1 Tesalonaeka 5:12 - Tataroha Diana

¹² Oto melu ko eitanaiꞌomu, maeni eesiku maaꞌi, uri omu ke haꞌamaꞌu aana mo iini ko esu hiitoꞌo i matolamiu aana soihaadaꞌinge huni lio i suliꞌomu na huni haꞌa-uusuliꞌomu.

1 Tesalonaeka 5:12 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 10:7

Na omu ke iiꞌo rako oto mola aana numena. Mwaanie omu lae-lae hailiu loꞌu aana ngaeta mo nume. Omu ke ngau-ngeu mola na omu ke inu-inu aana nga moi taa kire ko niiꞌi huniꞌomu. Aana e diana hunie mwala ke peꞌiꞌomu, aana iinoni auꞌesu e malisine oto uri ke hele aana waaitana.

Tataroha Diana I Sulie A Jisas Kraes Nge A Jon E Uusue 4:38

Ineu no ko uusungeꞌiniꞌomu taꞌau huni soꞌokonie mola mo ola omu kaꞌa hasiꞌi. Mo iini aaopa kire holaꞌi esu i laona hohola ngeena, na iꞌomu omu ko si helesie diananga mola aana asunge ikire.”

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Palonga 20:35

Aana ahutana asunge ineu, nou haataꞌinie oto huniꞌomu uri kolu ke asu aꞌailaꞌa tarau hunie kolu ke peꞌie mo iini nge kire mamaelaꞌa. Na kolu ke aamasitoꞌo aana mei wala a Jisas Aalaha ikie aana e teꞌuri, ‘Iini nge ko nii-nii, haꞌadianaꞌalana kei peine loꞌu liutaa aana mo iini ko hele aana mo niinge.’ ”

Uusu-uusu A Pol Hurula'aa Hunie Mo Rom 16:12

Mei wala ni saediananga ineu noꞌone hunie a Traefina na Traefosa, e ro keni kire asu aꞌailaꞌa nana Aalaha, na hunie tohungei malahuku a Pesis, ngaeta keni loꞌu e asu aꞌailaꞌa nana Aalaha.

Uusu-uusu A Pol Hurula'aa Hunie Mo Rom 16:6

Na omu ke niie noꞌone mei wala ni saediananga ineu hunie a Meri, iini e asu aꞌailaꞌa huni peꞌilemiu.

1 Korinit 12:28

Na i laona soihaadaꞌinge, a God e haꞌa-uuresie mwala huni peꞌi-peꞌire hailiu—eetana mo hurulaꞌaa, ruana mo iini ko tarohaꞌinie walana God, na oolune mo haꞌa-uusuli, na ngaeta mo iini nge a God e niie nanamanga hunire huni esuie mo huꞌi-huꞌite, na loꞌu nga mo iini kire sai haꞌa-uurie taꞌena nga iinoni mwaanie mo maelaa ikire, na ngaeta mo iini kire sai peꞌie kira siꞌohaꞌa, na nga mo iini kire saenanau ni lio i sulie taꞌena nga ola, na nga mo iini kire sai ere aana taꞌena nga erenga hai aaopaꞌi.

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

1 Korinit 16:16

omu ke lulu i sulie oto mo taungei naꞌohai iinoni urine, na taꞌena nga iini ko esu peꞌire.

1 Korinit 16:18

Kire tohungei haꞌasaedianaꞌaau oto mala kire haꞌasaedianaꞌaꞌomu keꞌu holaꞌinaꞌo. Aena urine omu ke haꞌamaꞌu aana mwala urine.

1 Korinit 3:9

Aana iꞌemereꞌi e ro mwane nge mere ko esu tararuru nana a God, na iꞌomu oto domana hohola ingeie. Na iꞌomu domana oto noꞌone nume a God.

2 Korinit 11:23

Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada.

