1 Tesalonaeka 2:2 - Tataroha Diana

² Omu saie taane uri i naꞌona melu lae mai seemiu i Tesalonaeka, mwala e tohungei teungeꞌiniꞌemeelu na kire ere aaelasiꞌemeelu oto hiitoꞌo wau i Pilipae. Taꞌe maꞌalana mwala hunge kire sare uure honosiꞌemeelu, a God ikie e peꞌi diana aameelu taane mola huni aatopuri aana maꞌunge na huni haꞌarongoꞌomu aana Tataroha Diana a God.

1 Tesalonaeka 2:2 ပူးပေါင်းရင်းမြစ်များ

Palonga 14:5

Oto ngaeta mo Jiu na ngaeta mo Aapoloa Aaopa peꞌie mo rato ni mwane ikire, kire mani neꞌisae tararuru oto huni lai horo maesie a Pol na Banabas aani uuꞌiladarue aani heu.

Palonga 16:12

Oto uure i leune melu lae loꞌu hunie huilume i Pilipae, ngaeta naꞌohai huilume aana aapai henue aana poꞌo ni henue i Masedonia. Mo mwane ni Rom kire hiitoꞌo aana huilumena na kire iiꞌo mola i memelutana inemauri ni Rom. Melu iiꞌo i leune hunie ngaeta mo hei dinge

Palonga 16:19

Na maholo mo mwane paine haahie a keine kire leesie uri tala ni teri-toꞌohanga ikire e mango oto, kire si tapolie a Pol na Saelas, kire ko ookerarue oto i saana mo mwane paine i nume ni rururu aana huilume ngeena.

Palonga 16:37

Taꞌe a Pol e teꞌuri mola hunie mo ramo ngeena, “Iꞌemereꞌi e ro mwane ni Rom ni ie, na kire tohungei waelie oto haꞌatolanga aana kire kaꞌa toliꞌaasiꞌemereꞌi huni ere luhesie nga mei ola hunire, taꞌe kire rapusiꞌemereꞌi mola mwaakule i maana mwala, na kire neꞌiꞌemereꞌi i laona nume ni hoꞌo. ?Oto e ue ni kire ko si sare toliꞌaasiꞌemereꞌi mola mumuni aana maholo ienini? !Haꞌike! E malisine ikire maraada ni kire kei haro lae mai huni haꞌa-iisitaangaꞌiniꞌemereꞌi mwaanie nume ni hoꞌo.”

Palonga 17:1

A Pol na Saelas kirerue lae i liu i huilume i Ampipolis na huilume i Apolonia kire si lai hule wau aana huilume i Tesalonaeka. Na mo Jiu kire toꞌo aana nga nume ni palo-palo noꞌone i leune.

Palonga 17:17

Oto e lae i laona nume ni palo-palo mo Jiu huni ere-ere nada na taꞌena nga iini ko lae noꞌone mai huni palo-paloa God peꞌire. Na suli dinge ko lae-lae noꞌone aana leu ni uusiꞌe huni ere peꞌie mwala nge kire ko lae-lae mai i leune.

Palonga 19:8

A Pol e lae-lae i laona nume ni palo-palo mo Jiu, na e lae peꞌi ere hiitoꞌo hunie mwala i sulie e oolu waro-waro. Aana ko deu aahonga noꞌone huni haꞌa-aaliꞌue mwala hunie kire ke aaliꞌu mei takoie Aalahanga a God.

Palonga 4:13

Oto mo mwane aana pulitaa ni lei-lei ngeena kire ko si tohungei pangataꞌi aana kire leesie a Pita na Jon kirerue kaꞌa maꞌu loꞌu, maꞌalana uri kirerue e ro mei iinoni reu mola na kirerue kaꞌa sukulu diana ike. Na i leune nge kire si lio saie uri ikirerue ni kire lae-lae tarau peꞌie a Jisas holaꞌinaꞌo.

Palonga 4:20

Aana ienini mere saꞌa rohu ike aani erenga i sulie nga taa mere leesie na mere rongoa oto maraamereꞌi.”

Palonga 4:31

Maholo kire aarengaꞌi mango, nge nume kire loko i laona ko si eenu-eenuleꞌi heiliu, na kire si honu oto aana Liꞌoa Maaꞌi. Oto purihaꞌana kire ko si tohungei aꞌailaꞌa loꞌu liutaa ni houleꞌinie walana God.

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

Uusu-uusu A Pol Hurula'aa Hunie Mo Rom 1:1

Saediananga mwaanieu a Pol, iinoni euꞌesu a Kraes Jisas. A God e lio hilisieu na e soieu hunie ne ke neꞌi hurulaꞌaa ingeie huni tarohaꞌinie Tataroha Diana a God.

2 Korinit 3:12

Oto melu kaꞌa maꞌu ike huni tarohaꞌinie Tataroha Diana, aena aana melu norutoꞌo mola aana uri manikuluhaꞌana haiholotaꞌinge haalu a God ngeena e saꞌa aiꞌaa ike.

Kolosi 2:1

Nou saetoꞌo aana uri omu ke manataꞌinie uri no ko tohungei esu oto hiitoꞌo huni peꞌiꞌomu, na huni peꞌie noꞌone mo iinoni hiiwalaimoli wau aana huilume karaꞌiniꞌomu i Leodisia, na loꞌu ahutana mo iinoni a God nge hule aana nou kaꞌa oodoire ue.

1 Tesalonaeka 1:5

Aana maholo melu toolea mai Tataroha Diana huniꞌomu, melu kaꞌa toolea ike mai mola aani wala, taꞌe peꞌie nanamanga a Liꞌoa Maaꞌi, aana e haataꞌi diana aana aamiu uri e toꞌohuu. Na omu lio saie noꞌone urine aena aana mo ola melu euꞌesuiꞌi maholo melu iiꞌo peꞌiꞌomu, mo ola mola huni peꞌilemiu haliꞌite ni ngeena.

2 Timoti 1:12

Aena urinena nge no ko sapesalu siꞌiri ie. Taꞌe nou saꞌa roroꞌa ni masa ike, aena aana nou manataꞌinie a Jisas, iini nge nou norutoꞌo aana. Na nou saie uri ingeie e sai kinetaꞌinie walu ola nou neꞌiꞌi i nimana huni lio i suliꞌi, na kei kinetaꞌi diana aani lai hule aana dinge ooreta.

Jiud 1:3

Maeni malahuku, nou tohungei saetoꞌo aana uri ne ke uusu-uusu oto huniꞌomu i sulie mei haꞌa-uuringe nge kolu meni toꞌo aana. Nou sare ere haꞌasusuꞌomu loꞌu uri hunie omu ke uure aꞌailaꞌa peꞌie mei wala toꞌohuu nge kie mani hiiwalaimoli oto aana. A God e niie oto mei wala ngeena hautaꞌai hunikie, ahutana mo iinoni ingeie, na e saꞌa roroꞌa oolisie ike oto ooꞌoo.