1 Tesalonaeka 2:9 - Tataroha Diana

⁹ Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.

1 Tesalonaeka 2:9 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 18:7

?Uri omu loꞌongaꞌinie a God e saꞌa haꞌa-oodohie ike nga mei ola urine hunie mo iini kire hiiwalaimoli aana, aena aana kire ko ngarasie i suli rodo na aatowaa huni peꞌinge? ?Na e ue? ?Uri omu loꞌongaꞌinie e saꞌa peꞌire ike lau-leu?

Tataroha Diana I Sulie A Jisas Kraes Nge A Luk E Uusue 2:37

na poro ingeie ko mae oto mwaanie, oto e si iiꞌo mola maraana. A keine e walu-aawalai helisi mwana hai e mango oto aana, na e talei oꞌoꞌo mola i Nume Maaꞌi na e palo-paloa mola a God susue aatowaa na rodo aani oolongaunge na aani aarengaꞌinge.

Palonga 18:3

Oto a Pol ko iiꞌo oto peꞌirerue, na ko euꞌesu oto peꞌirerue aena aana kiraelu ko meni esu mola aana asuilana mo nume susulu.

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Palonga 20:31

Oto omu ke tohungei lio talamiu. Omu ke aamasitoꞌo aana mo haꞌapasulinge nge nou nii-niie huniꞌomu tarau, na nou sapesalu i suliꞌomu hunie e oolu helisi.

Uusu-uusu A Pol Hurula'aa Hunie Mo Rom 1:1

Saediananga mwaanieu a Pol, iinoni euꞌesu a Kraes Jisas. A God e lio hilisieu na e soieu hunie ne ke neꞌi hurulaꞌaa ingeie huni tarohaꞌinie Tataroha Diana a God.

Uusu-uusu A Pol Hurula'aa Hunie Mo Rom 15:16

hunie uri ne ke neꞌi iinoni euꞌesu a Jisas Kraes huni peꞌiꞌomu, mwala nge iꞌomu nga mo Jiu haꞌike. No ko tarohaꞌinie Tataroha Diana uri hunie iꞌomu mo Aapoloa Aaopa, omu ke lae mai i saana God. Oto e urihana no ko esu mala pris aana no ko tooleꞌomu mo Aapoloa Aaopa mai i saana God mala nga uunu-olanga e maaꞌi na a God ko sae mango haahie, aana a Liꞌoa Maaꞌi e haꞌamaaꞌiꞌomu oto nana.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.

1 Korinit 4:12

Melu ko tohungei haꞌaweoꞌemeelu oto hiitoꞌo aani esunge. Maholo mwala ko ere ni hoꞌasinge huniꞌemeelu, melu ko ere ni haꞌadianaꞌara mola. Na maholo mwala ko teungeꞌiniꞌemeelu, melu ko esu susutoꞌo mola.

1 Korinit 9:15

Taꞌe maꞌalana e toꞌohuu taane oto urine, no ko tohalaꞌi mola aana uri nou kaꞌa toolea ike taꞌena nga mei ola mwaaniꞌomu. Oto ie nou kaꞌa uusu-uusu ike hunie omu ke nii-nii nekue urine. !Nou sereꞌi! Aana e lai diana hunieu uri hunie ne ke mae oto, taꞌe nga iini eemiu ke suꞌuri unue uri no ko esu mola huni toꞌoha. Mala uri omu ko ere urine, nge omu ko da uri toohaꞌinileku ke totowai mola.

1 Korinit 9:18

?Oto nga waaite uri taa nge ne kei toolea aana asunge ienini? Waaiteku nge oto mola ie, saemangonga. No ko tohungei saemango aana no ko nii mwaakule aana Tataroha Diana hunie ahutana mwala. No ko tarohaꞌi hunire na nou kaꞌa haataꞌinie ike nanamanga nou toꞌo aana huni toolea nga mei ola mwaanire.

1 Korinit 9:4

No ko esu keꞌu oto mala nga hurulaꞌaa. ?Na e ue nou saꞌa unue mwala ke peꞌieu aani ngeulaa?

