1 Tesalonaeka 4:6 - Tataroha Diana

⁶ Na mwaanie nga iini eemiu e wae-waelie auhenue ingeie aani aeni-olanga peꞌie keni ingeie. Melu haꞌapasuliꞌomu keꞌu oto aana mei ola ienini, aana a Aalaha kei haꞌaloie mo iini ko deu urine.

1 Tesalonaeka 4:6 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 10:19

Taꞌe aana dolosinge iꞌoe, o saie kaꞌu oto mo Haꞌatolanga a Mosis. Mwaanie o talei horo-horo, na mwaanie o mai-mesi, na mwaanie o peli-peli, na mwaanie o pwelu wala eero-eero, na mwaanie o haꞌamweꞌu-mweꞌue nga iini, na o ke haꞌamaꞌu aana aamamu na nikemu.” Eksodas 20:12-16

Tataroha Diana I Sulie A Jisas Kraes Nge A Luk E Uusue 12:5

Taꞌe ne ke haataꞌinie aamiu iini hunie omu kei meꞌuteꞌinie. Omu ke maꞌuteꞌinie mola a God, iini nge e sai horo maesiꞌomu, na e toꞌo aana noꞌone nanamanga huni aasiꞌomu i laona dunge ni haꞌamotaahinge loꞌu mei puri. Iau, no ko unue loꞌu huniꞌomu, ingeie ni oto iini omu ke maꞌuteꞌinie.

Tataroha Diana I Sulie A Jisas Kraes Nge A Luk E Uusue 16:28

Aana nou toꞌo aana e lime aasiku hao, na e diana uri a Lasaros ke haꞌapasulire mwaanie kire lae loꞌu poi aana leu ni haꞌamotaahinge ie.’

Uusu-uusu A Pol Hurula'aa Hunie Mo Rom 1:18

Uure i Lengi a God e haataꞌinie oto uri e tohungei saewasu haahie ahutana oorahaꞌaa na tataꞌalanga mwala. A God kei haro haꞌaletehire taane, aena aana mo tataꞌalanga ikire ko deu honosie mola walaimolinge mwaanire maraada na mwaanie ngaeta mwala loꞌu.

Uusu-uusu A Pol Hurula'aa Hunie Mo Rom 12:19

Maeni eesiku, maholo nga mwala ko deu huꞌisiꞌomu, mwaanie omu suꞌu eelihoꞌi aana loꞌu hunire, taꞌe toliꞌaasie mola a God ke si haꞌaloire. Aana a Aalaha e unue i laona mo Uusu-uusu Maaꞌi uuri, Leu oto i sapeku hunie suꞌu-olanga. Ineu ni ne ke si oolisie mo aaelanga mwala ko deu huꞌisiꞌomu eeni. Diutronomi 32:35

Uusu-uusu A Pol Hurula'aa Hunie Mo Rom 13:4

Aena aana naꞌohai mwane ngeena, ingeie iinoni euꞌesu a God huni esuie walu ola diana namiu. Taꞌe mala uri omu ko esuie mola walu ola aaela, nge omu kei meꞌuteꞌinire oto. !Mo ramo aana kahamani kire kaꞌa helesie ike mola mo reisinge hunie kire ke lio diana! !Haꞌike! Taꞌe ikire mo iinoni euꞌesu a God ni ngeena, na kire sai haꞌaloie mwala nge helelada e aaela.

2 Korinit 7:11

Omu ke leesie kaꞌu mei saehuunge nge a God e asuie aamiu ngeena, aana ko si da omu ko sare asuie walu ola diana, na omu ko sare haataꞌinie uri omu kaꞌa takalo ike mala iini e asuie mei roroꞌanga ngeena. Na mei saehuunge ngeena ko si da omu ko saewasulie mo iini ko deu-deu aaela, na omu ko meꞌuteꞌinie noꞌone haꞌaloinge a God. Na omu ko si sare leesieu oto liutaa. Na loꞌu ko si da omu ko neꞌisae haꞌahiꞌe aana a God, na omu ko sare haꞌaloie mo iini ko deu aaela. Oto aana ahutana walu ola omu ko deuꞌi ngeena, omu ko haataꞌinie oto uri omu rereꞌa mwaanie mei roroꞌanga ngeena.

Kalesia 5:21

Kire ko saehanalie mola toꞌolana ngaeta iinoni, na kire ko mehiri mola aana inu wei ni pweunge, na kire ko deu mola taꞌewau aana mo houlaa ni inunge ikire. Na walu ola urine noꞌone nge kire ko euꞌesuiꞌi. No ko unue oto loꞌu huniꞌomu mala nou unue kaꞌu oto holaꞌinaꞌo uri mwala nge kire ko deu i sulie mo tolahai ola mala ngeena, kire saꞌa helesie ike mo haꞌadianaꞌanga aana Aalahanga a God.

Epesas 4:17

Aana satana Aalaha, no ko unue oto huniꞌomu uri omu ke suꞌuri iiꞌo loꞌu mala mwala nge kire kaꞌa hiiwalaimoli ike aana God. Mo loꞌongaꞌinge ikire mo ola mwaakule mola.

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

Epesas 5:6

Omu ke suꞌuri toliꞌaasie nga iini ke haꞌapweuꞌomu uri mo ola ngeena kire kohi mola, aana a God kei saewasulie mwala nge kire kaꞌa sai tola i sulie, na kei haꞌaloire haahie kire ko esuie mo ola urine.

1 Tesalonaeka 2:11

Omu saie taane noꞌone mola uri melu peꞌi diana aamiu oto mala aamana mo mwela ko peꞌi diana aana mo kalena.

2 Tesalonaeka 1:8

Na ke lae mai peꞌie dunge oto paine huni haꞌaloie mwala nge kire ko sereꞌinie a God na kire kaꞌa sare tola i sulie ike Tataroha Diana i sulie Aalaha ikie a Jisas.

Hibru 13:4

Haꞌarurunge mei ola huni haꞌamaꞌu aana, na mwaanie nga iini e maꞌahu loꞌu peꞌie iini e kaꞌa haꞌaruru ike peꞌie, aana a God kei leie mo iini kire ko aeni ola na kire ko mesi.

Hibru 2:6

Taꞌe e niie mola hunie mo iinoni ke aalaha haahie, oto mala ngaeta iini e unue hunie a God kaꞌu i laona mo Uusu-uusu Maaꞌi uuri, ?E ue kaꞌu ni iꞌemi mo iinoni emi roroꞌa huniꞌo? ?E ue kaꞌu ni o ko neꞌisae paine haahiꞌemi mo iinoni mamaelaꞌa?

Jemes 2:6

Taꞌe iꞌomu, omu kaꞌa haꞌamaꞌu ike aana mo meitale aana walumalau ie. Omu ko haꞌapainaꞌaa mola kira toꞌo-toꞌo. ?Aana e ue nge e urine? ?Kira tei nge kire ko haꞌasiꞌohaꞌaꞌomu? ?Na kira tei nge ko tooleꞌomu i laona leinge?

Jemes 5:4

Omu ko haꞌapoteꞌomu maraamiu mala poo huni horoꞌilana. Omu eeroa mwala kire auꞌesu nemiu, aana omu kaꞌa holire ike. Kire soꞌo konie mo hohola iꞌomu peꞌie ngaranga aana omu kaꞌa holire. Na a God Hahuꞌana Nanama e rongoa oto ngaranga ikire. Mauringe iꞌomu mai aano e honu oto mola aana toꞌo-toꞌonga, na omu ko deu mola i sulie ahutana mo ola mala saemiu.