1 Tesalonaeka 4:3 - Tataroha Diana

³ Aana a God e saetoꞌo aana uri omu ke iiꞌo maaꞌi na omu ke haꞌahili-hiliꞌomu mwaanie masinge,

1 Tesalonaeka 4:3 ပူးပေါင်းရင်းမြစ်များ

Matiu 12:50

A tei nge ko deu i sulie nga taa Aamaku i Lengi e saetoꞌo aana, ingeie ni aasiku na a nikeku.”

Matiu 15:19

Aena aana mo ola nge ko iisi-iisitaa mai mwaanie saena iinoni, kire sai esuie iinoni ke loꞌongaꞌi aaela hunie ke horo, ke masi, na ke aeni ola, ke peli, ke sihoai ola eero-eero, na ke ere aaelasie ngaeta mwala.

Matiu 5:32

Taꞌe ineu, no ko unue huniꞌomu uri nga iini ko sikaa huꞌe ingeie na a huꞌena e kaꞌa masi peꞌie nga iini, ingeie ngeena ko si da oto hunie a huꞌena ke masi eena, aana kei toꞌo aana loꞌu nga mwane aaopa. Na mwane nge kei toꞌo aana loꞌu a huꞌena, ingeie noꞌone ko mesi.”

Matiu 7:21

“E kaꞌa ike ahutana mo iini ko unu-unue hunieu uuri, ‘!Aalaha ineu!’ uri kire kei meni sili i laona Aalahanga a God, taꞌe mo iini ko deu i sulie saena Aamaku i Lengi haꞌalaa.

Tataroha Diana I Sulie A Jisas Kraes Nge A Mak E Uusue 3:35

Aena aana iini nge ko esuie nga taa e toꞌohie saena God, ingeie oto aasiku na a nikeku.”

Tataroha Diana I Sulie A Jisas Kraes Nge A Jon E Uusue 4:34

Oto a Jisas ko teꞌuri hunire, “Mei ngeulaa ineu oto huni haꞌatoꞌoa saena iini e uusungeꞌinieu mei, na hunie ne ke haꞌamangoa oto mei esunge e niie hunie ne ke asuie.

Tataroha Diana I Sulie A Jisas Kraes Nge A Jon E Uusue 7:17

Mala nga iini ko neꞌisae mouteꞌi huni deu i sulie saena God, nge haꞌalaa ke si lio saie haꞌa-uusulinge ineu. Na ke si saie uri ohe e uure mai mwaanie a God wa ohe e uure mola mwaanie mo loꞌongaꞌinge ineu maraaku.

Palonga 15:20

Taꞌe hunie hanuelamanga ke iiꞌo i matolaka, e diana hunie kolu ke uusu-uusu mola hunire ni haꞌarongora uri kire ke suꞌuri esuie mo ola e lio mamaꞌelaꞌa aakaelu mo Jiu, mala ngaulana mo ngeulaa nge kire uunu ola aani i saana mo liꞌoa aaela, wa aeni-olanga peꞌie nga iini. Na kire ke suꞌuri ngeue taꞌena nga ola mauri nge liꞌoilana e lae hunie ke mae, na kire ke suꞌuri ngeue noꞌone nga mei epu.

Palonga 15:29

Omu ke suꞌuri ngaa nga mei ngeulaa nge uunu-olanga aana e lae i saana mo liꞌoa aaela, na omu ke suꞌuri ngeue mo epu, na omu ke suꞌuri ngeue taꞌena nga ola mauri nge liꞌoilana e lae, na omu ke suꞌuri aeni ola peꞌie nga iini. Oto kei tohungei diana oto liutaa i matolakaelu hunie omu ke lulu i sulie mo haꞌatolanga ienini. Oto saediananga paine huniꞌomu. Ingeie otona.

Palonga 20:32

Oto no ko neꞌiꞌomu i laona kinetaꞌinge a God. Aamasitoꞌo diana aana mei wala i sulie aamasinge paine ingeie. Aana mei wala ngeena e sai haꞌa-aꞌailaꞌaꞌomu, na e sai haꞌadianaꞌaꞌomu aana walu ola diana nge e toꞌo aani hunie mo iinoni ingeie.