2 Korinit 11:27

Nou iiꞌo mola aani weonga, na nou oodoie mo aasanga oto hunge aena aana asunge nana Kraes. Mo maholo oto hunge asunge ngeena ko haapilingaꞌa haahieu hule aana nga maholo ni maꞌahunge na haꞌike loꞌu. Mo maholo hunge nou hiolo na nou maarou, na ngaeta mo dinge nga kele mei ngeulaa ne ke hikana na haꞌike loꞌu. Mo maholo hunge no ko maꞌahu mola mala iiola, na aana mo maholo hunge no ko maesie mola mamaꞌudi aana wawai e paine, na nou kaꞌa toꞌo aana ike nga mei ola ni eeluhieu aana.

2 Korinit 11:9

Oto aana maholo nou iiꞌo hao peꞌiꞌomu, nou kaꞌa loꞌohie ike nga mei ola aamiu. !Haꞌike! Taꞌe mo mwaasine aani hiiwalaimolinge nge kire oꞌoꞌo mai aana poꞌo ni henue i Masedonia ni kire lae hao i Korinit huni peꞌieu aana mei toꞌoha. Nou tohungei kinetaꞌinie tolahaku mwaanie nou da nga mei hiꞌelaa huniꞌomu aana taꞌena nga mei ola, na ne kei lae taraꞌasi oto mola urine.

2 Korinit 6:5

Mwala kire rapusiꞌemeelu oto, na kire neꞌiꞌemeelu oto i laona nume ni hoꞌo, na kire maaola-ola peꞌi waeliꞌemeelu oto. Taꞌe maꞌalana e urine melu ko haꞌaweoꞌemeelu oto mola aani tarohaꞌinilana a Jisas taraureꞌi, hule aana nga maꞌahunge wa ngaunge na haꞌike loꞌu.

Pilipae 4:16

Na maholo nou meitale noꞌone wau i Tesalonaeka nga mo maholo omu haꞌatola ola wau huni peꞌieu.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

1 Tesalonaeka 2:2

Omu saie taane uri i naꞌona melu lae mai seemiu i Tesalonaeka, mwala e tohungei teungeꞌiniꞌemeelu na kire ere aaelasiꞌemeelu oto hiitoꞌo wau i Pilipae. Taꞌe maꞌalana mwala hunge kire sare uure honosiꞌemeelu, a God ikie e peꞌi diana aameelu taane mola huni aatopuri aana maꞌunge na huni haꞌarongoꞌomu aana Tataroha Diana a God.

1 Tesalonaeka 2:6

na melu kaꞌa loꞌohie ike noꞌone uri iꞌomu wa nga mwala aaopa loꞌu kire ke laheꞌemeelu.

1 Tesalonaeka 3:10

Melu ko tohungei aarengaꞌi susue rodo na aatowaa uri hunie melu ke leesiꞌomu keꞌu loꞌu, na uri melu sai peꞌiꞌomu aana taꞌena nga mei ola omu saetoꞌo aana ue hunie hiiwalaimolinge iꞌomu ke ahu.

1 Timoti 1:11

aana Tataroha Diana nge e tohungei menikuluꞌe. Tataroha Diana ngeena, niilana e lae hunieu mwaanie a God, iini e diana oto liutaa.

1 Timoti 4:10

Aana kolu esu aꞌailaꞌa mola aana kolu tohungei hiiwalaimoli oto aana God Mau-meuriꞌe, nge e sai haꞌa-uurie taꞌena nga iinoni, na kei haꞌa-uurikie mo iini kie hiiwalaimoli aana.

1 Timoti 5:5

Mala nga nao keni e iiꞌo mola maraana na nga iini peꞌie haꞌike, taꞌe e norutoꞌo mola aana a God na ko aarea susue rodo na aatowaa hunie ke peꞌie, nge ingeie nao keni toꞌohuu eena.

2 Timoti 1:3

No ko aarengaꞌi talamu susue rodo na aatowaa, na no ko tohungei sae-saemango haahiꞌo suli maholo no ko aarea God ineu nge no ko esu nana peꞌie mei manatanga rereꞌa oto noꞌone mala mo weuweku kire auꞌesuie.