine.

1 Timoti 3:11

Mo huꞌe, na e urine loꞌu, aana kire ke haro neꞌie mo keni e malisine mwala ke haꞌamaꞌu aada. Kire ke suꞌuri ere aaelasie nga iinoni, taꞌe kire ke kinetaꞌinie tolahada, na kire ke neꞌi huꞌe ni nou-norue nge mwala e sai norutoꞌo mola aada tarau.

1 Timoti 3:2

Oto taꞌena nga iini nge e neꞌi naꞌohai mwane haahie soihaadaꞌinge ke holaꞌi iiꞌo oodotaꞌi na ke suꞌuri toliꞌaasie nga matahaa hunie mwala ke siho aana. Iinonine ke suꞌuri tolarue, na ke kinetaꞌinie tolahana, na ke nihisie saena. Iinonine ke tohungei iiꞌo diana hunie ke malisine mwala ke haꞌamaꞌu aana, na ke tola konie mwala i laona nume ingeie, na ke sai haꞌa-uusuli diana aana mwala.

2 Timoti 4:5

Taꞌe iꞌoe oto o ke loꞌo-loꞌongaꞌi diana tarau, na o ke uure aꞌailaꞌa mola maꞌalana uri o ko lae oodoie loꞌu aasanga. O ke lae taraꞌasi mola peꞌie tarohaꞌinilana Tataroha Diana, na o ke asuie toꞌohuu mei esunge a God e niie huniꞌo ngeena.

Taetas 2:12

Na manata-diananga a God ngeena e haꞌa-uusulikie oto uri hunie kie ke toliꞌaasie mo tolahai ola aaela i maana God. Na kie ke suꞌuri heꞌi lae loꞌu i sulie mo ola nge walumalau ienini ko heri huniꞌi. Taꞌe kie ke nihisie saeka mwaanie aaelanga, na kie ke iiꞌo aani iiꞌonga oodotaꞌi, na aani deu i sulilana mola walu ola nge a God kei ilenimwaꞌe haahikie aani.

Taetas 2:6

Na o ke haꞌa-uusulie loꞌu mo saanau hunie ikire noꞌone kire ke haꞌahili-hilie tolahada mwaanie aaelanga.

1 Pita 1:13

Oto i tehulaꞌana walu ola ngeena, nge omu ke dau aakau eemiu maraamiu huni esuie mo ola diana, na omu ke kinetaꞌinie tolahamiu mwaanie aaelanga. Na omu ke tohungei norutoꞌo mola aana God, na maaꞌoohi-susutoꞌonga iꞌomu ke maꞌutaꞌa i lengine niinge diana nge a God kei niie huniꞌomu aana maholo a Jisas Kraes kei ooli loꞌu mei.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

Haataꞌinge 16:15

Oto e oolu liꞌoa aaela ngeena kire lokoa oto mo inemauri aana leu kire haaraꞌinie aana erenga mo Jiu uuri, “Amakedon.” Oto a Kraes e si unue uuri, “!Omu ke pwaarongo kaꞌu! Ne kei lae mai mala iinoni peli-peli aana maholo omu saꞌa lio saie ike. Deidehie mo iini nge kire ko iiꞌo aakau loosie oolinge ineu mei. Mo iini urine kire urihana mo iini kire kaꞌa maꞌahu na kire hoꞌo aakau mola aana mo toꞌoni ikire mwaanie kire iiꞌo mwaakule na kire masa maholo ne kei hule.”

Haataꞌinge 3:2

!Omu ke taꞌelaꞌi! Na omu ke haꞌa-aꞌailaꞌaa nga taa nge ko karaꞌi mae oto ngeena. Omu ke haꞌa-aꞌailaꞌaa oto lau-leu aena aana nou deu oodoie uri asunge iꞌomu e kaꞌa tohungei mango diana ike i maana a God.