1 Tesalonaeka 2:13 - Tataroha Diana

¹³ Melu ko lae peꞌi paalahea God oto liutaa haahie maholo melu lae mai haꞌarongoꞌomu aana walana God, omu rongo peꞌi hiiwalaimolinge aana uri walana God toꞌohuu na e kaꞌa walana ike mola iinoni. Na walana God ngeena ko esu taane oto i lalo aamiu mo iini omu hiiwalaimoli aana.

1 Tesalonaeka 2:13 ပူးပေါင်းရင်းမြစ်များ

Matiu 10:20

Aana omu saꞌa ere tohumiu ike taꞌe peꞌie Liꞌoa a Aamamiu ni kei ere i lalo aamiu.

Matiu 10:40

Oto a Jisas ko heꞌi teꞌuri loꞌu, “Nga iini ko tekuhiꞌomu nge ko tekuhieu eena. Na nga iini nge ko tekuhieu ko tekuhie noꞌone iini e uusungeꞌinieu mei.

Tataroha Diana I Sulie A Jisas Kraes Nge A Luk E Uusue 11:28

Taꞌe a Jisas e aalamie uuri, “Iau, taꞌe ilenimwaꞌenga oto liutaa hunie ahutana mo iini ko rongoa walana God na kire ko lulu i sulie.”

Tataroha Diana I Sulie A Jisas Kraes Nge A Luk E Uusue 5:1

Ngaeta hai dinge a Jisas e uure i reune Aasi I Kalili na mwala hunge kire loko noꞌone mai saana. Oto mwala ngeena kire ko uure suꞌu-suꞌuie, aena aana kire ko sare rongoa walana God.

Tataroha Diana I Sulie A Jisas Kraes Nge A Luk E Uusue 8:11

Na a Jisas e heꞌi unue loꞌu uuri, “Loꞌongaꞌinge aana aalahuunge ienini e lae uuri. Mo lite walana God ni ngeena.

Tataroha Diana I Sulie A Jisas Kraes Nge A Luk E Uusue 8:21

Oto a Jisas ko aalamie uuri, “A nikeku na mo eesiku oto ahutana mo iini nge ko rongoa walana God na kire ko lulu i sulie oto.”

Tataroha Diana I Sulie A Jisas Kraes Nge A Jon E Uusue 15:3

Iꞌomu, omu rereꞌa mango oto, aana nga taa nge nou haꞌa-uusuliꞌomu aana.

Tataroha Diana I Sulie A Jisas Kraes Nge A Jon E Uusue 17:17

Saeku uri o ke haꞌa-uusulire aana walamu, aena aana walaimolinge ni otona, na walaimolinge ngeena e sai peꞌire hunie kire ke oopara maraada mwaanie oorahaꞌaa, na hunie kire ke iiꞌo maaꞌi mola namue.

Tataroha Diana I Sulie A Jisas Kraes Nge A Jon E Uusue 17:19

Na i tehulaꞌada, nou oopaau oto huni esunge mola namue, hunie ikire noꞌone, kire ke oopara maraada mwaanie taꞌena nga oorahaꞌaa huni esunge noꞌone namue.”

Palonga 10:33

Na oto mola aana maholona nge nou uusungeꞌinie mo mwane wau i seemu, na e diana oto liutaa aana o lae oto mai. Na maholo ienini melu meni ruru oto i naꞌona God huni rongoa mo ola a Aalaha e niiꞌi huniꞌo huni tola tahangaꞌiniꞌi huniꞌemeelu.”

Palonga 13:48

Oto maholo mo Aapoloa Aaopa kire rongoa mei wala ngeena, kire ko si tohungei ilenimwaꞌe na kire ko paalahea oto Aalaha haahie mei wala ingeie ngeena. Na mo iini nge a God e lio hilisire hunie kire ke toꞌo aana maurihe huu kire hiiwalaimoli oto aana.

Palonga 16:14

Na ngaeta huꞌe aada satana a Lidia keni ni Taeataera. Ingeie ngaeta keni aana mo Aapoloa Aaopa, na asunge ingeie oto huni haꞌaholingeꞌinie mo sala nonoroꞌa holiteni e paine oto liutaa. Ingeie ko palo-paloa noꞌone a God, na maholo ko pwaa-pwaarongo i sulie a Pol, a God e tahanie manatana hunie ke hiiwalaimoli aana mo erenga a Pol.

Palonga 17:11

Na aana huilume ngeena, tolahana ahutana mwala e tohungei diana, liue mwala i Tesalonaeka. Mo Berea kire tohungei mwaꞌe-mwaꞌe ni rongo i sulie walana Pol peꞌi heitalea mo wala ngeena i laona mo Uusu-uusu Maaꞌi, ohe kire toꞌohuu wa haꞌike.

Palonga 17:32

Maholo mwala kire rongoa uri a Pol ko ere i sulie taꞌelaꞌinge mwaanie maenga, oto ngaeta mo iini ko haꞌamwasi mola aana. Taꞌe ngaeta mo iini kire ko teꞌuri, “Melu saetoꞌo aana o ke ere i sulie mei neꞌisaenga ngeena loꞌu aana nga maholo.”

