1 Tesalonaeka 5:11 - Tataroha Diana

¹¹ Aena urinena, omu ke ere haꞌasusuꞌomu heiliu na omu ke peꞌiꞌomu heiliu oto mala omu ko esuie ngeena.

1 Tesalonaeka 5:11 ပူးပေါင်းရင်းမြစ်များ

Epesas 4:29

Omu ke suꞌuri unu-unue mo wala aaela, taꞌe omu ke unu-unue mo wala nge kire malisine maholo ngeena huni peꞌie mwala. Aana taungei erenga urine, e sai haꞌadianaꞌaa mo iini nge kire ko rongoa.

Hibru 10:25

Nga mo iini kire lalawasie oto lokonga tararuru hunie palonga, taꞌe kie ke suꞌuri lalawa urine, na kie ke peꞌikie hailiu huni uure maꞌutaꞌa loꞌu, aena aana hai dinge a Aalaha ko karaꞌini oto mai.

Uusu-uusu A Pol Hurula'aa Hunie Mo Rom 15:2

Oto taꞌena nga iini aaka ke kinetaꞌinie tolahana mwaanie e waelie hiiwalaimolinge aasine, taꞌe kie ke asuie mola mo ola diana huni haꞌasusue hiiwalaimolinge ikire ke susu.

Hibru 3:13

Taꞌe siꞌiri, maholo omu toꞌo aana ue nga dinge huni peꞌiꞌomu heiliu, nge omu ke haꞌa-aꞌailaꞌaa hiiwalaimolinge iꞌomu heiliu. Omu ke asu ooni-ooni urine suli dinge mwaanie oorahaꞌaa e eeroꞌomu na e haꞌamaꞌutaꞌaa saemiu honosie a God.

1 Tesalonaeka 4:18

Aena urinena, omu ke ere-ere haꞌasusuꞌomu heiliu aana mo wala ienini.

Uusu-uusu A Pol Hurula'aa Hunie Mo Rom 14:19

Oto kie ke ariꞌapasie mola asuilana walu ola huni peꞌilaka hailiu hunie iiꞌonga ni henuelamanga na huni haꞌa-aꞌailaꞌaa hiiwalaimolinge ikie.

1 Korinit 14:12

Iꞌomu na e urine noꞌone mola. Mala omu ko heri hunie mo niinge ni Liꞌoa Maaꞌi oto toꞌohuu, nge omu ke loꞌohie nga taa kei peꞌie oto ahutana soihaadaꞌinge hunie ke aꞌailaꞌa.

Epesas 4:12

E asuie urine hunie ahutana mwala maaꞌi ingeie ke mani iiꞌo aakau huni peꞌi-peꞌire hailiu, na hunie sapena Kraes ke aꞌailaꞌa.

Jiud 1:20

Taꞌe iꞌomu, maeni malahuku, hiiwalaimolinge iꞌomu e tohungei maaꞌi. Na omu ke uure maꞌutaꞌa i lengine tohungana hiiwalaimolinge iꞌomu ngeena, na omu ke aarengaꞌi i sulie neꞌisaenga a Liꞌoa Maaꞌi peꞌie nanamanga ingeie.

Epesas 4:16

na ingeie oto ko konie taꞌena nga sasarai ola aana tohungana leu talana, na ko hele maꞌutaꞌa aana mei sape ngeena. Oto maholo mo sasarai ola aana ko esu diana aana mo euꞌesunge hai aaopaꞌi ikire, nge mo ladoha kei aꞌailaꞌa na kire sai peꞌie loꞌu ngaeta mo sasarai ola. Oto ahutana mei sape laku ngeena kei awaa, na kei lae peꞌi peine loꞌu, na kei honu mola aana manata-diananga.

1 Korinit 10:23

Ngaeta mwala ko unu-unue uuri, “Nga mei ola e kaꞌa aapu ike hunieu.” Taꞌe no ko unue uri ngaeta mo ola kire saꞌa da ike nga mei ola diana. Na ngaeta mo ola kire saꞌa peꞌie ike mo iinoni.

2 Pita 1:12

Nou saie uri omu saenanau taane oto aana walu ola ngeena, na omu ko uure maꞌutaꞌa noꞌone peꞌie mo wala toꞌohuu nge haꞌa-uusulilemiu e lae aani. Taꞌe maꞌalana ke urine, ne kei lae peꞌi haꞌa-haꞌa-aamasitoꞌoꞌomu loꞌu eeni suli maholo.

2 Korinit 12:19

Saꞌa mola omu ko loꞌongaꞌinie uri melu uusue walu ola ienini mola huni ere talihe aana nga moi taa kire ere aaelasiꞌemeelu eeni. !Haꞌike oto ooꞌoo! Taꞌe melu ere-ere oto mola mala a Kraes e saetoꞌo aana, na walu ola melu unu-unuꞌi, melu unuꞌi i maana God ni ngeena. Na ahutana walu ola melu uusuꞌi ienini, maeni iinoni maaꞌi, mo ola oto huni haꞌa-aꞌailaꞌaa hiiwalaimolinge iꞌomu ni ngeena.

1 Korinit 14:29

Na huni houleꞌinie walana God, nga ro iini mola wa e oolu ni kire sai esuie, na omu ke mani pwaarongo hunie nga taa kire ko unue peꞌi neꞌisaenga diana i sulie.

Uusu-uusu A Pol Hurula'aa Hunie Mo Rom 15:14

Maeni eesiku maaꞌi, nou hiiwalaimoli uri omu honu makeato oto aana taꞌena nga tolahai ola diana, na uri omu tohungei saenanau oto aani, hule aana omu sai haꞌananauꞌomu heiliu oto aani.

1 Timoti 1:4

O ke unue hunire uri kire ke mamalo oto mwaanie tolahai ola nge ko waetaꞌinie maholo ikire mola aana mo laladonga kaꞌa toꞌohuu na aana uusulana mo satai ola oto hunge i sulie mo weuwada. Aena aana mo ola ngeena kire sai da haꞌa-erenga hunie mo iinoni, na kire saꞌa peꞌie ike asunge a God nge e saetoꞌo aana mwala ke asuie. Aana tolaha ni hiiwalaimolinge mola haꞌalaa ko peꞌikie huni lulu i sulie oalaꞌinge a God.

1 Tesalonaeka 4:10

Na e toꞌohuu oto, aana omu manata diana kaꞌu oto hunie mo iini kire hiiwalaimoli nge kire iiꞌo tatangasie mo henue wau i laona poꞌo ni henue i Masedonia. Oto melu ko ere haꞌasusuꞌomu loꞌu maeni eesiku maaꞌi, uri hunie omu ke lio susulie tolahai ola ngeena loꞌu liutaa.

1 Korinit 14:5

Saeku uri ahutemiu omu ke mani ere-ere aani erenga hai aaopaꞌi, taꞌe oto liutaa nou saetoꞌo aana uri omu ke toꞌo aana niinge huni unu tahangaꞌinie walana God. Aana iini ko unu tahangaꞌinie walana God ko esuie mei ola e hiꞌe liutaa aana loꞌu iini ko ere mola aani erenga hai aaopaꞌi. Aana iini ko ere aana mo erenga hai aaopaꞌi e sai peꞌie taane ahutana soihaadaꞌinge mala uri nga iini e iiꞌo huni ere luhesie walana, taꞌe mala haꞌike, nge nga kele peꞌinge hunie soihaadaꞌinge na haꞌike loꞌu.