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Uusu-uusu A Pol Hurula'aa Hunie Mo Rom 1:29

Kire honu mola aana taꞌena nga ola aaela, na tataꞌalanga, na saehanalinge, na oorahaꞌaa. Kire honu mola aana heotaꞌinge, na horonga, na haiseuninge, na eeronga, na maaleledinge. Kire sai sihoai ola mola tarau,

Uusu-uusu A Pol Hurula'aa Hunie Mo Rom 12:2

Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.

Uusu-uusu A Pol Hurula'aa Hunie Mo Rom 6:22

Taꞌe ienini, a God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu nana. Na hue-huana leune oto maurihaꞌamiu ko neꞌi ola maaꞌi oto, na omu ko helesie oto maurihe huu.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

1 Korinit 7:2

Omu saie uri aeni-olanga e paine siꞌiri, oto e diana hunie mwane ke toꞌo aana nga huꞌe maraana, na keni e adona ke toꞌo aana oto nga poro maraana.

2 Korinit 12:21

No ko maarara mwaanie uri mo iini hunge nge kire oorahaꞌaala kaꞌu waite, na kire kaꞌa oonisae ike mwaanie iiꞌonga madaꞌa, na aeni-olanga, na walu ola ni masanga nge kire ko esuiꞌine. Oto urine ne kei tohungei saehuu, na ne kei masa i maana God i tehulaꞌamiu.

Kalesia 5:19

Na nga taa nge tolaha ni iinoni ko esuie, e matapwa taane mola, aana mwala nge ko lae mola i sulie saeda, kire ko mesi, na kire ko aeni ola, na kire ko deu mola i sulie taꞌena nga hari-huninge aana sape.

Epesas 5:17

Omu ke suꞌuri pweu, taꞌe omu ke lio saie nga taa nge a Aalaha e saetoꞌo aana omu ke asuie.

Epesas 6:6

Mwaanie omu totola i sulire mola aana maholo kire ko lio-lio uri hunie omu ke haꞌa-olara mola. Taꞌe omu ke dau aahonga oto tarau huni esuie nga taa a God e saetoꞌo aana, aena aana iꞌomu mo koni-konihe a Kraes.

Kolosi 1:9

Aena urinena, uure aana hai dinge melu rongoa tataroha i suliꞌomu, melu ko lae peꞌi aarengaꞌi talamiu. Na melu ko eitanaie a God uri omu ke sai diana aana nga taa a God e saetoꞌo aana omu ke asuie, na uri omu ke honu mola aana saenanaunge na lio sai-olanga a Liꞌoa Maaꞌi e sai niie hunikolu.

Kolosi 3:5

Aena urine, omu ke horo aasie oto ahutana mo neꞌisaenga aaela mwaanie maurihaꞌamiu mala masinge, na dau-olanga taꞌe wau peꞌie nga iini, na hari-huninge ni sape, na saehanalilana mo ola aaela. Na omu ke suꞌuri saehanalie toꞌolana ngaeta mwala, aena aana palolana mo god eero-eero ni ngeena.

Kolosi 4:12

A Epapras noꞌone ko niie wau mei wala ni saediananga huniꞌomu. Ingeie nga koni-konihe toꞌohuu a Kraes Jisas na ngaeta iini eemiu. Ingeie ko esu namiu tarau aani eitanailana a God hunie omu ke sai diana aana walu ola a God e saetoꞌo aana omu ke asuiꞌi, na hunie omu ke asuiꞌi oto toꞌohuu mala mo rato aana tolahana Kraes.

1 Tesalonaeka 4:2

Aana omu manataꞌinie oto uri Aalaha ikie a Jisas e unue hunie melu ke haꞌananauꞌomu urine.

1 Tesalonaeka 4:4

na uri hunie taꞌena nga iini eemiu ke kinetaꞌinie oto sapena maraana aani iiꞌonga maaꞌi na peꞌi haꞌamaꞌunge hunie ngaeta mwala.

