1 Tesalonaeka 2:7 - Tataroha Diana

⁷ E toꞌohuu oto. Iꞌemeelu, melu neꞌie oto mo hurulaꞌaa a Kraes, mo iini peine oto liutaa haahie soihaadaꞌinge. Oto iꞌemeelu mo hurulaꞌaa, melu sai haaraiꞌomu hunie taꞌena nga ola. !Taꞌe melu kaꞌa dau rarahiꞌomu ike! !Haꞌike oto ooꞌoo! Melu tohungei deu rako mola aamiu mala huꞌe ko lio i sulie kele wee-wee ingeie maholo ko haꞌasusuhie.

1 Tesalonaeka 2:7 ပူးပေါင်းရင်းမြစ်များ

Palonga 13:18

Na maholo kire lae i laona hanuesala hunie hai aawalai helisi, e peꞌire mola maꞌalana helelada e kaꞌa diana.

1 Korinit 2:3

Oto maholo nou lae mai seemiu, nou maarara aana nou hiingeꞌinie uri nou kaꞌa malisi hule aana nou meꞌu peꞌie ariringe.

1 Korinit 9:22

Na maholo nou iiꞌo peꞌie mo iini nge ko lulu i sulie mola mo haꞌatolanga ni iinoni aana hiiwalaimolinge ikire e mamaelaꞌa, nou iiꞌo noꞌone mala ikire hunie ne ke peꞌire hunie kire ke hiiwalaimoli toꞌohuu. Oto nou iiꞌo oto i sulie ahutana mo tolahai iinoni nge kire toꞌo aani huni deu aahonga huni peꞌire hunie kire ke toꞌo aana maurihe huu.

2 Korinit 10:1

Oto ineu a Pol maraaku no ko eitanaiꞌomu hunie uri omu ke rongo hunieu. Nou rongoa uri ngaeta mo iini eemiu kire ko unue uri nou sai ere hiitoꞌo huniꞌomu mola aani uusu-uusu maholo nou iiꞌo haꞌatauliꞌomu, taꞌe no ko meꞌu ni ere urine maholo nou iiꞌo peꞌiꞌomu. !Haꞌike! Taꞌe no ko heimaanie tolahana a Kraes aana ingeie e saemamae na e lai maneko

2 Korinit 13:4

E toꞌohuu taane uri e lio mala a Kraes e mamaelaꞌa kaꞌu, aana kire rapu taalengasie i lengine poꞌu-poꞌu. Taꞌe leune e si haataꞌinie mola nanamanga paine a God, aana e mauri loꞌu mwaanie maenga. Na iꞌemeelu noꞌone, melu lio mamaelaꞌa mala ingeie. Taꞌe melu kaꞌa mamaelaꞌa ike, aana melu ko meuri tararuru peꞌie a Kraes aana nanamanga paine a God, mei nanamanga nge melu ko esu oto aana huni peꞌiꞌomu huni lulu i sulie tolahana.

Kalesia 4:19

Taꞌe omu ke lio talamiu, maeni mwela ineu, aana nga taa kire ko haꞌa-uusuliꞌomu aana e kaꞌa diana ike. No ko tohungei sapesalu i suliꞌomu oto mala huꞌe ko sapesalu aani mwela. Na ne kei sapesalu oto urine hule aana maholo omu kei neꞌi rato oto toꞌohuu aana tolahana a Kraes.

1 Tesalonaeka 2:11

Omu saie taane noꞌone mola uri melu peꞌi diana aamiu oto mala aamana mo mwela ko peꞌi diana aana mo kalena.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.