2 Korinit 5:9

Taꞌa-taꞌa mei eehuꞌi ola kie saetoꞌo aana, maꞌalana kie ke iiꞌo aana sapeka mai aano i leu wa kie ke oopa mwaanie na kie ke iiꞌo oto taꞌau i Lengi, taꞌe kie saetoꞌo aana mola uri a Aalaha ke ilenimwaꞌe haahikie.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

Kalesia 4:11

Oto no ko tohungei maarara mola mwaanie uri nou haꞌaweoau mola peꞌiꞌomu.

Pilipae 2:16

aani laeliwalanga nada aana mei wala nge e sai niie maurihe huu hunire. Na mala uri omu ko teꞌurine, nge ne kei tohungei ilenimwaꞌe aana hai dinge a Kraes kei ooli mei, aena aana ne kei saie uri nou kaꞌa huru mwaakule ike taane aana asunge ineu i matolamiu.

Pilipae 2:19

Nou norutoꞌo uri e saꞌa tewa ike taane i naꞌona Aalaha ikie a Jisas kei haꞌamwadaꞌue hunieu, huni uusungeꞌinie wau a Timoti i seemiu. Hunie ineu noꞌone ne ke hii kohi aani rongolana nga mo tataroha mwaaniꞌomu.

Kolosi 1:29

Oto huni esuie leune, no ko tohungei esu waaꞌiniꞌini oto liutaa. Na asunge ineu e aꞌailaꞌa taraꞌasi mola urine aena aana no ko esu aana nanamanga nge a Kraes e niie hunieu.

1 Tesalonaeka 2:9

Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.

1 Tesalonaeka 4:1

Oto leu ooreta, maeni eesiku maaꞌi, melu haꞌananauꞌomu oto aana tala omu kei lulu i sulie hunie uri a God ke saemango haahiꞌomu, na omu ko lulu i sulie taane oto tala ngeena. Taꞌe aana satana Aalaha ikie a Jisas, melu ko eitanaiꞌomu loꞌu uri hunie omu ke tohungei lulu i suli diana aana loꞌu liutaa.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.

1 Timoti 5:1

Maholo o ko haꞌa-oodohie nga mwane nge e neꞌi rato oto, o ke suꞌuri ere raramaa hunie, taꞌe o ke ere rako peꞌie mala uri ingeie oto aamamu. Na o ke takuhie mo mwane saanau oto mala ikire mo eesimu mwane.

1 Timoti 5:20

Taꞌe mala uri nga naꞌohai mwane ko lae peꞌi oorahaꞌaala, nge o ke ere aana huni haꞌa-oodohie, na o ke asuie oto urine i naꞌona pulitaa aana soihaadaꞌinge hunie ke neꞌi haꞌapasunge hunie ahutana mo iinoni loꞌu aana ruruhaa.

2 Timoti 2:6

Na asunge iꞌoe ke urihana noꞌone iinoni nge ko esu waaꞌiniꞌini aana hohola ingeie. Iinonine e malisine oto uri ingeie ni kei holaꞌi ngeue mo ngeulaa aana hohola ngeena.

Taetas 1:3

Oto aana tohungana maholo hunie, a God a Haꞌa-uuritaka e haataꞌinie Tataroha Diana, na e unue hunieu hunie ne ke tarohaꞌinie Tataroha Diana ngeena hunie ahutana mwala.

Taetas 1:5

Iau, kaleku, nou haꞌa-ooreꞌo kaꞌu mola wau i Krit hunie o ke haꞌamangoa mo esunge nge kure kaꞌa haꞌamangoꞌi ue, na hunie o ke lio hilisie nga mo mwane hunie kire ke neꞌi naꞌohai mwane huni lio i sulie mo soihaadaꞌinge i laona mo huilume wau i leune. O ke asuie walu ola ngeena mala nou unuꞌi oto huniꞌo.

Taetas 2:15

O ke haꞌa-uusulire tarau i sulie walu ola nge no ko unuꞌi huniꞌo ienini. O ke ere haꞌasusure, na o ke haꞌa-oodohie mo iini kire ko lae takalo mwaanie tala diana ngeena. O toꞌo aana oto nanamanga huni deu urine, oto o ke suꞌuri toliꞌaasie nga mo iini kire ke loꞌongaꞌi mwakataꞌiniꞌo.