1 Tesalonaeka 5:18

Na maꞌalana nga taa ke rau-reu loꞌu, taꞌe omu ke paalahea God mola tarau suli maholo. Aana a God e saetoꞌo aana omu ke asu urine aena aana omu lado oto peꞌie a Jisas Kraes.

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

2 Tesalonaeka 2:13

Maeni eesiku maaꞌi, e malisine melu ke paalahea God mola tarau haahiꞌomu, aana iꞌomu mo iini a Aalaha e manata diana huniꞌomu. A God e lio hilisiꞌomu uure oto wau i naꞌo huni haꞌa-uuriꞌomu, na e haꞌa-uuriꞌomu aana omu hiiwalaimoli aana mo wala toꞌohuu, na a Liꞌoa Maaꞌi e da omu neꞌi iinoni maaꞌi.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Hibru 10:36

Omu ke uure maꞌutaꞌa, hunie omu ke asuie nga taa a God e saetoꞌo aana, na urine omu kei hele aana nga taa e haiholotaꞌinie huniꞌomu.

Hibru 12:16

Omu ke lio talamiu loꞌu, mwaanie nga iini eemiu e mai-mesi, na mwaanie nga iini e urihana loꞌu a Iso nge e kaꞌa haꞌamaꞌu ike aana God. Aana a Iso ingeie naꞌohai mwela, kaꞌu e malisine haꞌadianaꞌanga a God ke lae hunie na hunie ke neꞌi naꞌohai mwane aana komu oolisie aamana. Taꞌe aana a Iso e hiolo mola aana ngaeta maholo, oto e haꞌaholingeꞌinie mola iiꞌo-iiꞌoha ingeie ngeena hunie a Jekob mola uana taꞌa-taꞌa maai ngeunge.

Hibru 13:4

Haꞌarurunge mei ola huni haꞌamaꞌu aana, na mwaanie nga iini e maꞌahu loꞌu peꞌie iini e kaꞌa haꞌaruru ike peꞌie, aana a God kei leie mo iini kire ko aeni ola na kire ko mesi.

1 Pita 1:2

A God Aamaka e lio hilisiꞌomu oto uure mai naꞌo i sulie oalaꞌinge ingeie. Na Liꞌoa Maaꞌi e lae peꞌi haꞌamaaꞌiꞌomu oto mai hunie omu ke iiꞌo maaꞌi, hunie omu ke lulu i sulie a Jisas Kraes. Lotohilemiu e lae aana apune, aena aana maenga ingeie oto uuraaꞌinge nge ko da omu iiꞌo rereꞌa mwaanie oorahaꞌaa. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu taraureꞌi.

1 Pita 4:2

Oto maholo omu iiꞌo ue mai i laona walumalau ie, omu ke suꞌuri lulu i sulie walu ola aaela mola mala saemiu. !Suꞌuri! Omu ke lulu i sulie mola nga taa a God e saetoꞌo aana.

1 Jon 2:17

Walumalau na ahutana walu ola i laona nge mwala ko sae-saetoꞌo aani, kire kei meni eiꞌaa mola, taꞌe iini ko tola i sulie saena God nge kei iiꞌo huu.

Haataꞌinge 21:8

Taꞌe mwala kire ko meꞌuteꞌinie mola sapesalunge i tehulaꞌana Jisas, na mo iini kire ko eeliꞌu mola mwaanie a Jisas, na mo iini kire ko talei deu tataꞌala, na mo iini kire ko talei horo, na mo iini kire ko mei-mesi, na mo iini kire ko siꞌo-siꞌo, na mo iini kire ko palo-paloa mo god eero-eero, na mo iini kire ko eero-eero, kire kei meni iiꞌo mola i laona dunge ni haꞌamotaahinge aana mo heu eeso-eeso, na ruana nga maenga otona.”

Haataꞌinge 22:15

Taꞌe mo iinoni oorahaꞌaa kire saꞌa roroꞌa ni lae ike i laona Aalahanga a God, aana kire ko siꞌo-siꞌo, na kire ko mei-mesi, na kire ko talei horo, na kire ko palo-paloa mo god eero-eero, na kire saetoꞌo aana mo wala ni eeronga na kire ko euꞌesuie eeronga mola tarau.