1 Tesalonaeka 1:9 - Tataroha Diana

⁹ Ahutana mwala ngeena ko meni ere i sulie oto diananga iꞌomu huniꞌemeelu maholo melu maatoliꞌomu, na uri omu eeliꞌu oto mwaanie palolana mo god eero-eero takoie asunge nana tohungei God Meu-meuriꞌe.

1 Tesalonaeka 1:9 ပူးပေါင်းရင်းမြစ်များ

Matiu 16:16

Oto a Saemon Pita ko aalamie uuri, “Iꞌoe oto a Kraes, Kalena God Mau-meuriꞌe.”

Palonga 14:15

“!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

Uusu-uusu A Pol Hurula'aa Hunie Mo Rom 9:26

Na e unue loꞌu uuri, Aana leu nge nou ere kaꞌu hunire uuri, “Iꞌomu ngeena nga mwala ineu haꞌike,” taꞌe aana leune noꞌone mwala kei heꞌi haaraꞌinire loꞌu uri ikire mo kalena God nge e iiꞌo huu. Hosea 1:10

1 Korinit 12:2

Omu saie taane uri maholo omu oꞌoꞌo ni puꞌo ue, kire naꞌomiu huni talei lae-lae mola i sulie mo tala hunge aaela huni palo-paloa mola mo nunui ola nge hule aana kire kaꞌa sai ere ike.

1 Tesalonaeka 2:1

Maeni eesiku maaꞌi, omu manataꞌinie oto noꞌone, uri laenga iꞌemeelu weu i seemiu ngeena e kaꞌa totowai ike mola, taꞌe nga tohungei mei ola diana e maau taane mai mwaanie laenga ngeena.

1 Tesalonaeka 2:13

Melu ko lae peꞌi paalahea God oto liutaa haahie maholo melu lae mai haꞌarongoꞌomu aana walana God, omu rongo peꞌi hiiwalaimolinge aana uri walana God toꞌohuu na e kaꞌa walana ike mola iinoni. Na walana God ngeena ko esu taane oto i lalo aamiu mo iini omu hiiwalaimoli aana.

1 Timoti 4:10

Aana kolu esu aꞌailaꞌa mola aana kolu tohungei hiiwalaimoli oto aana God Mau-meuriꞌe, nge e sai haꞌa-uurie taꞌena nga iinoni, na kei haꞌa-uurikie mo iini kie hiiwalaimoli aana.

Hibru 12:22

Taꞌe ikie, kie hule kaꞌu oto aana toloihenue kie haaraꞌinie aana i Saeon, na huilume paine a God Mau-meuriꞌe otona. Jerusalem taꞌau i Lengi kaꞌu otona, leu nge mo molani ensel kire palo-paloa a God aana, peꞌi ilenimwaꞌenga oto paine.

1 Jon 5:21

Aena urine, maeni mwela ineu, omu ke kinetaꞌinie saemiu mwaanie omu rongo hunie mo haꞌa-uusulinge eero-eero, aana o ko deu urine, nge o kaꞌa paloa ike tohungei God, taꞌe o ko palo-paloa mola mo god eero-eero.

Haataꞌinge 17:2

nge e mai-mesi peꞌie ahutana mo inemauri aana walumalau. Na ahutana mwala aana walumalau kire ko pweu oto aana tolahai ola aaela aana hanuena mala iinoni e mahiri aana e inu wei ni pweunge.”