1 Tesalonaeka 1:5 - Tataroha Diana

⁵ Aana maholo melu toolea mai Tataroha Diana huniꞌomu, melu kaꞌa toolea ike mai mola aani wala, taꞌe peꞌie nanamanga a Liꞌoa Maaꞌi, aana e haataꞌi diana aana aamiu uri e toꞌohuu. Na omu lio saie noꞌone urine aena aana mo ola melu euꞌesuiꞌi maholo melu iiꞌo peꞌiꞌomu, mo ola mola huni peꞌilemiu haliꞌite ni ngeena.

1 Tesalonaeka 1:5 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 16:20

Oto purihaꞌana, mo pwaarongoisuli ingeie kire si lai tarohaꞌinie Tataroha Diana hailiu i laona walumalau. Na a God e iiꞌo peꞌire, na e haꞌawalaimoliꞌaa laeliwalanga ikire aana e niie nanamanga hunire huni esuie mo huꞌi-huꞌite.

Tataroha Diana I Sulie A Jisas Kraes Nge A Luk E Uusue 1:1

Mwala hunge kire dau-deu aahonga huni uusu-uusu i sulie nga moi taa nge kire oa i saakaelu.

Palonga 11:21

Oto nanamanga a Aalaha e iiꞌo aada, lae-lae mo iini hunge aada ko hiiwalaimoli na kire ko aehota lulu i sulie oto a Aalaha.

Palonga 16:14

Na ngaeta huꞌe aada satana a Lidia keni ni Taeataera. Ingeie ngaeta keni aana mo Aapoloa Aaopa, na asunge ingeie oto huni haꞌaholingeꞌinie mo sala nonoroꞌa holiteni e paine oto liutaa. Ingeie ko palo-paloa noꞌone a God, na maholo ko pwaa-pwaarongo i sulie a Pol, a God e tahanie manatana hunie ke hiiwalaimoli aana mo erenga a Pol.

Palonga 2:33

A God e tola aalihoꞌi aana hunie ke iiꞌo aana naꞌohai iiꞌo-iiꞌoha, i pwalo-pwalona, na a God Aamana e niie Liꞌoa Maaꞌi hunie oto mala e haiholotaꞌinie. Oto nga taa nge omu ko leesie na omu ko rongoa ngeena, mei ola a God e lingisie mai haahiꞌemeelu oto ni ngeena.

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 15:13

A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.

Uusu-uusu A Pol Hurula'aa Hunie Mo Rom 2:16

Na mala Tataroha Diana no ko tatarohaꞌinie ko unu tahangaꞌinie, a God ke si haataꞌinie kira tei nge kire oodotaꞌi aana maholo a Jisas Kraes kei leie taꞌe-taꞌena nga ola e iiꞌo mumuni i lalo aana mau-meuringe mo iinoni.

1 Korinit 1:24

Taꞌe hunikie mo iini nge a God e soikie oto, mo Jiu na oto mo Aapoloa Aaopa, mei wala aana a Kraes ienini ingeie oto nanamanga na saenanaunge a God.

1 Korinit 10:33

Na omu ke lae i sulie tolahaku, aana no ko sare peꞌie ahutana mwala aana ahutana walu ola no ko esuiꞌi, aena aana nou kaꞌa loꞌongaꞌinieu ike maraaku, taꞌe no ko loꞌongaꞌinie noꞌone ngaeta mo iini hunie ne ke peꞌire hunie a God ke haꞌa-uurire.

1 Korinit 3:16

!Haꞌike eena! ?Uri omu kaꞌa saie ike uri soihaadaꞌinge iꞌomu e neꞌi nume maaꞌi a God? !Iau, e toꞌohuu oto aana Liꞌoa Maaꞌi e iiꞌo i lalo aamiu!

1 Korinit 3:6

Oto ineu nge nou urihana mwane e hasie mo litei ola i laona hohola, na a Apolos nge e urihana mwane e danguhie mo litei ola ngeena aani wei. Taꞌe a God nge e asuie hunie kire ke mwaꞌora.

