1 Tesalonaeka 2:3 - Tataroha Diana

³ Oto omu sai kohie mola uri melu kaꞌa haꞌa-olaꞌomu ike aani loꞌongaꞌinge takalo, wa aani eeronga, wa aani pwelonga.

1 Tesalonaeka 2:3 ပူးပေါင်းရင်းမြစ်များ

Palonga 13:15

Maholo mo mwane paine haahie nume ni palo-palo kire saaie uusu-uusu aana mo Haꞌatolanga a Mosis na mo Uusu-uusu Mo Propet, oto kire ko si dolosi aana Pol na mo malahune uuri, “Mo eesimeelu, mala uri omu ko toꞌo aana nga mei wala huni haꞌasusue saena mwala ie, na omu ke unue oto molana.”

Palonga 4:36

Ngaeta mwane e nii urine oto a Josep, mwane aana komu a Livae nge e uure mai mwaanie mala-malau i Saepras. Mo hurulaꞌaa ko haa-haaraꞌinie aana a Banabas, loꞌongaꞌinge aana uri “Kale ni Haꞌasaedodo.”

2 Korinit 11:13

Aana mwala urine, ikire nga mo hurulaꞌaa toꞌohuu haꞌike na asunge ikire mei ola toꞌohuu haꞌike noꞌone. Ikire mwala eero-eero na kire ko lupweꞌi deu mola mala uri ikire mo hurulaꞌaa maaꞌi a Kraes.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

2 Korinit 4:5

Iꞌemeelu, melu kaꞌa laeliwala ike mola i suliꞌemeelu maraameelu, taꞌe melu ko laeliwala aana a Jisas Kraes uri ingeie oto Aalaha, na iꞌemeelu mo iinoni euꞌesu iꞌomu mola aana melu ko lulu i sulie a Jisas.

2 Korinit 6:8

Melu ko esu nana God maꞌalana mwala ko haꞌamaꞌu aameelu wa kire ko haꞌamasaꞌemeelu mola, maꞌalana kire ko laheꞌemeelu wa kire ko haꞌamwasi mola aameelu. Ngaeta mwala kire ko haaraꞌi haꞌa-uusuli eero-eero mola aameelu, taꞌe maꞌalana ke urine loꞌu, iꞌemeelu, melu ko lae peꞌi haꞌa-uusuli taane aana walaimolinge.

2 Korinit 7:2

Omu ke haataꞌinie oto uri omu manata diana huniꞌemeelu, aana iꞌemeelu, melu kaꞌa dau aaelasie ike nga mei ola aana nga iini. Melu kaꞌa waelie ike nga iini, wa melu ke haꞌamweꞌu-mweꞌue nga iini. Ngaeta mo iini eemiu ko haꞌapeliꞌemeelu urine, taꞌe e kaꞌa toꞌohuu ike.

1 Tesalonaeka 2:11

Omu saie taane noꞌone mola uri melu peꞌi diana aamiu oto mala aamana mo mwela ko peꞌi diana aana mo kalena.

1 Tesalonaeka 4:7

Aana a God e kaꞌa haaraikie ike hunie iiꞌonga madaꞌa urine, taꞌe e saetoꞌo aana uri iiꞌolaka ke maaꞌi oto taꞌingelu.

2 Pita 1:16

Maholo iꞌemeelu mo hurulaꞌaa melu haꞌarongoꞌomu aana uri a Jisas Kraes Aalaha ikie kei ooli loꞌu mei peꞌie nanamanga paine, melu kaꞌa talei ere ike mola i sulie mo laladonga taꞌewau. !Haꞌike! Melu leesie oto aana maameelu uri a Kraes e toꞌo aana painehaꞌana nanamanga a God.