1 Pita 5:5 - Tataroha Diana

⁵ Oto loꞌu huniꞌomu mo saanau, omu ke totola i sulie mo rato. Na oto ahutemiu, omu ke mani haꞌamwai-mweiꞌaꞌomu na omu ke peꞌi-peꞌiꞌomu heiliu. Aana mo Uusu-uusu Maaꞌi e unue uri, A God e kaꞌa saetoꞌo aana ike iini ko too-toohaꞌinie maraana, taꞌe ko haa-haataꞌinie manata-diananga ingeie hunie mo iini ko haꞌamwai-mweiꞌara. Provebs 3:34

1 Pita 5:5 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 22:26

Taꞌe iꞌomu, omu ke suꞌuri teꞌurine. Nga iini ko neꞌi naꞌohai mwane iꞌomu, nge ke neꞌi iinoni mwei-mwei. Na mwane paine iꞌomu, ke neꞌi koni-konihe mola namiu.

Uusu-uusu A Pol Hurula'aa Hunie Mo Rom 12:10

Omu ke manata diana huniꞌomu heiliu oto mala mo mwaasine, na omu ke haꞌamaꞌu eemiu heiliu liutaa aana o haꞌamaꞌu eemu maraamu.

Uusu-uusu A Pol Hurula'aa Hunie Mo Rom 13:14

Taꞌe omu ke toliꞌaasie Aalaha ikie a Jisas Kraes ke naꞌomiu, na omu ke tola i sulie aana taꞌena nga ola omu ko euꞌesuie. Na omu ke suꞌuri neꞌi-neꞌisae aakau hunie omu ke haꞌa-oaie nga mei heri-huninge aaela aana sape.

Epesas 5:21

Na loꞌu aena aana omu meni neꞌisae paine aana Kraes, nge omu ke mani deu-deu i sulie neꞌisaenga iꞌomu heiliu oto noꞌone.

Pilipae 2:3

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu.

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

1 Timoti 5:1

Maholo o ko haꞌa-oodohie nga mwane nge e neꞌi rato oto, o ke suꞌuri ere raramaa hunie, taꞌe o ke ere rako peꞌie mala uri ingeie oto aamamu. Na o ke takuhie mo mwane saanau oto mala ikire mo eesimu mwane.

Hibru 13:17

Omu ke totola i sulie mo naꞌohai mwane aana soihaadaꞌinge iꞌomu peꞌi mwaꞌe-mwaꞌenga i sulie walada, aana ikire ni kire ko lio i sulie maurihaꞌamiu. Na a God ke iꞌie asunge ikire. Oto omu ke tola i sulire hunie kire ke asu ni ilenimwaꞌenga aana mei esunge ngeena, na mwaanie kire asu mola peꞌie saehuunge. Aana mala uri asunge ngeena kei hiꞌe hiitoꞌo hunire aana omu kaꞌa peꞌire, nge e saꞌa peꞌiꞌomu oto ooꞌoo.

Jemes 4:6

Taꞌe niinge aana hahuꞌana manata-diananga a God e paine liutaa aana aaelanga iinoni. Sulie e sai tola konie mo iini ko oonisae, oto mala mo Uusu-uusu Maaꞌi nge e unue uuri, A God e taꞌelaꞌi honosie mo iini kire ko toohaꞌinire, taꞌe e hahuꞌei manata diana hunie mo iini ko haꞌamwai-mweiꞌara. Provebs 3:34

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.

1 Pita 4:1

Maholo a Kraes e iiꞌo ue mai laona walumalau, e sapesalu oto liutaa i tehulaꞌamiu. Oto aena ngeena, iꞌomu noꞌone omu ke haꞌa-aꞌailaꞌaa neꞌisaenga iꞌomu na omu ke iiꞌo aakau mola tarau huni sapesalu noꞌone mala ingeie. Aena aana nga iini ko sapesalu aana sapena i tehulaꞌana a Kraes ko haataꞌinie uri e aaliꞌu oto toꞌohuu mwaanie oorahaꞌaa.

1 Pita 4:5

Taꞌe mwaanie omu rongo hunire, aana a God kei haro leire taane haahie leune. Aana a God kei leie taane ahutana mwala, mo iini e mauri ue na mo iini e mae oto.