1 Tesalonaeka 5:3 - Tataroha Diana

³ Maholo nge mwala ko loꞌongaꞌi uri kire iiꞌo sapemawa mola aana hanuelamanga, taꞌe kire ke si aparaꞌi mola aana aaelanga ko tolana toolera oto na ko suuheꞌinire oto. Kei urihana huꞌe nge ko aparaꞌi mola aana sapesalunge hunie toꞌo-mwelanga, na e aasa loꞌu hunie kei tehisie mei olana.

1 Tesalonaeka 5:3 ပူးပေါင်းရင်းမြစ်များ

Matiu 23:33

!Iꞌomu oto mo mwaa toꞌohuu! !Komu ni mwaa ala-ala! ?Uri omu kei tehisie haꞌaletehinge a God uri taa eena? Leilemiu kei lae, na uusungeꞌinilemiu kei lae mola hunie leu ni haꞌamotaahinge.

Tataroha Diana I Sulie A Jisas Kraes Nge A Jon E Uusue 16:21

Maholo huꞌe e karaꞌinie oto kei meuri aana mwela, nge ko saehuu aena aana maholoi sato ni sapesalunge ingeie e hule oto. Taꞌe maholo kele mwela e hute oto, huꞌe ngeena e pulongosie oto sapesalunge ingeie, aena aana ko ilenimwaꞌe oto haahie a kalena e hute mai laona walumalau.

Palonga 13:41

!Lio kaꞌu, iꞌomu mo iini nge omu ko haꞌamwasi eeku a God! Maholo ienini no ko esuie mei ola ni pangataꞌinge, na maꞌalana kire ke lado luhesie huniꞌomu, taꞌe omu saꞌa hiiwalaimoli ike aana. !Oto omu kei haro pangataꞌinie, nge omu ke si mae!” Habakuk 1:5

2 Tesalonaeka 1:9

Na mei haꞌaloinge nge kei hite aada ngeena nge e tohungei aaela oto liutaa, na e saꞌa mango oto ooꞌoo. Na kire kei iiꞌo oto haꞌataulie a Aalaha na manikuluhaꞌana aana nanamanga ingeie taꞌau i Lengi.

Hibru 12:23

Kie lae mai aana lokonga aana soihaadaꞌinge ikie mo naꞌohai mwela a God nge sataka oto i laona uusu-uusu aana mo iini kire kei iiꞌo taꞌau i Lengi. Na kie lae oto mai i saana God, iini kei leie ahutana mwala, na kie iiꞌo oto peꞌie maurihaꞌana mwala diana holaꞌinaꞌo nge a God e taꞌaasie oto taꞌena nga aaelanga mwaanire.

Hibru 2:3

Taꞌe mei wala ni haꞌa-uuringe nge a God e niie mai naka siꞌiri ie, e paine loꞌu liutaa aana iini i naꞌo ngeena. ?Oto mala uri kie kaꞌa sare rongo ike hunie tataroha ngeena, nge kie kei tehisie kaꞌu haꞌaloinge uri taa? !Kei aasa mwae! Aalaha ikie a Jisas maraana oto e holaꞌi unu tahangaꞌinie tataroha ngeena, na mo iini kire rongo hunie, kire unu tahangaꞌinie oto oodoikie uri mei wala ngeena e tohungei toꞌohuu oto.

2 Pita 2:4

Na kie mani saie oto uri maholo mo ensel kire oorahaꞌaa kaꞌu waite, a God e haꞌaloire aana e pwasure aani iieliheu, na e oohe aasire i laona leu ni haꞌamotaahinge nge e tohungei rodohono oto hiitoꞌo. Na kire kei iiꞌo i leune lae-lae hule aana Dinge Ni Leinge aana maholo ooreta.