Palonga 2:41

Oto mo iini kire hiiwalaimoli aana walana Pita, kire si loto maaꞌi. Na aana hai dingena ola mala oolu sinolai iinoni nge kire sili loꞌu mei peꞌire i laona soihaadaꞌinge.

Palonga 8:14

Oto mo hurulaꞌaa taꞌau i Jerusalem kire rongoa uri mwala i Samaria kire hiiwalaimoli oto aana God, kire si uusungeꞌinie a Pita na a Jon hao i saada.

Uusu-uusu A Pol Hurula'aa Hunie Mo Rom 10:17

Oto nga taa no ko unue e uuri. Hiiwalaimolinge e uure oto mai mwaanie rongolana mei wala aana tataroha diana, na Tataroha Diana i sulie a Kraes ni otona.

2 Korinit 3:18

Oto ahutaka mo iini kie lado peꞌie a Kraes, a God e taꞌaasie oto mei sala ngeena mwaanie maaka hunie kie ke haataꞌinie manikuluhaꞌana Aalaha mala iiro-iiro ko wana-wana i laona sato. Na oto tarau Liꞌoa Maaꞌi a Aalaha ko esu i lalo aaka huni oolisikie hunie kie ke urihana oto ingeie maraana, na kie ke haataꞌinie manikuluhaꞌana oto liutaa.

Kalesia 4:14

Oto maꞌalana mei mweringe ni sape ineu ngeena e neꞌi malaahonga huniꞌomu hunie omu ke maaleledieu wa hunie omu ke oohe aasieu, taꞌe omu kaꞌa dau urine ike. Omu tohungei tolakonieu mola oto mala nga ensel a God, na oto mala uri omu ko tolakonie a Jisas Kraes maraana.

Kolosi 1:6

Tataroha Diana e hule aamiu ngeena ko tatangasie oto walumalau, na taꞌena nga leu ko hule aana, nge ko haꞌa-uurie mo iinoni mwaanie maenga huu na ko haꞌa-aꞌailaꞌaa maurihaꞌada, mala e asuie noꞌone aamiu uure oto i naꞌo aana hai dinge omu holaꞌi manataꞌinie uri a God ko tohungei manata diana liutaa hunie mo iinoni.

Hibru 4:12

Kie ke asu toꞌohuu urine, aana walana God ola e mauri na ko euꞌesu aꞌailaꞌa oto liutaa, na e tohungei ala loꞌu liutaa aana naihi e ala rue-rue. Na e sai hoaikie mo iinoni lai hule oto aana suisulike, na e sai lae kokoro i laona saena iinoni huni lio oodoie mo neꞌisaenga ingeie, na ko leie walu ola nge saena iinoni ko peinesiꞌi.

Hibru 4:2

Aana kie rongoa kaꞌu oto mei tataroha diana mala ikire mwala oto i naꞌo kire rongoa noꞌone. Taꞌe aana maꞌalana kire rongoa kaꞌu tataroha ngeena, e kaꞌa peꞌire ike, aena aana kire kaꞌa rongo peꞌi hiiwalaimolinge aana.

Jemes 1:18

Uure oto aana hari-huninge ingeie, nge kolu neꞌi kalena. E haꞌahutekie aana mei wala toꞌohuu ingeie, hunie kie ke mani neꞌie oto naꞌohai ola aana ahutana mo ola nge e haꞌaholaꞌi.

1 Pita 1:23

Iau, omu ke teteꞌurine aena aana omu hute haalu hunie iiꞌonga haalu. Walana God e si esuie omu ko hute hunie iiꞌonga haalu ngeena, na mei wala ngeena mei ola nge e kaꞌa sai mae ike, taꞌe e iiꞌo huu oto di na oto di.

1 Pita 1:25

Taꞌe walana a Aalaha e iiꞌo huu oto. Aesaea 40:6-8 Na mei wala ngeena oto Tataroha Diana nge tarohaꞌinilana e lae oto huniꞌomu.

1 Pita 2:2

Taꞌe omu ke urihana mola mo kele wee-wee nge kire si hute na kire saetoꞌo aana susunge oto hiitoꞌo. Aana iꞌomu noꞌone, e malisine omu ke tohungei saetoꞌo aana haꞌa-uusulinge a God mala kele wee-wee e tohungei saetoꞌo aana ewei susu. Aana haꞌa-uusulinge a God e sai peꞌiꞌomu hunie omu ke pai-peine diana aana mo tolaha diana a God i laona mauringe haalu ngeena nge a God e si niie namiu aana e haꞌa-uuriꞌomu.

2 Pita 3:2

Saeku uri omu ke aama-aamasitoꞌo aana mo wala nge mo propet maaꞌi kire unuꞌi oto wau i naꞌo, na loꞌu aana haꞌa-uusulinge iꞌemeelu mo hurulaꞌaa i sulie haꞌatolanga Aalaha ikie, a Haꞌa-uuritaka.

1 Jon 3:3

Na ahutaka nge kie ko lio-lio peꞌie maaꞌoohinge loosie maholo ngeena, kie ko kinetaꞌinikie hunie kie ke iiꞌo rereꞌa oto mala a Kraes e rereꞌa.