1 Tesalonaeka 4:12 - Tataroha Diana

¹² Aana omu kei deu urine nge hule aana mwala ni puꞌo na kire ke si haꞌamaꞌu eemiu, na omu saꞌa sare sukaa ike loꞌu nga mei ola mwaanie nga iini.

1 Tesalonaeka 4:12 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 4:11

Oto a Jisas ko teꞌuri hunire, “A God e lio hilisiꞌomu hunie omu ke saenanau aana walaimolinge mumuni aana Aalahanga a God, taꞌe mo iini poꞌoi sinaha aana Aalahanga ingeie, nge mo ere-erenga ko lae mola hunire aani aalahuunge.

Uusu-uusu A Pol Hurula'aa Hunie Mo Rom 12:17

Mala uri nga iini ko deu aaelasie nga mei ola takoiꞌomu, omu ke suꞌuri oolisie loꞌu eelihoꞌi hunie. Suli maholo omu ke asuie mola nga taa e oodo na e lio diana i maana ahutana mwala.

Uusu-uusu A Pol Hurula'aa Hunie Mo Rom 13:13

Iau, kie ke iiꞌo oodotaꞌi oto mola tarau, mala mwala ko esuie mola mo ola haadaꞌi i laona matapwanga aana aatowaa. Kie ke suꞌuri esuie mo ngeunge aaela na mahiringe aana inuhilana mo wei ni pweunge. Masinge na ke suꞌuri loꞌu, na kie ke suꞌuri tara loꞌu i sulie mo tolahai ola aaela urine. Kie ke suꞌuri toolea loꞌu haꞌa-erenga na heotaꞌinge.

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

Pilipae 4:8

Oto ie, maeni eesiku, mei wala ooreta ineu huniꞌomu, uri omu ke lolodoa mo ola toꞌohuu na mo ola diana i saemiu. Na omu ke loꞌo-loꞌongaꞌi mola i sulie mo ola oodo, na mo ola manola, na mo ola e lio diana, na mo ola mwala e sai haꞌamaꞌu eeni, na mo ola e malisine lahenga haahiꞌi, na taꞌena nga mei ola e diana loꞌu liutaa urine.

Kolosi 4:5

Omu ke lio-lio kohi talamiu mala mo iini e saenanau maholo omu ko iiꞌo peꞌie mo iini nge kire kaꞌa hiiwalaimoli ike aana a Kraes. Omu ke suꞌuri toliꞌaasie nga kele maholo ke waetaꞌi, taꞌe omu ke asu diana aana ahutana maholo omu ko iiꞌo peꞌire, aena aana mo maholo diana huni haataꞌinie tolahana a Kraes hunire ni otona.

1 Tesalonaeka 5:22

na omu ke iiꞌo haꞌatau mwaanie taꞌena nga mei ola aaela.

1 Timoti 3:7

Taꞌena nga naꞌohai mwane haahie soihaadaꞌinge ke haro neꞌie iinoni diana, hule aana mwala poꞌoi sinaha mwaanie soihaadaꞌinge ikire noꞌone kire ke ere diana i sulie. Ke urine oto mwaanie mwala kire siho aana, na mwaanie e pola mola peꞌie pwanu a Pwelu Eero-eero.

1 Pita 2:12

Oto omu ke lio-lio talamiu i matolana mo iinoni ni welumalau aana kire ko sare haꞌa-haꞌapeliꞌomu haahie mo ola hunge. Taꞌe omu ke iiꞌo oodotaꞌi mola tarau hunie kire ke leesie tolahamiu e oodotaꞌi. Omu ke teteꞌurine hunie maholo aasanga kei hite aada, ikire noꞌone kire ke si hiiwalaimoli, na kire ke soi haꞌamanikuluꞌaa a God haahiꞌomu.

1 Pita 3:1

Na iꞌomu mo huꞌe noꞌone, omu ke tola i sulie mo poro iꞌomu. Urine, maꞌalana poro iꞌoe e kaꞌa hiiwalaimoli ike aana God, taꞌe ohe tolahamu kei haꞌa-aaliꞌue mai takoie hiiwalaimolinge. E kaꞌa ilisie ike uri o ke haro unue loꞌu nga mei ola hunie, taꞌe poro iꞌoe kei hiiwalaimoli mola