1 Korinit 4:20

Aena aana Aalahanga a God kaꞌa ola ike mola aani wala, taꞌe ola ni nanamanga.

1 Korinit 9:14

Oto e urine noꞌone mola aana mo iini ko tarohaꞌinie Tataroha Diana. Aana a Aalaha e unue oto uri mo iini nge kire ko tarohaꞌinie Tataroha Diana, e malisine oto uri kire ke waaire haahie mei esunge ngeena.

2 Korinit 3:6

Aana ingeie oto e da melu ke adona mei esunge mala mo koni-konihe ingeie huni tarohaꞌinie haiholotaꞌinge haalu e asuie peꞌikie mo iinoni. Na haiholotaꞌinge haalu ngeena e kaꞌa ola ike mola aana lulu i sulilana mo Haꞌatolanga, taꞌe aana lulu i sulilana a Liꞌoa Maaꞌi. I tehulaꞌana mo Haꞌatolanga a Mosis, a God kei leie ahutana mo iinoni hunie maenga, taꞌe i tehulaꞌana Liꞌoa Maaꞌi, mwala e sai oodoie maurihe huu.

Kalesia 2:2

Nou lae taꞌau aena aana a God e haataꞌinie oto hunieu uri ne ke lae urine. Na aana lokonga peꞌie mo naꞌohai mwane aana soihaadaꞌinge maraada, nou unu tahangaꞌinie oto Tataroha Diana nge no ko lae peꞌi tarohaꞌinie hunie mo Aapoloa Aaopa. Nou deu urine mwaanie kire neꞌisae ni uure honosieu, aana nou sereꞌinie uri kire ke waelie asunge nou esuie oto nana Kraes, wa kire ke da asunge nge no ko lae-lae ue peꞌie ienini e waetaꞌi mola.

Kalesia 5:5

Taꞌe Liꞌoa Maaꞌi ko haꞌawalaimoliꞌaa hunikie uri a God ko haꞌa-oodohikie aena aana kie norutoꞌo mola aana a Jisas.

Epesas 2:10

Aana ikie mo iinoni aana soihaadaꞌinge, ikie oto mo naꞌohai haꞌaholanga a God. E uusungeꞌinie mai a Jisas Kraes huni haꞌahaalukie, hunie kie ke asuie walu ola diana nge e oalaꞌiniꞌi oto waite, hunie kie ke asuiꞌi.

Epesas 3:20

Peꞌie nanamanga a God i lalo aaka, a God e sai esuie walu ola e liutaa loꞌu aana taꞌena nga ola kie sai sukaa wa loꞌongaꞌinie.

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Pilipae 4:9

Omu ke dau oto i sulie mo ola nge nou haꞌa-uusuliꞌomu eeni, na loꞌu mo iini omu rongoꞌi eeku, na mo iini nge omu leesiꞌi eeku noꞌone. Omu kei teꞌurine, nge a God iini ko nii-niie hanuelamanga ke si iiꞌo peꞌiꞌomu.

Kolosi 2:2

No ko esu urine huni haꞌadodoa saemiu, na hunie omu ke mani manata diana huniꞌomu heiliu. Saeku uri omu ke manataꞌinie taꞌingelu tohungana saenanaunge, na omu manataꞌinie taane mala uri omu ko sai diana aana a Kraes. Ingeie oto aahuꞌine mei saehaahinge a God nge e iiꞌo mumuni keꞌu holaꞌinaꞌo.

1 Tesalonaeka 2:13

Melu ko lae peꞌi paalahea God oto liutaa haahie maholo melu lae mai haꞌarongoꞌomu aana walana God, omu rongo peꞌi hiiwalaimolinge aana uri walana God toꞌohuu na e kaꞌa walana ike mola iinoni. Na walana God ngeena ko esu taane oto i lalo aamiu mo iini omu hiiwalaimoli aana.