Hibru 13:17

Omu ke totola i sulie mo naꞌohai mwane aana soihaadaꞌinge iꞌomu peꞌi mwaꞌe-mwaꞌenga i sulie walada, aana ikire ni kire ko lio i sulie maurihaꞌamiu. Na a God ke iꞌie asunge ikire. Oto omu ke tola i sulire hunie kire ke asu ni ilenimwaꞌenga aana mei esunge ngeena, na mwaanie kire asu mola peꞌie saehuunge. Aana mala uri asunge ngeena kei hiꞌe hiitoꞌo hunire aana omu kaꞌa peꞌire, nge e saꞌa peꞌiꞌomu oto ooꞌoo.

Hibru 13:7

Omu ke aamasitoꞌo aana mo iini nge kire unu-unue kaꞌu walana God huniꞌomu na kire naꞌomiu i sulie tala diana ngeena. Omu ke toꞌomaaie iiꞌonga diana ikire lai hule oto aana kire mae, hunie iꞌomu noꞌone omu ke hiiwalaimoli diana loꞌu mala ikire.

Haataꞌinge 1:20

Mei loꞌongaꞌinge e iiꞌo mumuni aana e hiu ho heeꞌu nge o leesiꞌi i laona nime i pwalo-pwaloku na e hiu ola talai laite oto ienini. Ere luhesilana e hiu ola talai laite ngeena uri e hiu soihaadaꞌinge ni ngeena. Na e hiu ho heeꞌu ngeena, nge mo naꞌohai mwane aana e hiu soihaadaꞌinge ni otona.”

Haataꞌinge 2:12

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Pegamam uuri. “Ineu, iini nge nou toꞌo aana naihi e ala rue-rue, no ko unue huniꞌomu uuri.

Haataꞌinge 2:18

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Taeataera uuri. “Ineu, Kalena a God, iini nge e ro maaku domana oto eeso-eesohai dunge, na mo aeꞌaeku kire wana-wana oto mala hau e sae ni pelu-pelu, no ko unue huniꞌomu uuri.

Haataꞌinge 2:3

Nou saie taane uri omu uure maꞌutaꞌa na omu kaꞌa toliꞌaa ike maꞌalana mwala kire taungeꞌiniꞌomu i tehulaꞌaku.

Haataꞌinge 2:8

Oto a mwaena e heꞌi unue loꞌu hunieu uuri, “O ke uusue hunie naꞌohai mwane aana soihaadaꞌinge wau i Smina oto uuri. “Ineu oto aehotalana walu ola na haꞌamangolani. Ineu oto iini nou mae kaꞌu, taꞌe ie nou meuri loꞌu na no ko unue huniꞌomu uuri.

Haataꞌinge 3:1

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Sadis uuri. “Ineu nge nou hele aana e hiu Liꞌoa a God na e hiu ho heeꞌu, no ko unue huniꞌomu uuri. “Nou saie taane uri mwala ko unue soihaadaꞌinge iꞌomu e mauri diana. Taꞌe ineu, nou saie mola tolahamiu, uri omu mae oto ni ngeena.

Haataꞌinge 3:14

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wai Leodisia uuri. “Ineu oto iini nge no ko haataꞌinie uri ahutana mo heiholotaꞌinge a God kire toꞌohuu. Na ineu oto iini nge no ko unu tahangaꞌinie toꞌohuu mo ola e uure aana God suli maholo. Na ahutana mo ola aana haꞌaholanga a God e uure mola mai eeku. Ineu oto ie, no ko unue huniꞌomu.

Haataꞌinge 3:7

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Piladelpia uuri. “Ineu iini e maaꞌi na e toꞌohuu, nge nou hele aana kii a Deved Inemauri. Mala no ko tahanie taꞌena nga maa hunie nga iini, na nga iini e saꞌa honoa ike loꞌu. Wa mala uri no ko honoa maa hunie nga mo iini, na nga iini e saꞌa tahanie ike loꞌu hunire. Ineu oto ie no ko unue huniꞌomu.