2 Tesalonaeka 2:14

Mo wala toꞌohuu nge a God e haaraiꞌomu mei eeni ngeena, nge oto Tataroha Diana nge melu lae peꞌi tarohaꞌinie huniꞌomu. Na e haaraiꞌomu urine ngeena aana e saetoꞌo aana uri omu ke toꞌo aana noꞌone manikuluhaꞌana a Jisas Kraes Aalaha ikie.

2 Timoti 2:10

Aena urine kaꞌu, maꞌalana mwala ko haꞌaloieu mala ie, taꞌe no ko iiꞌo susu mola. Aana tala urine nge no ko peꞌie mwala nge a God e lio hilisire oto, hunie kire ke toꞌo aana maurihe peꞌie a Jisas Kraes na kire ke iiꞌo peꞌie aana manikuluhaꞌana oto di.

2 Timoti 2:8

O ke loꞌo-loꞌongaꞌinie mola a Jisas, aana ingeie a Kraes, iini a God e haiholotaꞌinie kei haꞌa-uurie mo iinoni ingeie. E haꞌa-oaie walana mo propet aana e uure mwaanie komu a Deved Inemauri. Na e taꞌelaꞌi mwaanie maenga mala no ko unu-unue oto tarau maholo no ko laengaꞌinie Tataroha Diana

Hibru 6:11

Aahuꞌi neꞌisaenga ineu oto mola uri nga taꞌa-taꞌa iini eemiu ke suꞌuri oore aani iiꞌonga susuleꞌi i lalo aana hiiwalaimolinge iꞌomu, lai hule aana omu kei leesie nga taa omu ko maaꞌoohi susutoꞌo hunie kei oa huniꞌomu.

1 Pita 1:12

Oto a God e haataꞌinie hunie mo propet uri mei wala toꞌohuu nge kire ko lae peꞌi tarohaꞌinie ngeena, e kaꞌa mei ola ike mola huni peꞌire maraada, taꞌe mei ola oto huni peꞌilemiu aana ni ngeena. Na Liꞌoa Maaꞌi nge a God e uusungeꞌinie mai, e niie oto nanamanga hunie ngaeta mwala siꞌiri, uri hunie kire ke tarohaꞌinie Tataroha Diana ngeena huniꞌomu. Na aana walu ola ngeena e tohungei diana na e manikuluꞌe oto liutaa, nge hule aana mo ensel taꞌau i Lengi na ikire noꞌone kire ko sare sai diana aana Tataroha Diana ngeena.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

1 Pita 5:3

Na mwaanie omu haꞌapainaꞌaꞌomu maraamiu mala mo aalaha. Urine e kaꞌa kohi ike, taꞌe e diana oto liutaa uri omu ke haataꞌinie nga tala diana hunire aana iiꞌonga diana iꞌomu, hunie kire ke sai lae i suliꞌomu mala mo sipu e sai lae i sulie kakali sipu nge ko lio i sulire.

2 Pita 1:10

Oto e lae otoi diana, maeni eesiku maaꞌi, uri hunie omu ke asu aꞌailaꞌa loꞌu hunie omu ke haataꞌinie uri a God e tohungei lio hilisiꞌomu oto nana maraana. Omu ke haataꞌinie uri e soiꞌomu mei i saana toꞌohuu aana mo tolahai ola diana aana mau-meuringe iꞌomu. Na mala uri omu kei esu urine, omu saꞌa heꞌi lae takalo loꞌu mwaanie tala oodo, wa omu ke tataro aana laenga i sulie.

2 Pita 1:19

Aena mo olana, nge melu si tohungei hiiwalaimoli oto liutaa aana nga moi taa nge mo propet kire unu-unuꞌi. Oto kei tohungei diana loꞌu liutaa uri hunie iꞌomu noꞌone omu ke pwaarongo i sulie mo ere-erenga mo propet, aena aana mo ere-erenga ngeena domana oto nga raa-raa ko raangie lehu e tohungei rodohono. Oto omu ke pwaarongo i sulie mo ere-erenga ikire ngeena lae hule i waꞌalie aana hai dinge a Kraes kei hule loꞌu na rarangana ke si raangie saemiu.